¹ Lau natugu, lau na ini gau na toremu umui emui, bena umui na basio dika. To bema umui ta baine dika, ita mai eda hereva tauna ta ita tamada ida, Iesu Keriso ia na kara maoromaoro tauna. ² Ia na ita eda dika kwaranai ela, dia ita edai mo, to tanobada idoinai. ³ Una dainai ita ia ta dibaiamu bona ia baita dibaia, bena ena hahegani baita badina. ⁴ Ta baine eto, "Lau mai dibagu Dirava" to ena hahegani basine badina, ia na e koikoimu bona hereva momokani na dia lalonai. ⁵ Bema ta ia ena hereva e badinamu, Dirava ena lalokau korikorina maoromaoro ia enai. Unu amo ita baita dibamu, ita na ia lalonai. ⁶ Daika e gwaumu ia na Dirava lalonai e nohomu, ia ena raka hegeregerenai, baine raka. ⁷ Lalokau taumui, lau na dia hahegani matamatana ta na toreamu, umui emui to hahegani gunana, umui ese hereva o kamonaia gauna matamatana neganai. ⁸ Oibe lau ese hahegani matamatana na toreamu, umui emu. Una na momokani ia enai bona oi emu ai. Badina be dibura na vada e pukimu, bona diari momokani na vada e kiamakiamamu. ⁹ Daika e gwaumu, ia na diari ai, bona tadikakana einai heniamu, ia na doini dibura. ¹⁰ Daika tadikakana e lalokau heniamu, bona diari ai e nohomu, ia na asi ena hekwakwanai. ¹¹ To bema ta tadikakana einai heniamu ia na diburai bona diburai e rakamu. Ia na asi dibana, ia be ede e laomu. Badina be dibura ese matana vada e koua. ¹² Lau na umui na tore henimuimu, natugu veridia, badina emui dika na vada ehe-gwautao, badina ia ladana dainai. ¹³ Lau na umui na tore henimuimu, tatau badina umui dibamu, ia na matamana, lau na umui na tore henimui, eregabe tatau, badina umui ese dika gauna o hadarereamu. ¹⁴ Lau ese na torea umui emui, maragidia umui na mai dibamui tamada. Lau ese na torea umui emui, tatau badina umui dibamui ia na matamana. Lau ese na torea umui emui, eregabe tatau badina umui na mai goadamui bona Dirava ena hereva na lalomui ai bona umui ese dika gaudia o hadareremu. ¹⁵ Ina Tanobada na basio lalokau henia, Tanobada gaudia danu; bema ta ina tanobada e lalokau heniamu, Tamada ilalokau henina na dia ia lalonai. ¹⁶ Gau iboudiai ina tanobadai, tauani ena hegahusi, mata ena hegahusi, heagi kava heagi kava mauri lalonai, ini na dia tamada ena amo e maimu. ¹⁷ Tanobada bona ena ura na baine puki, to daika Dirava ena ura baine karaia baine noho hanaihanai. ¹⁸ Maraki-maraki dia hora dokona binai, umui vada o kamonai keriso koikoidia bema maimu, ina hari keriso koikoidia hutuma vada ema. Unu amo baita diba hora dokona binai. ¹⁹ Idia na ai emai amo e raka lasi, to idia na dia ai ida. To bema idia na ai ida, idia na bema noho ai ida. To idia na e lasi, una ese e hahedinaraiamu idia na ta dia ai ida. ²⁰ A umui na Helaga tauna ese vada e horomui, hereva momokani vada o diba. ²¹ Lau umui na tore henimuimu na, dia natomu umui na hereva momokani asi dibamui dainai, to badina umui na mai dibamui dainai. Bona badina koikoi ta lasi, hereva momokani amo. ²² Daika be koikoi tauna. Iesu na Keriso e goreamu tauna? Una tau na Keriso koikoina ia ese Tamana bona Natuna e gorediamu. ²³ Iboudai natuna baita goreamu, tamana danu basita abiamu. Daika daika natuna baita gwauraia hedinarai, tamana danu baita abiamu. ²⁴ Matamanai o kamonai herevana na lalomui ai baine mia. Dahaka o kamonai matamanai baine mia lalomui ai. Oi danu natuna bona tamana lalodiai ba noho. ²⁵ Ina na gwau hamata ia ese e henidamu - mauri hanaihanai. ²⁶ Ini na tore gaudia umui emui, bae hakaumui kerere taudia daidiai. ²⁷ A oi na hehoro vada o abia ia ena amo, lalonai ba noho. Bona oi na ta ese basine hadibamu, to ia ena hahehoro oi e hadibamu gau iboudiai bona momokani dia koikoi bona maoro ia ese oi e hadibamu, ia lalonai ba noho. ²⁸ Natugu e , ia lalonai ba noho bena ia baine hedinarai neganai, ita na basita daradara bona basita hemarai ia vairanai, ia ena mai ai. ²⁹ Bema oi na o dibamu ia na maoromaoro, oi danu badiba iboudai daika kara maorona e karaiamu ia na ia ena amo e vara. Translator: Mr. Kamea Andrew Taru. Completed on Monday (26/06/23), Time: 12.16pm. Ready for quality checking.