¹ Aura vumai vuduruni'u isa vavai garau. Ko veo uvavai ovinaiva! ² Ko ai avaiora venimuiva. Da vai'orada gaga'adada ko nonoadada, badina avaoni'o aiaiva kau na kapeano va'abia agava'unai ve'aova. Mai makamaka korikori Keriso na va venia. ³ Ko amekau gadiva, isa'i a'a babaina eogu Ivna eva bo'oava a'anana, emu ra'da eda gana ba'ananai isa'i gurigurinai mai Kerisona ena vavai nonoanai. ⁴ Ema ka emai Iesuna egenana e'iroroaina. E ema raumana egenana ka egogoni'o. E ema dirava egena ka ena maorada oabi-gaeva. Ai ema idaidai! ⁵ Ko ara da a'aveava a'a rebarebada kaudada a'adina. ⁶ Ko ema iroroda gereadada da aisa'aku ko a'aonegava. Gere'ada mai vavaida ege'ege ivavai inoku ai uisa'aku. ⁷ Vavaida gaga'adada vaida avavai venimui ko e ve'o? Badina Diravana ena maora nano a'iroro venimui ro'ava. ⁸ Ro'eda vaida abadadai avainaova badina e'a gekava inoku va'onaurimui. ⁹ Abamuinai amia agonana, e'u sina'ada da ka ava ua ro'ava. Badina e'u urada a'adada ega sinae-kapeagada a'a Masedonianai gemai geduruni'uva. Gavaka aonanai ko e'u sina'ada da vavaonimuva, aba'unaino eda mia, mai vanai-vanai ana a'adinano vamia. ¹⁰ Badina Kerisona ena maora momoaida ao'unai gemia, Akaia da kaudada da eda vaku'a ko eda vara-ro'u ro'ava. ¹¹ Why? Badina da aragae-ainimui ro'ava e? Diravana sibona eisa'aku. ¹² Ana ounanai gavaka avavaiva-a'ana da vavaku'a ko, geva-gaga'uva e agadada ge-abira'a ko ana vavai kapeana ivavaiva. ¹³ Kauda a'adin a'ada rebada kaudada mai paura gaga'ada kaudada. A'adada rebada kaudada isa'i Kerisona ena vaisi-vaisida kaudada. ¹⁴ Mai da isa pou-ainda, badina Diaboro na ero erebareba isa'i airarada anerudada a'adin. ¹⁵ Da isa pou ema ena vaisi-vaisi da kaudada eda mai eda rebaniga ero. Ko aveai ana vavaina ounanai andada eda abi. ¹⁶ Ama vaonimui va'iro: Da uma ra uma sia nana bo'obo'o. Ko ema a'adina orava, ana ve'o vakava. ¹⁷ ema a'aonai aonai ana da Ovia bagana eogu, ko nana abo'obo'o. ¹⁸ Ko badina kauda ira'u siboda ge-aonairida ro'ava, ounanai nana ero va-aonai aonai akava. ¹⁹ Rebada kaudada uva-momoaida. Sibomui emui aonegada. ²⁰ Ema uva-momoaida isa'i abadadai u'diburava, e ge abi'o uga abadadai, e evavaio isa'i gava garau na ka, e evavaio isa'i on'na evanairiova, e ioiumuna ge-pe'ania. ²¹ Ko vasia imaridiva badina da vi'idai a'adina vikava. Ko ema ka e-aonai aonaiva, vakumua a'a bo'oda a'adin, mai nana ero va-aonai aonai. ²² A'ada Hibruda eh? Nana ero. A'ada Israilda e? Nana ero. A'ada Abraham na besenada e? Nana ero. ²³ A'ada Kerisona ena paurada kaudada e? (Akumua isa'i bo'oda a'adina.) Nana avavai ira'uva. Nana paura sina'ada avavai ira'uva, diburada aodadai, ge-karai'u gaga mai ero nou ageono. ²⁴ Juda aodadai ge ubini'u gagava. ²⁵ Agoda koi aurinai ge karai'uva. Ago na kapea vakunai ge-dioni'uva. Agoda koi asi kome'ada gegaga'a. Amia rani mai amia ago dio gavaranai. ²⁶ Abuda boudadai aebonda ro'ava, vei da vaida mai mekauda, Vainao-vainao da kaudada mekaudada, a'a kauda Diravana da geisa'akuna kaudada mekaudada, goaegada rebadada. ²⁷ A-paura sina'a gagava, eno ovinai veo, orana mai ago'aunai, rove'naino mai imarinai. ²⁸ Ko gavana ka ero ana, rana eakuni'u ro'ava mai ro'eda arasida gaga ro'ava. ²⁹ Gai da e-ira'a, mai nana da a-ira'a? Gai vevai-ra'asi ekava, mai auararana da akukuia? ³⁰ Ema va-aonai akava ana, da a-ira'a abudada a'adada vavararoda. ³¹ Diravana Iesu Kerisona Auanana ero eisa'aku da a'rebava. ³² Damascasnai, gavanana eda oviana Aretasna babenana a'anana eogu Demascas na e'onaura veva dibura'u ekava. ³³ Ko poanai geva-naedo'u.