¹ Nane ke enga ena, donda betapata Maha ta amore meni tara, eto meni avo isokoi hija amore te pure embo anga eto jikama ora, ama amo re donda betapata amita mamo rate. ² Rate amore pure eto simbari embo ta hembai mija. ³ Avo eto, nango meni isisai miara amore meni isasa ta tipura ami ta siro horembari avo enda ei re mera. ⁴ Rate ma je mane be Maha Otofu ami ai vuvuto osa-aja, Maha Otofu ami tofo ta Meni Otofu avo hiei vuvuto enda emei pamone tapa ami enda emi ta kakara joi ofaja. ⁵ Maha Otofu ami evi aja amore embo pamone avo tofo ta kakara joi ai mera avo umbati. Avo embo nango re tofota meni be anga eto ufoja. ⁶ Eha nagore tofota meni be ango era. Avo embo Maha Otofu ami tof ta men Otofu amita ahihi nango ta joi hiei hore to mie avo, Maha, Maha! ⁷ Avo embo nimo eha re pure embo manera. Mane nimo ma meni singa eavo ra. Eto nimo meni singa kito amore Maha Otofu amo re no joi ra. ⁸ Rate, iji eha emire Maha Otofu re nimo koavo ra amo dekarire amore embo avo enda ei mija ami nimore tofo ta pure embo anga jikama atora. Rate embo re ev ta Maha mane ra. ⁹ Rate, eha ningo Maha otofu re kova avo avo ra. ¹⁰ Nine avo tofo nimo avo Embo Pemi amita hito avo ambo ambo ue avo karija eha vietuja amore donda betapata eha pure atuja. ¹¹ Namore ningo joru ona eto pure nane ningo ana amore, namo pure ae ra, amita inderi mirae ra. ¹² Nane ningo eto ingi korona nau nane nameni, ningo avo namo inono urorvo, namo avo ningo inono urono. Ningo re pure aiae nane ae ra. ¹³ Rate, ningo re kova korere tapa ando viou eto namo ke Otofu avo iriono avo ra ningo re betapata atova. ¹⁴ Korere amo nau ando mija amo bove uja te, ningo namo ke sisae ae eto namo kuvore kae ra. Ningo namo re anera p mamo ta Meni Otofu anga eto ofova. ¹⁵ Ningo ta usasa mo dei mei? Ke be ami ena ningo ta, eto deki miro amo ningo ta tiri amore nana hia eva. ¹⁶ Avo embo namo re ningota hini kambari embo ona, be do eto ma ningo ta ke be emomo ene? ¹⁷ Enana re siro horembari pemite ra, ningo re ninogha umbuto pambuti era, rate be mirae ra. Enana ta uje re ningo avo pei karo usaha mirova ue eto re enana ta kakara surumane be avo ambo ava ue ra. ¹⁸ Amo re akari horembari pemi eto donda jikama atona. ¹⁹ Nau meni isasa. Nau meme pemi be re ningo tai mija, meme amo re pamone meni ingati ue hambu ora tapa avo re. Meme avo mija, amo re Meni Otofu ami besi ovaja amo re usasa jo nango ta mija avo ra. ²⁰ Namo ningo ka mire ti ue uje pemi be ona ke ami ningo umbuto overekati ue, be do eto re namo ningo osaka pemi ofana. ²¹ Eha avo, emi nimo uje pemi be oe, enana ta hembai mireti, nimo enanan ta ke mane ingi oa? ²² Be do eto, ke engato mo mei, Abraham mo meni eroro te re. Meni amo re pure pamone tefo ra, eto meni eni re pamone tefo amita ra. ²³ Rate mane pure pamone tefo amita re, ari wasiri ando visi ta avo ambo ambo uja ra te eni pamone tefo amitai vuvi aja ami ke re ambo ambo uja. ²⁴ Pure emore te ari kurira ra. pamone eroro pure avo kurera. Pure tapa amo re tiri Tinai ei vuvi eto meni re tefo pure embo tefo ra. Pamone amore Haga ra. ²⁵ Avo eto, tiri Sinai amore aja Arabia eto Jerusarem barako, do eto te tofo ta meni undi ka eto enana re tefo ta meni anga mi aera. ²⁶ Rate Jerusarem irare ta tefo mija eto amore nango ta aha ra. ²⁷ Ke rema mija avo ra, nimo meni kakara eha amo re eha meai hanana re eto inono ejo. Pe haunge to arerembeto Maha re jakeka humora ejo. Do eto amore nimo meni mirae ra, nimo meni ingari ta meme hambuto kiae ra. Meni mamo ambupu avo maute be ra eto meni mamone te avo eroro ra. ²⁸ Rate ningo embo, ningo re Aisak inono ra. Ningo re ke be ari undi meni ra. ²⁹ Iji ama ai re meni amo re ando visi emi ta ujeje sisae, eto meni ahihi ta uje. Wasiri emore eha ue mera avo ra. ³⁰ Rate Maha Otofu ta ke mo do ei? Pamone pure ambo avo heukevo tofo ta meni ka. Be do eto, pure ambu pamone amita meni ami Maha ta donda simba ari haroko mane ra. ³¹ Avo eto nau embo meni, nango re pamone pure ambu amita undi mane ra, rate nango re pamone tepo amita undi ra.