¹ Avo embo, nau tunga humbari nameni tefo, ningo avo horemba horemba ona,amita be re nau siro kokope eto hanana avo ningo tara, eto horo ai surumane be eto Iesu henae ai uketo meheivo, nau enjo hoe. ² Namo da Euodia avo embo humora(pari) ona,eto da Syntyche avo embo humora ( pari ) ona, angato horembari tapa avo Iesu hena ai ukevo. ³ Avora, nimo eito ingikorona nau kembe kembe enjo, pamone avo hondate evo mine namo hondate ue ke otofu evi hande era, eto Clement ka eto nau pure embo meni avota javo buku meri nanofo ai meheaja amika tapai. ⁴ Mah angato Iesu ta jo ai hanana evo. Hako nane ena, hanana evo. ⁵ Nou hana hana ari avo embo betapata ami kore. Iesu re nou ingiri be ira. ⁶ Donda pe ufo avo jene jene mane atioa. Rate, donda betapata avo humora,pari eto eito ingirimavo e~e ari amika eito ingeri ejo, nou eito ingeri avo tojo God ingoi, ⁷ eto maha God ta peka, ami horembari betapata avo vikiea, ami nou jo komote eto nou horembari avo Iesu hena ai simba atiuja. ⁸ Totomo be, nameni tefo, Donda avunu avo kembe ehei, eto donda avunu avo javotofu ehei, angato donda avunu avo tembu be ehei, eto donda avunu avo tokono mehei ehei, eto donda avunu avo tungabari be ehei, eto donda avunu avo pine akari ehei, angato donda eni akakari be ehei, angato donda eni jakeka ai mehero ue ehei, donda evi horembeto kivo. ⁹ Donda evi nau ai hare peokari eto humbea eto ingei eto nau jo ai keiha, donda avo evo, eto Maha God ta peka re ningoka metuja ¹⁰ Namo eha emi Iesu hena ai hanana pemi be ona amita be amo eha emi nou horemba horemba avo namo avo embo ea eha eja. Nimo kiri be amo namo horemba horemba ue mehea, rate horo deka eto namo hondate atioa avo havurue mehea. ¹¹ Namo evi ae ra amita be re namo hondate uje ue mehea ra. Mine namo horo enite kanite kona avo embo. ¹² Namo be ambu deka ora amo kona, eto horo deka eto donda te embo ati ora amo namo re kona. Hoi betapata eto donda betapata ujukari deka eto uduretoa eto beaje hambatoa avo kiena, eto deka variketo vatoja avo kiana. ¹³ Nane amita javo ai ivo jukuro donda betapata avo ati ona. ¹⁴ Avora te, nimo pure akari be avo ue avo nau meme kame heni avo humbea. ¹⁵ Irikari be ire ke otofu emomo avunure amore ningo Philippian embo meni re kova, iji amikote namo Macedonia ai pumbone re, orope heni ami hieri te eto humbari te ke avo namo re hondate ira te nine namo re hondate ea. ¹⁶ Iji amikote namo da Thessalonica ai mene amore, nine nau ujeje amore hondate ea. ¹⁷ Namo hande avo humbati aera. Rate, namo keti uje ana amore ei~ be pemi be eto nou mereri ai bijiroja ue ana. ¹⁸ Namo re donda avo pemi be eto ufana, eto be pemi be eto ufana. Namo donda pemi be eto ufana angato eha emi re da Epaphroditus eto donda jokava avo kona. Donda amore jeuni mune kora, God munebeto humbatuja avo jokara. ¹⁹ God nau ami ningota ujeje pemi eto haja vaja pemi avo Iesu ta usasa hena eto hieo humbatova. ²⁰ Eha emi God nangota Maha amita usasa betapata avo mah iji nanofote eto nanofote anga metuja.Kembe. ²¹ Bada Iesu hena eto God ta otofu embo meni avo peke vo.Nane nameni namo ka mera amika peke vo. ²² God ta otofu embomeni ea namoka mera ami ningo betapata avo peke ora, angato nogo Caesar's ta orope betapata amika peki ora. ²³ Bada Iesu ta jo ari avo nou ahihi amika ra.