¹ Meni Otofu, nango avo ambo afaja, nimo samuna ta pure embo mane atoa. ² pol mi Korin embo ta, ke enga aja, ningota hamo mane kafukatova, Maha Otofu mi ningo hondate mane atuja. ³ Ningo embo meni, hago ke evi ena, nimo avo hamo kafukena, re ivo eto okata kakara ambo ambo avo. ⁴ Nimo avo Maha Otofu toto mea ke kakara, be kiara, ningo Maha Otofu ta akari mane ketova. ⁵ Eto embo Ahihi Otofu ta ivo, kembe ari ta vasiri ae eto mietora. ⁶ Nimo embo avo hamo kafukeva eto kafukae, avo barako, tefo aira, ningota kembe ari mo Maha Otofu ga meimiere avo etoketi oja. ⁷ Ningo, Maha be re akari be mihava, te do eto, iji eha ami ke Otofu mo inito ingae sira ova. ⁸ Eto, ke gamu ari, ta vasiri re Meni Otofu ta re miraira. ⁹ Ningota samuna re, sivo hamo visi ta inderi amiga havo sekeore papajikeo ja agarira. ¹⁰ Rate, ningota kembe ari pemi be Meni Otofu ta mija, avo eto, ningo ke eni eni mane ingeto va, embo avo ningo ke ija, amita ungo overe katuja. ¹¹ Ningo, embo meni, amo kafari ke ena, amo jo ningota meme oi? Namo ningo pegore ke aira te Meni Otofu ta pure tutmo avo papaja oe. ¹² Eto embo avo nimo kekeganini ija, re amitai overeketuja. ¹³ Ningo avo ambo ma Meni Otofu mi aja, na embo meni, te do avo ambo Maha Otofu ta hande akari avo enjo eni toka ombae. Nimo enda ta vasiri ai pambutoe. ¹⁴ Ningota be kakara betapa maho Mose mi jaja. Avo ambo ningo toka ofova, angato enjo eni toka ombatoa. ¹⁵ Nimo, vande p, tapa amika pe jujune, eto, isoro oa, Maha Otofu te embo meni te, ami nimo ojae atora. ¹⁶ Rate, Ahihi Otofu mi ningo tiri jiko enda ojeje ai, mane pambatoa. ¹⁷ Embo Ahihi Otofu re Otofu, be ra, tofo ta vasiri re nangota ite mane ra, eto ami, endata, ojeje amiga, tapa i, pure mane atuja. Eto enana eroro pemi be eura. ¹⁸ Rate, nimo Ahihi Otofu mi, tiri jiko, enda ta ojeje ami, nimo mane kakara atuja. ¹⁹ Eto enda ta Ahihi amita pure, embo meni ta hamo i jikama aja. Ajavija, orembari samuna, ami siro orembari au, meni samuna atuja. ²⁰ Enda ta Ahihi re, Maha Otofu eni homora ari isori, sarika, ke kiki, pe jujume, nam nam, kareka, kareka, eto sarika avo mija. ²¹ Eto, saruka, siro samuna ari umo, ami au, vasiri Ahihi Otofu ta, re mane atoa. Avoambo ningo ta ke re ma ana. vasiri samuna avo au oa kito, enda Otofu ai mane pambatoa. ²² Ahihi Otofu ta vasiri, toka ombari, vasiri akari, jo jamu jamu siro tapa hanana eto vasiri kembe avo ningota jo e metuja. ²³ Vasiri akari enjo enita, eto vasiri isoko ari ami au Maha Otofu ta kakara i mitua. ²⁴ Ningo avo Meni Otofu ta vasiri be, be avo evo. ²⁵ Nimo Ahihi Otofu ta vasiri re, vasiri be amita avo atoa. ²⁶ Avoambo vasiri samona eto jo jamo jamo enita mane atoa.