¹ Egu lalokau, lauma iboudiai basio abidiadae, to lauma ba tohodia, idia be Dirava ena amo, badina peroveta koikoi dia momo ina tanobada ai. ² Unu amo bodibamu, Dirava laumana na lauma iboudiai Iesu Keriso e gwauraiamu ia na tauani amo ema, idia na Dirava ena amo ema. ³ Bona lauma iboudiai Iesu se gwauraiamu idia na dia Dirava ena amo ema, ina na Keriso koikoina laumana. Vada o kamonai, ia na bainema bona ina harihari ia na vada tanobada ai. ⁴ Oi na Dirava ena amo, natugu, bona vada o hadareredia, badina oi lalomu ai e nohomu e nohomu gauna ese ina tanobada ai e nohomu gauna e hereaiamu. ⁵ Idia na tanobada ena, una dainai dahaka e gwauraimu, gaudia na tanobada ena bona tanobada ese e kamonai henidiamu. ⁶ Daika Dirava e dibaiamu, e kamonai heniamu. Daika dia Dirava ena amo, se kamonai heniamu. Unu amo ita ta dibamu lauma momokanina bona lauma koikoi na. ⁷ Egu lalokau, aita helalokau heheni, lalokau na Dirava ena amo bona ita iboudai, daika e helalokaumu ia na Dirava ena amo, bona Dirava mai dibana. ⁸ Taunimanima ta Dirava se lalokau heniamu, na asi dibana Dirava, Dirava na lalokau. ⁹ Badina be Dirava ena lalokau na e hedinarai ita bogaragidai, bena Dirava ese natuna vara edeana e siaia ina tanobada ai ita baita mauri badina ia dainai. ¹⁰ Ina na lalokau, dia ita ese Dirava ta lalokau henia, to ia ese ita e lalokau henida, bema ia natuna e siaia ita eda dika kwaranai ela. ¹¹ Egu lalokau bema Dirava na ita e lalokau henida badamu, ita danu baita helalokau heheni. ¹² Ta ese, lasi vaitani, Dirava se itaia, bema ita baita helalokau heheni, Dirava na ita ida bona ena lalokau hereadaena na ita ida. ¹³ Unu amo ita baita dibamu, ia danu ita lalodai badina ia ese ena lauma haida e henida. ¹⁴ Una danu ita ese ta itaia bona ta momokania, Tamana ese Natuna e siaia na ita eda hahemauri tauna ina tanobada ai. ¹⁵ Daika baine gwau hedinarai Iesu Keriso na Dirava Natuna,Dirava na ia lalonai ia danu Dirava lalonai. ¹⁶ Una danu, ita ta dibamu bona ta abiadaemu, una lalokau Dirava ese ita e henida. Dirava na lalokau bona daika ia ena lalokau lalonai e nohomu, Dirava danu ia lalonai e nohomu. ¹⁷ Badina binai, ina lalokau hereadaena na ita bogaragidai, unu amo ita na baita goada hahemaoro dinanai, badina ia na, maoro ina tanobada ai ita danu. ¹⁸ Lalokau lalonai gari ta lasi. To lalokau hereadaena ese gari e kokiamu, badina gari na matahakani e mailaiamu. Badina e garimu tauna ese lalokau hereadaena se abiamu. ¹⁹ Ta helalokaumu badina Dirava ese e lalokau henida guna dainai. ²⁰ Bema ta baine eto, "Dirava na lalokau heniamu" to tadikakana e inai heniamu ia na koikoi tauna. To tadikakana e itaiamu tauna se lalokau heniamu, Dirava basine lalokau henia badina se itaiamu. ²¹ Ina danu, ina na hahegani ia ena amo ta abia: Dirava ta lalokau heniamu tadikakada danu baita lalokau henidia. Translator: Mr. Kamea Andrew Taru. Completed on Thursday (06/07/23), Time: 05.06pm. Ready for quality checking.