¹ Pol eto Timothy, Bada Iesu ta pure embo meni ra, God ta otofu embo meni Iesu ai kambuto da Philippi ai meheva, avo ningo ta tiri jikeri eto humora vande ta pure ari embo meni ka tapa ai. ² Maha God ta jo ari eto peka nimo ka eto Bada Iesu ta javo ai pekiona. ³ Nimo avo iji mah angato horemba horemba ue avo God avo e-ea ena, ⁴ mah angato ningo betapata avo nau humora ai horembe ea ona, jo hanana te humora ea ona, ⁵ amita bere ningota tapata ari ke otofu ai irikarava eto vuvuto eha emi kakane uja avo eto. ⁶ Donda betapata do eva avo namo hanana ona, ahihi otofu nou jo ai pure akari irikeija ami ue pambuto totomo ueruo Iesu ta iji amore vuvuretuja. ⁷ Eto mine humbari ningo betapata avo embo namo ufona amita bere ningo avo nau jo ai meva. Ningo avo nau enjo eto jo ufuva namo tibura jo ai mene eto namo orekuruea eto ke otofu avo kembe aja ue. ⁸ Mine God re nau harika embo ra, ningo betapata avo jene jene ana amore Bada Iesu ta suru suru ami ana. ⁹ Avo eto humora nau re evira: tunga humbari nou ami pe vito vurikua avo siro keri nou ai horemba horemba are. ¹⁰ Avo eto nine ami akari do atie ora avo avora ari hijo, eto nimo avo horo be ai ukau re Iesu ta iji vuvuroe re nimo mane pemba atiora, ¹¹ akakari ta e- be Iesu hena eto vuvuto fuja ami pe viuo God ta usasa eto jakeka amika horatoe. ¹² Eha namo nimo koea uje ona re, nameni tefo, nanae do era amore ke otofu avo enda tutumo eni ai pumbaja ue era. ¹³ Amita be bijireri re, nau esi namo pumdara ami embo isoro embo meni ta da eto embo meni ai meahea ami usasa amore kiae ra. ¹⁴ Nane nameni pemi be avo Iesu avo kembe ara amita be amore nau esi namo pumdara ami do aja avo kiae ra avo eto. ¹⁵ Avo kito, pe ufo ami joru eto meme mehea Iesu ke re ara, eto eni ufo amo enenata uje ami ke re ara. ¹⁶ Avo ai do atova avo tunga humbari ai evo, horembe namo aie jokara amore ke otofu avo horekana ue aja. ¹⁷ Rate pe ufo ami re ke otofu avo ningoae sokova ka ara. Enena ami horembarara avo namo esi ami pumdere ai mehea hanana atona avo kiae ra. ¹⁸ Eto do anu ingeti ? Deki oho tapa ire- kembe re o sokova ta vasiri re- Iesu ta ke amomo era kito, namo re hanana ona. E-ea ena, kembe ra namo hanana ona, ¹⁹ Namo evi kona amore nau mine humbari are, ningo ta humora eto Iesu ta Ahihi otofu ami namo hondate ati ora avo ona. ²⁰ Emore nau horemba horemba eto ivo ra, mine namo mane meki meki ationa, rate suru mane be ona, eha eto mah anagato, Iesu ami nau ando ufu are pure atuja, ambureri o ivo miron au. ²¹ Namo metona amo Iesu tara eto amburetona amore akari humbationa. ²² Rate namo ando visi ai metona, ami ke ija amore namo re i - be mehei eto mena. Avo eto avunu avo ana? Namo kiae ra. ²³ Namo re donda ehoro emi pemi be ingekorora. Nau uje re namo sui be eto Iesu ka meti uje ona, mine amore akari bera, ²⁴ ando visi ai nimo avo embo metona amore avo mane ra. ²⁵ Evi kona amore, ningo betapata amika mehea avo pure mah angato atona, nou kembe ari eto hanana ari avo kembe ari ai uketo, ²⁶ Mine nau ai uketo avo Iesu ai vito pumbuto namo ra ehe merovu namo re overeketo vuvurone. ²⁷ Iesu ta ke otofu ai uketo avo vasiri akakari avo pere evo, mine namo ningo vuvuto kone mane kone namo mehei ai mo, nane ami ingetona avo, ningo avo ahihi tapa eto uketo surumane be eto meva, siro horembari tapa eto ivo be eto ke otofu amita kembe ari ai uketo mevo avo kone. ²⁸ Kitofo embo meni avo joru mane atova. Emore enena ta sasamuna ta hajire ra, rate nou kosari- eto akari God hena avo kijo. ²⁹ Eto kosari emore ninae Iesu ta ando ai tefo be jokaja amita be re Iesu kembe ehe ai mane ra, rate avo embo meme kame humbea ai eto, ³⁰ nanae tapa avo ere keia angato eto nane ehene ingekoha avo kijo.