1
Awa embo ingo de na ainda petari katogo ae be era,nango kotemburisera ewamei awa nango Athens do ae etera.
2
Nango da namendi Timothy awa itero mambutira,umo awa God da buro ari embo amimi Keriso da binga ewa mei kundo ingo da yeida mambutira,ingo da goroba ari itadira edo sari pasadira,ingo da tumonda ari ainda pepetise,
3
oju eowe wasiri ro ijeguri aida.Ingo ingosuka gadewa awa ingodena awa,awa embo avigurisera.
4
Awa ge be ainda ingode atise matu setero ingisewa nango awa Iesu da binga ewamei atopaputisera ainda tamo memesi badera,sisera awa boroko ijegurira nango da yeida,
5
Ainda be awa embo,na ingo ruvegari katogo ae,awa embo Timothy ingo da tumonda ari awa garase gido.Edo satan barago ingo be naso buro tuturo isera awa ari biae orase.
6
Awate,Timothy nango da yei budo binga ewamei ititisira ingo da tumonda ari edo dubobari awa matawa.
7
Awa embo gido,nanonamendi,ingo da tumonda ari mi, nango simba isewa,nango da memesi ro tambutera ainda.
8
Boroko,ingode atadera,ingo Iesu da goroba da petadewa.
9
Nango ategari ingo embo mo ro awa God kena itadiri,nango jo yaviri God da yei era ingo awa embo?
10
Tumba-iji,nango pari inakade sera,ingo dombu gadi,edo no mi iri tumonda ari ingoda awa wowosira awa.
11
Ingode naso God mamo umo usuka edo ingodenaso Bada Iesu mi dedegare.
12
Iesu mi ingo itiri vitiwo,jao-namendi de,embo nenei be dubobari da bajiwo,teta nango mi ingoda yei era da awodo.
13
God mi jo ingoda awa goroba ari itare,ari ingo kotopu be edo bekuba nei ro badi ae,ingodenaso God mamo da dombu da,uso mei Iesu Keriso uso embo kokotopu de puradera ainde.