¹ Iesu hena ai hondate ke mehero kito, angato tungauhumbari ami jamu jamu heou kito, eto angato ahihi ta tapata ari avo mehero kito, angato nogo suru suru eto jo ari avo mehero kito, ² Avora horembari tapa ai uketo nau hanana avo evo pe vito varikaie angato siro muju tapa ai uketo, ahihi tapa ami tapata evo, amita bere akari kuta tapa avo embo. ³ Nuhu namo namo mane hetoa, eni ufo avo mane engekato, jamu jamu eto nimo nuhu avo toto eni ufo vo horembejo. ⁴ Nou uje avo mane atoia, rate eni ufo ta ujeta avo evo. ⁵ Nimo re Iesu ta wasiri eto horembari tapa angari avo ejo, ⁶ Mine tofo Iesu re God ra eto tofo avo tofota maha God amika inono mane ite ujaei ue donda betapata avo tofota anga eto hei ra. ⁷ Rate tofo Iesu avo be ambu anga eto, avo pure embo ta wasiri avo humbuto, embo ando visi te anga eto tofota ahe Mary ta ini ire ingie vuveiaja. ⁸ Tofo Iesu nuhe jikei vei avo ke aki amita jo ai pekene embo anga eto ei~ fuire ai re ambuna avo kore!. ⁹ Avo embo, tofota maha God ami tofo avo humbuto mereri besi ei be ai jokaja kivo, eto tofota javo jokaja amore donda betapata siniketo avo javo amore jokaja. ¹⁰ Evi aja amita be amore unga eto enda eto enda amita umbeta ami kova peiketo humote pien ira ue aja. ¹¹ Evi aja amita bere, eivivi betapata ami bada Iesu avo God ehea hariketo ara ue aja eto tofota maha God amita akari betapata avo heiti ue aja kivo. ¹² Avo eto, na tungahumbari tefo, nimo mah angato aki oa, avo namo mene oa avo pere mane rate pemi be namo mehei ai oa, nou kosari ta pure oa avo joru ambu eto tatata mane atoa te hauveto kijo. ¹³ Amore God ami nou jo ire ujeje eto akari te pure amore uja. ¹⁴ Donda betapata avo peugu eto vinini ka mane atova, ¹⁵ mine avo atoa amore nou ire tokono eto peumba mane metuja, God ta undimeni anga eto ori be eto mane sokova au vui kuta ami mane ketora, mine nimo re usasa anga eto enda ere pungeto metoa. ¹⁶ Mereri nanofota ke avo jikito mero Iesu ta iji avo vuvuro namo hanana ane, mine namo be ambu tutuvae ra eto meme humbara avo kivo. ¹⁷ Eto nau ke otofu avo kekito jakeka ari besi amai umoro angato ofreketova amore namo ningota jo ai hirehetona eto osa isoko mane avo atona,eto ningota ke be ari amo mohea bera. ¹⁸ Vasiri avo ue avo jo osa osa te hananate atova namoka. ¹⁹ Rate namo euja ona meni otofu(Iesu) ami sausau be Timothy avo heiou ningota pambaja euea,eto namo osa atona ningo do ova avo ingekuruea. ²⁰ Amita bere embo eni angariko eni mereheira eto namo ningo avo eto horemba, horemba ona. ²¹ Amita bere enena eni eni amore enena ta ujeje bejeje avo ora eto meni otofu (Iesu) amita do euja avo eto kogo eto kiera. ²² Rate ningo ami kova, amo dega arire amo, eto amo kouja amo anu meni eto namo amita maha eto nau ke avo hare poikeruja. ²³ Avo eto sausau be heiono pambaja eje be ona te,nauha ketona pure emita ami heka au kito. ²⁴ Rate namo umora ona meni otofu amita javo ai, eto amo nauha sausau be pambatona. ²⁵ Rate namo kona amore areri re Epaphroditus avo iheino overeketo ningota pambatuja. Nau enjo eto namo ka pure tapa ai eauja eto isoro embo tapa ra,eto ke umboto pambuto vuvuto ari embo eto nau pure embo ara. ²⁶ Namo kona ningo ta overeketo pambate euje pemi be euja eto osaga pemi be euja, eto amita arufo ke pine amo umbeva avo ra. ²⁷ Ke bere arufo pemi be eheija, eto ambuto akiki aja, rate maha otofu(God) ami jo ari umboto avo tohei koheiuja, eto avo prer mane ra te namoka tapa eto ambuaioe namo osaga hueai eto hamo ai vava vava eja kiae. ²⁸ Avo eto akari bere heiono overeketo ningota pambatuja,ningo amita tombu kouje avo osa eurevo, avo namo osaga maute be eto mane umbatona. ²⁹ Avo eto, ningo betapata ami ningota jo ai anga ami peketo embo angariko amore otofu ka tapa ami umbovo. ³⁰ Meni otofu(Iesu) amita pure avo euae eraja avo ambuto aikeheja,amo nimo nuha javo ai pure ati ke eto eheija,ningo mane atova avo eto.