¹ Naso nanonamendi ingo suka gosewa nango da bugari ingoda yeida awa biae aera. ² Ingo gari bera,nango matu be jaredo isera pilipian nati ainda,edo jigama biae be isewa.Edo nango okain be tambuse God da goroba da derido binga ewamei awa embo da yei sisera. ³ Awarate,nango da goroba ari awa emboro biae da bugaera,awodo betobetoga da edo ge pasega sari da emboro da. ⁴ Awarate,nango avigedo,tumonda ise binga ewamei sorase sisira,busu embo aerata umo awa embo,umo da ami ingodenaso jo awa sirigedo gido ira. ⁵ Awasedo nango bugusera,awa ge pasegami biae ra awa patadi bugaera,ate God ujugadi bugusira. ⁶ Edo nango God da sagogari awa sisedo gadi bugae ra,ingoda yeida edo embo nenei da yei da nangomi Bada da ambo jimbi awodo awa sedo ombudo badi bugara. ⁷ Awa embo,nango awa ambuya ari mi ingo da yei teta ai mi uso kinapeina beroro da ira awodo awa ise bugusira. ⁸ Awodo mi awa nango imo jode dubo burisera,nango awa be jode kando osesa God da ge mi aerate nango da wasiri ingo da yei ujugadi bugusira,awa sedo nango ingo be jo de dubo burisera. ⁹ Awarate,ingo be gido gogo ewo nanonamendi ingode naso buro okain ari awa embo,tumba de edo iji de buro oto era awa ingo da yei bouga itaera,nango ingo da yei binga ewamei sisera awodode. ¹⁰ Imo kotopu be edo ewamei be,nei ro mi gido sae awa ingode naso wasiri ingo kera amei tumonda ewa ainda yei. ¹¹ Da awdo ingo gosewa nango rawodo ingo de da itoro sembu sira awodo mamo mi uso kinapeina de edo ira awodo. ¹² Ingo awa goise sedo gogo era,ingoda pepeta God da dipapa da pepeta awase,amei ingo jawo sira uso giti jigari yei sagobasago gari de ainda. ¹³ Awasedo nango daedo God ategedo gogo be era iji ainda ingo God da binga ewamei budo gogo be isewa,nango da yeida, awa busu embo da ge aerate awa gebe God da ge ra.Amimi tumonda ari embomei da joda buro edo ira. ¹⁴ Awarate ingo,nanonamendi,wasiri da awa God da embomei judea nati ainda isewa awodo ingo daedo wasiri da ainda memesi tambudo isera ingo da nati embomei mi eoro ,teta Jews embomei,ingoda yei edo isera da awodo. ¹⁵ Amimi Bada Iesu da binga sari embomei de awa dorisera,edo ungoi nango dedo ondisera . Ungo awodo ae God aviri aera. ¹⁶ Ungo nango awodari itido Gentiles embomei de umo gamo eorase sisera . Sangove ainda awa . Awodo ise ainda sangove awa natopo ungode atera . Awarate God da tini gambari awa iji da de ungoi tambadera . ¹⁷ Awasedo nango nanonamendi sisigaga isera ungo dodo iji tupo atisera,awa jo de dubobari mi aera.Awasedo nango be awa burigi wareregedo ingo de dombu minagara adi dipapa isera. ¹⁸ Awarate nango engenebedo ingoda yei buadi dipapa era -be na Paul sekago buadi isena -awate satan mi nango gajisira. ¹⁹ Ingode naso kotembari awa rori,iaviri ise ge be kotopu Bada Iesu da engenembari iji de uso dombu da ujugadera awa?awa embo imo ta? ²⁰ Awarate imo awa nangoda jo iaviri aride sagoba sago gari ra.