1
Enu eto jahakari poiujo ta embo otohu titi jigari amina dainge eto Iesu ondekari na tato pehasoja ena hotembea.
2
Eto ungote pondo iji te mane pisora aminta be amo embo na hinikambari aisora avo ea.
3
Eto da javo Bethany aite embo Simon ta bande ta hore na eto embo ambure spura kinisena andirari ta degi. Eto Iesu indari indie mihinu, eto evehu umo higita.
4
Rate embo nei nei amo jo osa ae ea, eto ke enga ea umo ''mune'' te emo sio sao ereora.
5
Javotoho amo aombuto koro peni umbuto hajavaja irae embo ta ikahera ainge ea.
6
Eto Iesu na ena, ''ka avo tovuja mane ke avo osaga aisuja amo degi nau ta javotoho ere ua.
7
Eto ungo hajabaja ambu embo avo kivujo eto na mane koko aisova ange Iesu na ena.
8
Eto ka amo degi nau ta javotoho ereua eto nau hamo kovari ta hajire avo ereua.
9
Kebe kebe ugota degi erena enda nei nei ta duru javotoho hande ue kito evehu amina degi nau ta do ehija avo evujo hotembu hotembu are.
10
Eto ambotane tapa 12 amita embo wahai javo Judas Iscario, amo daingeto Iesu embo ta ikasuja avo embo pepeni ta degi pambuna.
11
Eto embo pepeni [ High priest ] ke ingito tunga javotoho ea. Eto amita koro [Money] ikasora avo ea eto daingeto isoro embo ta ikasuja avo degi jojombu ena.
12
Eto iji wahai amita bread o ambe sive ikari irae, eto jarukari bonuota o sheep meni ga beniha gagata peniha eto Iesu ta degi pambuto ea eto dango degi da ige pambuto sija sija aro no ambo indari mo indo.
13
Eto smbotane heriso pambara ue ke enge ena eto city jota pambuto umo pure are embo avo hambuto ambo ambo evujo.
14
Eto embo avo hambuto, bande ta horau kito embo eto bande ta mamo ta degi evujo ahepoekari embo na ehija jagu indari bade pe tiukari mo davore? eto aita au sija sija eto nau ambo indari nau ambotanega indesona.
15
Eto embo amina degii be aita au kito avo degi aita ohi arihasa sija sija evujo.
16
Eto embotane city jota ta pambuto amina ke do ena avo hambuto eto indari indesora degi avo sija sija ea.
17
Eto enana 12 avo hure amina wahai aita ea.
18
Eto enana ihiketo indari indie , eto Iesu na ke enge ena, kebe kebe ungota degi erena ungo namota indiheva amina na isora embo ta ingenita ikasova .
19
Eto ke evi ingito degi enana osaga eto mana mana ue amita degi ke enge ea.
20
Eto Iesu na ke mine enge ena eto embo wahai 12 amita jota namote aguhujota ambe ikasuja avoea.
21
Eto ke otohu ta kajari miha avo eto ano inono aisuja eto embo ta ikehija amo 'e' na mane igaehija ange Iesu na ena.
22
Eto Iesu na ambe umbuto pahi eto pejeto ikihe ena erevi nau hamora.
23
Eto ainge anguhu umbuto peketo ena erevi indavu.
24
Emore nau ke ehata orosa eto embo tapa avo embo jojekihena indavu.
25
Eto ungo ta degi ke be na erena, na mane 'i' be emita 'mu' ehako mane indesiona te mihirono mamo daroho irari aita horeto indesiona.
26
Eto enana tapa havena ijie tiri javo Olives aita pambua.
27
Eto Iesu na enana ta degi ena eto be mahu ta kajari miha, ungo na toto oju pambasi ova eto'o' simba ari taro 'o' tapa pojembaso na.
28
Rate smbota na pehari ta ereta ungo umbuto da Galili hena pambasa na.
29
Eto Peter na Iesu ta degi ena. Enana oju pambasi orae na avo mane pambasona ange ena.
30
Eto Iesu amita ena na degi avo ta ke be na erena eto mume oroho na kiae ke heriso nei wahai ijiro di ohora javone asiuja.
31
Rate Peter na ena na umote pehasona ange eiva. Eto na umo kiae ke mane aiso eto ambotane ke wahai avo ae.
32
Eto enana tapa avo degi javo Gethsemane aita pambua eto Iesu na ambotane ta degi ena ungo eita irivujo na pari aive eto pambasi ue.
33
Peter te James te gohu umbuto pari asi pambuna eto pahue osaga peni wahai kina.
34
Eto enana ta degi ena nau jo aro osaga te memega amina na peharako onate ungo eita mihe kouge irivujo.
35
Eto iji isapa ie eto Iesu avo endata veto pari ue eto endata sapura avo tiumbasi ena.
36
Oio mama ari haite ae avo eto aguhu avi umba rate nau uje manera te no uje avo arisona.
37
Eto egrembeto Simon Peter umo evo ere oe? ainge ena eto iji isapa koso simba ari haite aere ainge ena.
38
Kesi kesi ue pari ejo umo sapura veasoa eto ahihi avo ujeje ere ua, te hamo na uje ae ere ua ange ena.
39
Eto ehako pariasi pambuna.
40
Eto ehako puvuto'evo' uo kito ena , ungo tihi hirikari haite ae bere eto enana ke do aisora avo mana mana ea.
41
Eto ehaka egerembeto enana ta degi ena inono evo ue jangu indie eheva iji puvija kogove embo meni sapura embo ta ingeni ta ikasora.
42
Erevu ungote pambare 'o' kivu isoro avehera.
43
Eto ke toae ijie mihinu, embo Judas ambotane wahai '12' amita jota amina isora embo isapamane ga isoro are kite kepata te kanda te umbuto puvua, eto ke otoho simba ari embote tapa puvua.
44
Oroho nane ungota haire ikagona embo re aravora.
45
Eto 'Judas' puvuto sau be vihito Iesu ta degi ahepoekari embo (rabbi) eto Iesu havaena.
46
Eto ingeni ta gaiha na jigito heka ea.
47
Iji amekote embo wahai na giupari ta tihijigari embo (High priest) ta pure embo avo asivo na onde tukena.
48
Eto Iesu na enana degi ta ena na pegene embo manera eto ungo gisi kepata umbuto na umbasi puveve.
49
Na iji mahage bande otohu jota ahepoekagona amiko te jigito haeka ae.
50
Avora te ke mahu kajari miha avo au inono aisuja eto amiko te Iesu toto oju pambua.
51
Eto singa eha wahai gara asukari avo ambo ambo unu Iesu heka uo.
52
Gara avo toto oju pambuna.
53
Eto Iesu umbuto ke otohu simba ari te embo nei nei pepeni te ke kasihe wahaita ea.
54
Eto Peter isapa hoita eto enana ambo ambo ue Priest peni amita bande pe ta horea eto Peter pambuto isoro embo kaju eto
'i' vevere umbuke mihina.
55
Eto Priest peni te Jewish embo pepeni na ke jombure eto Iesu taro pehasi uja avo ea. Rate ke hamba ea.
56
Embo isapamane ke umbuto puvua te ke avo be ambu ena eto ke sokova ea.
57
Ambo nei nei erito kesokova na eto enge ea.
58
Embo emina bande otohu evi aimbeto iji heriso nei wahai amina bande atohu ingeni na mane aisuja te teho erasuja ange euja.
59
Eto enana ke avo be ae enu eto ke sokova ange kia.
60
Eto Priest peni amina erito iesu ta degi etoingari ke ena eto umo nau ke mine ari irae amo embo meni na degi nota eto ingari aisora.
61
Eto jamo uija eto be mine ae ehako Priest peni amina eto ingari be ea. Umo heriso jakeka eagora ami ta meni re?
62
Iesu be mine enana oroho eto ambo ta meni mamota engeni be ta arum beto mihirou kesoa eto sovera te johi jota uhuta vuvurou kesoa.
63
Eto Priest peni amo amita gara perara te eto ena na be nei eto ingari mihi te?
64
Avo eto embo amita pehumba be irae eto ungo ke nei amo mihete eto embo na eto ea embo emo sokova eaguja aueto tavo pehasuja ainge ea.
65
Embo nei nei na ihimbeto hamota isuva ea eto tihi togeto torara. Eto einge umo amina tehei.
66
Eto Peter amo be kasari degi aita mihi na. Priest pepeni amita pure ari hakara amina puvuto kito ke enge ena.
67
Eto ka amo Peter i vevere umbuhe mihinu kina eto ka amo arumbeto bekito ena umo tetapa Nazarene Iesu ta ena te
68
Peter na avo mine ena ungo ke do ereva amo na kiaebera einge ena eto Peter amo degi avo toto be kasari besi ai pambuna,
69
Rate pure kakara amita amo ehako kina eto ka amina embo meni ta degi ena eto embo neire evira ainge embo miha amita degi ena.
70
Rate Peter na embo amo na mane kiagona ainge ena eto ijie mihinu embo miha amina Peter ta degi ke be nei re imora Galiieen ra.
71
Eto Peter amo oenga sapura ta vovue einge ena eto degi nau ta ke ereva eto embo amo na mane kiagona aenge ena.
72
Eto sau be diohora javone heriso ena eto Iesu na Peter ta degi ena umo heriso nei wahai na kiae ke be aisoa amo hohora javone aisuja. Peter, Iesu na ke do ena avo hotembeto si ena.