¹ Mani aitaia Tamana ena lalokau, vada e henida ita na bae gwauraida, Dirava natuna bona ita be unai. Una dainai, tanobada na asi dibana ita, badina ita na asi dibana ia. ² Egu lalokau harihari ita na Dirava natuna bona ina na do se hedinarai dahaka ita eda uru lalonai. Ita mai dibada bema Keriso baine hedinarai ita na ia idaidana na heto. Ita ese basita itaia ia korikorina. ³ Daika ini e helaro tomamu, ia enai ia sibona e hegoevamu, ia eme goeva goeva hegeregerena. ⁴ Daika e kara dikamu, ia na e karamu taravatu e tataia utumu, kara dika na taravatu itata utuna gauna. ⁵ Umui dibamui Keriso e hedinaraimu na kara dika baine abia oho, bona ia lalonai na asi ena kara dika. ⁶ Daika ia lalonai e nohomu, ia na basine kara dika. Daika baine kara dika hesiriu, ia ese na basine itaia bona basine dibaia. ⁷ Natugu lalokau, ta ese basine gunalaimui ba kerere na garina, kara maormaor e karamu tauna na, maoromaoro Keriso hegeregere na, ia na maoromaoro. ⁸ A kara dika e karamu tauna na diabolo ena, diabolo na e kara dika, matamana neganai. Una dainai Dirava natuna e hedinara ia ese diabolo ena gaukara baine ha dikaia (Baine gigia rohoroho). ⁹ Daika Dirava ena amo e vara, ia basine karadika lou. Badina Dirava ena uhe na ia lalonai, ia na basine kara dika lou, badina ia na Dirava ena amo. ¹⁰ Unu amo Dirava natuna bona diabolo natuna vada ba hedinarai, daika tau, bema kara maorodia basine kara, ia na dia Dirava ena amo. Eiava tadikakana basine lalokau henia. ¹¹ Ina hereva na matamana neganai vada o kamonaia, ita na baita helalokau heheni. ¹² Ita na Kaino hegeregerenai basitala. Daika dika karana amo tadina e alaia mase, dahaka dainai e alaia? Badina ia ena gaukara na dika, tadina ena be maoro. ¹³ Basio hoa bema tanobada ese baine inai henimu. ¹⁴ Ita baita diba, ita na mase amo vada ta hanaimu mauri. Badina tadikakada ta lalokau henidiamu. Daika tau, asi ena lalokau, ia na mase lalonai. ¹⁵ Daika tau, tadikakana e inai heniamu ia na ala-ala tauna. Oi mai dibamu, ala-ala tauna na mauri hanaihanai gabunai ia lalonai na lasi. ¹⁶ Unu amo ita baita diba lalokau badina. Keriso ena mauri e atoa diho ita daidai. ita danu eda mauri baita ato diho tadikakada daidiai. ¹⁷ Bema daika mai ena tanobada kohudia, tadikakana baine itaia mai ena ura, basinema bogaia hisi kudou na amo, Dirava ena lalokau ia lalonai be ede bema mia toma? ¹⁸ Natugu e, eda lalokau na dia herevai mo, dia mala amo, a kara bona momokani ai baita hahedinaraia. ¹⁹ Una amo baita diba ita na momokani bona ia vairanai kudouda baita hagoadadia. ²⁰ Bema ita na kudouda baita hadika, Dirava ese e hereadiamu bona ia na gau iboudiai mai dibana. ²¹ Egu lalokau, bema ita kudouda ese basine hadikada, ita na hegeregere asi eda gari Dirava baita mai henia. ²² Dahaka baita noi gaudia baita davari, ia ena amo, badina ita ese ia ena hahegani ta badinamu. Bona ia ta ha-moaleamu, karadia ta karamu, ia vairanai. ²³ Ina na ia ena hahegani, ita na ia natuna, Iesu Keriso baita abiadae (baita hamomokania) bona siboda ta ta baita helalokau, heheni, ia ese ena hahegani e henida hegeregerenai. ²⁴ Daika ia ena hahegani e badinamu, ia na ia lalonai bona ia danu ia lalonai. Unu amo ita ta dibamu ia na ita lalodai ia ese lauma e henida gaunai. Translator: Mr. Kamea Andrew Taru. Completed on Monday (30/06/23), Time: 09.02am. Ready for quality checking.