¹ Embo Galesia embo meni ningota siro avo sisae atuja, embo avo ke mume amo ningota mo jakai? Ningota tiri osaha be ai Meni Otofu vito i-ifai ai ekaraja. ² Namo donda tapa be evi ningotai hare poekati ena ufena ningota humora ari Ahihi Otofu amita kakara ai mei na, ke tefo ingikarava avo humora ove? ³ Ufena ningota siro sisae ei? Ningo pure evi Ahihi Otofu ka iriketo toto ningota andote ivo ami eve mirae eija. ⁴ Nimo kona nimoa meme pemibe ufove era eto bovu tefo ufova. Amore akari bera bovu eto meme tefo ufova. Amore akari bera bovu eto meme tefo humbatova amo. ⁵ Namo kona embo ami Ahihi Otofu avo ningota jokaai era ami eve kakara avo ningota joi ijekaraja, o humora ari eto ke ingeri avo. ⁶ Avo embo, Abraham avo Maha Otofu humora eto embo akaribe amita javo avo ufaja. ⁷ Anga ari avo ningore kivo avo eto embo avo humora uja amo Abraham ta meni uja. ⁸ Maha ta ke, ke avo Maha Otofu ami tofota humora ari avo osaha au ketora, embo pamone eni amo akari ke emore Abraham tai miaja avo aja ningo embo pamone enda emei meva amo hanana atova. ⁹ Avo embo, ningo avo humora eova amo Abraham ka hanana atova amo embo humora embo ra. ¹⁰ Embo meni avo enana horembari eto jo avo endata kakara amita ke amire enga ija bovu ami embo pamone betapata amore houvatoja amore. ¹¹ Ehana be emi osaha be ujara, embo avo Maha ta tiri ai kakarata ke amo hambo hambo aera, amita be amo, akari pere ami tofota kembe ari aire miretuja. ¹² Rate, avo kembe ari manda, mane. Embo kakara amita pure ara amo enana ka miretuja. ¹³ Meni Otofu ami nango endata kakara jo ai mirara amo ma ofereketo ofaja, eto amo nango ta bovu avo ofaja. Maha ta ke ami re enga ija, bovu ami embo betapata amo houvatuja avo i - irareai ekorora kito. ¹⁴ Abraham ta javotofo ari ami embo pamone ani peufo Meni Otofu amita joi mera ta pure amo humbatora. ¹⁵ Endata ta ke avo atona nau namenitafo. Endata pure avo humbari embo tapa ami mane heukatuja ohamoi tembatuja kakara ami ma ei surumanebe eja. ¹⁶ Kembe evi Abraham eto tofota afifije, amo vuvutofuja. Amo ke enga aera, nau afifije, amo embo meni batapata avo ke aera, amo embo tapabe avo ke ija, no avije amo Meni Otofu ra. ¹⁷ Namo devi heka ue ke ena amo evira, jua 430 ami kakara amore vuviaja, Maha Otofu ami tofota kakara ta pure ari jokaja amo mane heuka tora bera. ¹⁸ Eto donda Maha mi meni ta hietuja amo kakara anga eto ambo ambo atuja. Rate amo kakara be mane ra. Maha Otofu ami Abraham jokaja amo tofotara. ¹⁹ Ena amomo kakara horemba mo oi? Ke ingae atoa amita kakara amo jokaja Abraham ta afije ta ke jokjaja amo au be atuja. ²⁰ Embo oreita amire embo maute be amita avo etuja rate Maha Otofu amo nimo nuha tapa bera. ²¹ Ufena ke kakara amo Maha Otofu ta ke be amo inono manera re? kembe kembe, mane, kakara avo iji kiri ami kosari jokaja. Anga au re mirae akari avo kembe kembe mi ue kakara avo hambo hambo atora. ²² Rate, Maha ta ke ami donda betapata avo samuna amita hambaru jo ai mirei ja. Maha Otofu ami kembe avo aja amo nango avo overeketo humbati aja, nangota humora avo tofota Meni Otofu amita joi atora kito. ²³ Eva kembe ari avo vuvuretuja mei, nango avo samuna amita hambaru joi ai kakara eto peikei mirae, ango eto mere avo kembe ari amo osahai re vuviaja. ²⁴ kakara amo nango simba ari embo anga eto mei, avo Meni Otofu amore vuviaja, avo ei, avo Meni Otofu mi nango ta humora ari avo kitora nango re embo akakaria atuja. ²⁵ Eto eha avo kembe ari avo ma usahai vuvei mirae eija, avo embo nango avo embo simba ari embo amta hembai mirora era. Avo embo ningo betapata avo Maha Otofu ta undi meni ra tofota Meni Otofu amita kembe ari ta joi. ²⁷ Eha avo ningo betapata avo Meni Otofu amita javoi umo veva amo ningo ma Meni Otofu humbeva. ²⁸ Ningo mo Juda re mo o Grik, pure embore mo o embo tefo mera avore, embo re mo o pamone re ningo betapata amo Meni Otofu tiare tapa bera. ²⁹ Eto ningo avo Meni Otofu ta ova amo ningo Abraham afifije ova, eto ningo avo Maha ta donda humbuto avo ke ma hiei mirae aja avo hambo hambo atora.