¹ Nau nameni tefo, Iesu ai hanana evo. Ke horo tapa evi ningota hako kakujorona amore nau ai re meme mehiea ra, eto ke emi re nimo re akari be eto simba atiuja. ² Ino sasamuna avo kekti keti evo. Pure sasamuna ora embo meni avo keti keti evo. Embo ando kafukae avo keti keti evo. ³ Amita bere nango avo ando re kafukara ----embo meni God ta ahihi otofu ami jakeka ora avora, eto Bada Iesu avo hanana ora, eto ando visi ai ivo eto kembe ae ora embo meni ra. ⁴ Namo nahu avo namo ando visi ai ivo humbae ra. Nimo embo avo ando visi avo pemi be eto horemburoe, angato namo ena ire pemi be eto horemba ena. ⁵ Iji ingene ufotapa eto ehorotapa (8) amita jo ai nau ando re kafukarara, Angato Israel embo meni ka,Benjamin ta vui amika, eto Hebrew eto Hebrew avo pere; amita be re kakara ke ami do ija ai uketo, embo humora vande amita tiri jikeri amika tapa ai. ⁶ Ningo Iesu ambo ambo ova avo, nane God ta embomeni (church) amore kuhbarana; akari betapata avo ke kakara amita hembae mija avo kiae mehei ana, eto namo bovu pemi be ufuna. ⁷ Rate donda avnun avo ana amita mine re nau ra, avo ue Iesu hena ai akakari pemi be avo aje ana. ⁸ Eha emi donda akari doko avo toirana avo Bada Iesu ta javo ai fuketo kona amita bere samuna ana ai eto. Iesu ta eto avo donda betapata avo toirana---- eto akari mane anga eto kouve toto Iesu hena ai ukiona. ⁹ eto Iesu hena avo haveto keti, eto nau akakari ke kakara mija avo mane ra, rate nau kembe ari avo Iesu ra ---- eto akakari betapata God hena ire kembe ari(faith). ¹⁰ Avo eto eha emi re namo tofota ambuto ireraja ivo avo ketona eto tofota jakeka ai meme ufaja angato namo tofo afuja angato amburetona, ¹¹ Anga ue tofota ambureri avo be eto koko eto ketiona. ¹² Donda evi pere mah umbena avo mane ra, o namo mah akari be ena, rate namo donda avo ivo be eto jiketi uje ona mine Iesu ami namo jikikaraja avo eto. ¹³ Nameni tefo, namo nahu horemborona amore namo donda avo jikena anga eto horemba ona. Rate donda tapa ona amore: Namo re kuta avo jene ambu ona te tiri pe ai do meja avo fuketo kona, ¹⁴ Namo egekorona amore hoi ai hurati ue eegekorona eto jake erare beta avo God ta meni Iesu hena ai humbati ue avo ona. ¹⁵ Nango betapata mah gasa ari, amore angato horemba re; eto nimo donda eni avo,horembari eni ue kito re, God ami nimo au keti oa. ¹⁶ Avo embo, nango dei vuvuto ukera ai mehea,. avo surumauna be eto jikivo. ¹⁷ Nameni tefo, namo inono eto kieka evo. Eto koko eto embo avo hire ningo jakorova ai kieka ue jakorora avo pere kivo. Pemi be avo hire samuna ore hene ingikare avo eha sisive ka hako nimo avo hene ingikoroha---amore e~e faere Iesu ta amita isoro embo meni ra. ¹⁹ Enenata totomo re meme kame ra. Mine enena ta god re enenata ori ra, eto enenata usasa re mekeri ra. Enda ta donda avo pemi be eto horemba horemba ora. ²⁰ Rate nangota nanofo da re unga ra, da ai nangota oreka embo Bada Iesu re simba atora. ²¹ Ami nango ta ando visi evi najirikah usasa ando atoja, ivo tofota ai najirikah donda betapata avo tofota humbae ai vuvuto ukatiora.