¹ Va aonai-aonai, ko gavana nonoanana da ka va abi. Ko Ovia Baganano va inivi aina mai ena maora dano vavararo. ² Kauna ka aisa'akuna Kerisona ena kauna ka, Kauan'nana eh raumanana, da aisa'aku, ana Diravana no eisa'aku, e ganava basileia na iva koinana ³ Mai a'a kauna aisa'akuna ko, Kauan'nana eh raumanana, da aisa'aku, ana Diravana no eisa'aku, ⁴ eganava abu nonoana mai vai'uninida maoradada vaida eono ko kauna da ka vevararo diba. ⁵ Ia kauda ia adin a'adada va aonairida. ko sibo'u da va aonairi'u, ko e'u manomano dano abudada vavararoda. ⁶ Ema a'ura va aonai-aonai, ana nana da bo'o, badina ana maora momoai na vavararoa. Ko da vavavai, inoku kauda eda isa'a-kuni'u mai e'u maorada eda rasida. ⁷ Nana da va aonai-aonai roa'ava badina maora da ira'adada ge'ogu. Ana ounanai, da va po'u-po'u ro'ava, Diaboro na ena paurana ivavainana kaunana ka e'ogu eva gaga'uva, ounanai nana da va po'u-po'u. ⁹ Ko evaoni'uva, "E'u aononoana abamnai anai idai, badina manomanonai ira'a da gemai ro'ava." Ana ounanai e'u manomano da abudada avararo ro'ava, ana ounanai Kerisona ena ira'a ao'u naino eda mia. ¹⁰ Manoda abudada eda mai, kauda eda va-gaga'ao, kerereda, eda akuni'u geka-ro'avamai ra-boubou da gepuru ro'ava . Ana ounanai ema amano a'ana, va ira'a. ¹¹ Nana ai a-bo'o! Badina uida u'ogu u'beguni'u, a'a aga'una uma abi-ra'ana ana ounanai. a A'a reba da kaudada da ava nonoada ro'ava, nana ero ve'o. ¹² Diravana ena vaisi-vaisi momoaida kaudada iva-naedomaiva aomuinai mai koada ivaisamuiva. ¹³ Ema ro'ena aonanai animu ve'o, ko e'u sina'ada da ava ua'o ai? Ia e'u vavaina vovairearea. ¹⁴ Vi'o! Nana ai vavasi va'iro agona ivakoinana. Da vava sina'amui, badina emu gavada da va'abida. Nana aura onina. Badina da urameda eda ogu aida-aua eda onaurida ko aida-aua eda ogu urameda eda onaurida. ¹⁵ Nana vagava mai vagava oumuina. Ema aragai-ainimuva, be ai nana? ¹⁶ Ko e'u nu'unu'uda da ava-ua'o. Ko nana idai-idai ounanai, emui rebada vavaidada agavarida. ¹⁷ Ava gaga'ova eh gava? ¹⁸ Taitus na mai sinae-kapea na ka asieida gevasiva. Taitus na eva gaga'ova eh? E'u gere'ada da ekauai eh? E gana-ganamaida da idai e? ¹⁹ Uida ura i'avaruna sibomai i'uninimaiva e? Dirava na aronana naida Keriso na ena paura kaumaida iva ira'amui ro'ava. ²⁰ Nana maimekau'u, a'ura vavasi ana idai'idai vagavarimui. Amekauva badina a'a da iogugu da vugavari'u isa'i urasava a'adin. Amekauva idua-idua da eda komea, vai'orada, dini'ada, sisiba kauda mai po'upo'uda. ²¹ Amekau badina va'ero vamai ana, da e'u Dirava na veva naedo'u aromuinai. Amekauva badina kauda ira'u vavai gaga'ada gevavai aiai ma eda vavai gaga'ada da geva'ada da gevairea-rea venda.