¹ Iesu, jakeka bande toto arahata hae unu amita ambotane wahai amina eto ingari ena. ahepoekari embo, karu javotoho be emina bande javotoho be ikarira ainge ena. ² Eto Iesu na embo amita degi ena, umo bande pajire javotoho be ere kogoa? Eto karu pajire ovitihota kogoa amo pejeto veasuja. ³ Iesu tiri Olives ita vihito arumbena jakeka ari bande engihita mihei, Peter, James, John eto Andrew na eto ingari eto ingia, ⁴ E ingore iji deina iji mo ijekau? Amiko te hajire mo do ikau kioro amomo ije kau.? ⁵ Iesu na enana ta degi ena, be eto kogo eto kivujo ,iji puvuhuro amo ahe poekari embo sasapura puvureso ra. ⁶ Embo neite neite amina nau javota puvureso ra, eto namore evira eto enana na embo meni tihi jigeso ra. ⁷ Eto isoro ari duru, amo auvarita ingesoa eto hoita ingesoa, te ue osaga aojo. ami ta be amo,iji re auvaera. ⁸ enda tutumo amo ereto, enda tutumo ga isoro aisuja, embo nei amo ereto embo ani amiga isoro aisuja, eto endahe titira aisuja. eto beuje puvuresuja. iji evi puvuhuro, amo evohu meni ingasue, memega kiuja aingoko, avo keisova. ⁹ Avoeto simba ue irijo, umo umbuto isora embota ingeni ta ikasora. eto umbuto embo pepeni ta tihita ikaro hetasoa eto ue osaga aojo. ¹⁰ Eto ainge ururou mama ta duru amo hande aro pambuto enda tutumo ta aisuja. ¹¹ Umo isoro embo na umbaro, ue osaga aojo. eto ke do iji amikote aisoa amo God ta ahihi otohu na jo nota siriketo ikasuja. ¹² Namai na namai umbuto isoro ambo ta ikau taro pehasuja, eto mama na meni ta degi ke au, eto meni na ereto mamo na meni umberekasuja, eto embo tapa ta jo avo jamo jamo aisuja. ¹³ Rate, embo amuna God ta ke avo jigito umbuto pambuto tutumota aisuja , amo hotari umbasuja. ¹⁴ Eto peroveta Daniel na donda sapura be sapura aimta ke mahu ta kajari avo umbuto puvuto degi otohu ta ikaro hetasuja.[ke erevi ehekari embo be avora ari ena kito ungo Judia eita miheva embomeni joru tiri ta pambuvu. ¹⁵ eto embo bande ita miheo amo jota horasuja donda mane sireketo umbasuja, te teho pambasuja. ¹⁶ Eto embo pure ta mihea ami na mane amita do umbasuja, te teho pambasuja. ¹⁷ Eto pamone urete te, amina meni eha ingeto emi kajeuja amita degi ajato erena, enana ta degi osaga puvuresuja. ¹⁸ Eto ari erevi jajemo ijite mane puvuroja pari evujo. ¹⁹ Eto iji amikote , osaga memega kesora amo God na uhute enda te ena amikote ere puvuto hatija puvija erevi ra amo osaga ainge kiae avoeto kesora te ambota aengeko amo mane keisora. ²⁰ Eto Bada God na iji avo au tuho aisuja te ainge amo embo tapa no hambuto sasari aisora te God na embo amita toho avo embo au iji tuho aisuja. ²¹ Eto ijki amikote embo amina kina keriso puvija erevira enu ungetenau hondete ari embo puvija ainge au ungo ke be avojo. ²² Eto Keriso sokova na peroveta na ereto ue ari te vasiri neite neite ururoro ke be kije ambo ambo uve aro eto kito aro God embomeni tapa aisora. ²³ Be eto kogo eto kivujo, Iji erevi puvuresuja avoembo ungo mahu ehei ingihava avora. ²⁴ Eto iji avo puvurae kihata, uhu amo mume aisuja eto hariga mane usasa aisuja. ²⁵ Aenge ururou kuro amo soheto veasuja eto uhu ita hindu eto jahevasuja. ²⁶ Amiko te embo ta mine avo johi jota amita usasa eto sovera puvuhurou ke aisova. ²⁷ Eto iji amikote, Iesu Keriso na Anera ikau pambuto enda tutumo tutumo hetasora eto God ke be ari embomeni avo umbuto vahaita aisuja. ²⁸ Tovujo i junga amina ungo ahepoekai. Avo kivujo i amo ope eto be ururou kito ,avo hotembevujo menita iji ai vena. ²⁹ Aravoeto, do ururou kogue avo hotembevujo Iesu God ta meni avo puvuresuja , avoeto be asusumbe vujo. ³⁰ Kebe na erera, iriravo av0 puvuresuja. ³¹ Aravo eto Iesu na ena, uhute enda te avo irae asuja te nau ke otohu avo mane irae aisuja. ³² Eto bada Iesu keriso ta puvurari iji amo embo amuna kiae, eto uhuta anera amo kiae eto Iesu keriso te tapa kiaera. ³³ Be eto kogo eto kogue irivujo, amomo iji daite puvurou ava keisi keisi avujo. ³⁴ Amore embo vahai, amina isa pambasi ue amita pure embo vahai umbuto bande simba, aja iketo toto pambuha, eto ena na puvuresona aveto na simba ejo. ³⁵ avoeto, keisi keisi ue irivujo, bande mamo iji doite puvurou. ihote puvurou, o iji ugorota ururou puroute, o hurete puvurou, di hohora ke igirou puvurou. ³⁶ avoeto ue evo aojo, tihi kundeto kogue irijo. ³⁷ Eto na no degi ke erena, eto embo tapata degita kogue simba ejo.na ke no degi erena, eto ungo tapata degi, erena. kogue irivujo.