¹ Nango da nanonamedi,sangowe be re eire,Iesu Keriso da ewagaewa nango da yei awa betewa awasedo.Ro nango da yei ingewa,pepeta God ga ise,edo ewo God dubo ewamei era,wasiri eiya edo be sirigewo. ² Awarate,ingo gosewa,ro nango mi ingo da yei sera ane awara ari Iesu Keriso da yei da edo pira. ³ Emone God da dipapa ra.Iso segari seka ari wasiri mi,imo viropaima doadi esa , ⁴ ingo embo dada awa,rora berari awa kumbawo ingoda arase edo-ewa,kotopu ari mi edo sapo ari mi atiwo. ⁵ Amone teta wasiri bebegae,embo Jew ae God gae atima era awodo. ⁶ Doaso embo da awe, ewamei da edo biae da edo sembure, edo unemi ari uso namedi nei awa da awodo eure.Edo Iesu re,aso ari mina adira embo ,rora berari ainda,emone matu nango mi gido edo minonu sisera. ⁷ God ingo de na awa biae da atore saera,awarate,kotopu ari mi atore sira. ⁸ Awarate,embo amei eiyawa ujo ae ira,ane embo awa ujo ae aera,awarate,God ujo ae are,embo re amimi Asisi Kotopu iso yeida itido ira. ⁹ Nanonamendi dubo bari da wasiri.Ingo,embonei amimi ove jiwe do sari gadevi,God umo be ami atopapotisira,jao-namendi dubo borase. ¹⁰ Ge be,ingo awodo awa edo ewa,nanonamendi Macedonia busu ainda.Awarate nanonamendi,nango ge mi ingoda yei goroba ari ititera,be nembodiba be awase. ¹¹ Nango da-awodo ingoda yei goroba ari ge sera edo dipapa be era awa ingo jamojamo edo atiwo,edo buro ingoda be awa nembo ewo,nango mi ro matu sisera awodo, ¹² embobo God gae ainde dombuda pepeta ewamei adewa edo ingo embo nenei da kondade awa pepeta adi era. ¹³ Nango dipapa ae era awa ingo ge moka be awa gae atewa,nanonamendi,embo matu ewo da atera awa embo,amone teta embo ge moka be gae mi memesi budo era awodo. ¹⁴ Ingode gebe adera,Bada betedo sekago eririsira gido re,God mi embo ewo ise atera awa Bada ga da jigari eradera. ¹⁵ Awasedo,nango Iesu da ge mi ingo da yei sera ane,ingodena amei wasiri de atadira.Iesu da bugari iji ainde,ingodena wasiri de atera embobo ami,embo ewo ise atera awa dodo giti adiaera. ¹⁶ Iji ainde,Iesu utu da edo wosedo puradira.Umone gogo dimbuse bugadira,anera da gitijigari da ge javi de edo God da puin javi de puradira,edo ungo God ge be ari embobo betari ujada awa giti eradera. ¹⁷ Edo ingodena wasiri de atera awa amboda vitido,poroga da Iesu tambadera.Begatada eiyedo mi,ingo de Iesu ga natopo atadera. ¹⁸ Awasedo,ge emi embo memei awa ewo jo jamojamo are.