¹ Ia-agana agona ivakoi-nana amaiva abamunai."Kerereda da kavavai ko gesiava kavavai,ana kauda rua eh koi eda vamomoai be ana momoai kakerereva." ² Gaga'ada kaudada avaonoda aiaiva mai vaidaero a'agona ivaruanana amaiva-ananai ,mai avararoa-vairova :Ema vamai vairo, da vavaonoda vairo. ³ Ana ounanai avaonova badina emu ivamomoai da kaudada okauva,aeadi ana kerisona eouraro veni'u .Iana da manonai evasi-veniova.Idainana,iana kapukapu ona aomunai. ⁴ Manona aonanai geva satauroa,ko iana Diravana ena siaunai emauriva.Isada da ka'abia ira'ava,ko isada ianaosidi isa mia Diravana en siauna aomunai. ⁵ Sibomu emu abivenina vokaura.sibomu vo koio. Onina doisa'aku ana yesu kerisona onina aomunai eh? - vegana emu abivenina ikoinanai vevaida'asi. ⁶ Nana vava-momoaia ana ega ko'oiko'oina a'anana kava gaga'ava. ⁷ Agana isa guriguri Diravana abanana ana gavanadaka vovakerea.Da aguriguri a'anana ega ko'oiko'oina na isa vanairia akava.Isai a guriguriva-a'anana gavada meorodada vovavai mai ema kavaida'asi abudada da vora. ⁸ Isada momoai-momoaida isa vagaga'a,ko momoai-momoaina ounanai . ⁹ Ka ra'au vairo mai onina oira'ava.Naida iguriguriva onina veva boubou'o ikava. ¹⁰ Ia gavada arereva ada murimunai, daurava onina vaouraro ira'aveni'o badina e'u paurana ounanai - ana kerisona eveni'u, ana ounanai vavakubu'o,da vava-vaida'asio'. ¹¹ Kuananai, sinae kapeada,gera'auvairo-va!Korevairona pauranana,vevaiduru,siboga isa abigagae,mainona-aonanai.Mainona mai ragaena Diravana abamunai vemia. ¹² Sibomu kapukapuna ba'unanai vu ba'unimui vaidio. ¹³ Abivenida da kaudada iboudadai eda vanonoao. ¹⁴ Yesu kerisona ena nonoana, ena ragaena ena raumakapukapuna gurigurina iboudadai eda vasi abamunai