¹ Abivenida da kaudada eda ministri na eda rasia,ana da va rerevenida. ² Emu rana aisa'aku,a'anana aonairiava masedonia-da kaudada abadadai.Avaonoda aiai,akaiana eabia-abi aiai vuisaunaka egana.Emu vaura-vaurana eogu vavainana gevavaia. ³ Agana sinae kapea'uda asieida ana ounanai emai aonaiaonai-na abamunai veve'o, ounanai voabiabi vaisa, isai asiava onina-vo'ogu. ⁴ Ema ,masedoniada vaida edamai nana osidi eda isanio onina do-abiabiva, naida vimaridi - nana da avararo'o, naida onina ivioriova. ⁵ Ana ounanai sinae-kapeauda a'ourarovenida, eda vasi eda duruni'o vuabiabi vuonaurida, ova-momoaia aiai.Aunonoana boinana, isai gavanaka devai abiva. ⁶ Aninana i'inana,Ka ve' dinia ana iboudadai vevagouda,mai ka aunonoana ve' dinia aina ana vevagouda ero. ⁷ Uaroanida siboda ukodadai gavaka ana edaveni, kauna kapea deda vioria o da gema vagou kapea. ⁸ Mai diravana veogu emui nonoana veva komea, agoda boudadai , gavada boudadai aodadai.Nonoada vova komeada. ⁹ Ana a'adina gerenia. Ena gavada nonoadada kaparada kaudada evenida. Ena vavai-nonoana emia vanaivanai. ¹⁰ Iana mo'ada robada kaudada evenida eda vagoida ,anidada eda puru ana eda gebada,mo'adada eda irau ma edaveniveni mai moadada eda irau.Emu nonoana vekomea-gaga. ¹¹ Gavada irau vuva puruda mai kauda vuveniveni,ia'adina diravana ena aunonoana komeanana isa vanonoa. ¹² Ia duruduruna pauranana ivavaiava ana da abivenidano kaudada ko diravana ivanonoa erova. ¹³ Badinana onina a'a pauranai eh koio ,mai eva -momoaio ana ounanai ,Iesuna eurava vobau'au ena maorada abadadai.Diravana vovanonoa boinana emu veniveni na komeadada eda gana iada abadadai mai kauda iboudadai abadadai. ¹⁴ Ge mavava abamunai, mai ge guriguri veniova. Ia'adina gekava ana badina Diravana ena nonoana abamunai geisanidava. ¹⁵ Iva-nonoana emagana Diravana abananai, badina ena aunonoana komeavere ounanai(disa va'auda diba).