¹ Nana pol na sibou anoni va,kerisona ena bauau na mai ena miaovinai-nai akananai.Abamuinai amiava nana mano-mano,apunai nana ira'a. ² Anoniva isai,nana sibou da vasia nana ira'a.Arava vaouraro a'a gainadi gerava sibomai kauanimai-nai imauri. ³ Vidionai ka ganaebova, vidiona da isa vairinia. ⁴ Ega vaiakuda gavadada da ka vidionai gevavai.Eda ira'ana komeavere,ia kanobagada gavadada vevagaga'adia. ⁵ Ema gai Diravana vevanairia ekava iva gaga'aroava.kerisona ena mia ovinaina ra'na iboudadai iabi. ⁶ Naida agana vabibinada kaudada viva paurada sina'a,ema omia-ovinaiva. ⁷ Oma vi'o gavanaka makamakana kaiaro-munai.Ema gai eisa'aku iana kerisona,uaroana sibona veisaku iana Iesuna ,mai isada ero. ⁸ Arava su'uka emai paurana aonairava a'adina,ana kerisona evenimaiva onina viva kubu'o ko da viva gaga'ao,nana da va maridi. ⁹ Nana daurava isai e'u revarevana vuvanonoa. ¹⁰ Isai vaida eda sia, "ena revarevana siau mai ira'a,momoainana iana manomano.Ena maorada da voura ikainadada." ¹¹ Kauda vuva-isa'akunida, gavaka ka rereniava ega revarevanai ana ema isa io'ibua aonanai ana ega vavainai vea'o. ¹² Anadi kaganava a'a kauda siboda geaonairida roava ada kaisanida mai ka'amenda. ¹³ Naida viaonai-rimai vanai.Ema vivavai ko diravana da vivanairia. ¹⁴ Naida da vivanai ema gavariova.Onina kerisona ena maorana osidi mai aonanai naida igavario unauna. ¹⁵ Naida di aonairimaiva eganava a'a kauda eda paurada kaudada a'adina .Naida iurava emu abivenina vekubu ana emai paurana abunana vekomea vegana, ko da vivanai-vere. ¹⁶ A'anana veogu vigogo vanuada kaka aodadai mai onina gaemunai vanuada'ada.Abuege nai paurada gevavai a'adada da viaonairida. ¹⁷ Ko gai eaonairava, ana kerisona veaonairaero." ¹⁸ Badina da sibona evamomoaia,kerisona eogu evamomoaia.