¹ Angato eto, Jua 14 angato ambu ei, namo overeketo vito da Jerusarem ai Banabas ka, Titus humbati, namoka pambaja ue, pambuara. ² Namo Jerusarem a vito pambu ana, amita be amo, namo pine urijukari avo Ofahai pine akari anga eto hari karana embo pamone ta ore ai. Namo ke usi keto ae ra, embo pepemita, nau pambuari avo kora ue, namo tefo pambae. ³ Rate Titus avo Greeki embo ra, avo namo ka mihaja eto avo ke suru mane eto aera, ando ke humbara ue. ⁴ Sokova eora embo meni ami ausuketo nangoto wasiri osa osa hana hana hena eora avo humbati. Ene na ta orembari avo nango aro tipura embo ara ue. ⁵ Rate, iji tapa do, nango enena ta hemba ai horae ra, pine akari emi ta ke avo aro kembe eto ningo ka miroja ue. ⁶ Embo amo namo, namo eto peimi ija, do ite re, nimo embo do ite re, Maha Otofu ami ufo tapa pero mane eija ene na amo nane embo pepemi ke ana eto ene na ami nana eni do ae ra. ⁷ Horo ema ei, ene na ami kora avo Maha Otofu ami nana pure jokafa, pine akari amita avo embo ando kafu kari amita ana ue, angato nongo , Maha Otofu ami pine akari amita avo embo ando kafu kari amita hioja ue. ⁸ Maha Otofu ami Pita ta jo ai pure aja tofota ambota nane eto embo ando kafurikari amita ke aja Maha tapa emi nau jo ai pure ija, tfota ambota mane eto embo pamone avo eto pure ana ue. ⁹ Iji amikote, James, Kepas eto John avo kiara, humora vande avo jike re vivihaja, ami kora Maha ta tunga humora pure ara ue. Ene na ami nango eroro ami humora pure ara ue. Ene na ami nango eroro amita angota ara, aro embo pamone eni ta pambaro ene na nuguha nane nameni ta avo ando kafukara ra ai pambara ue. ¹⁰ Ene na ami nango ta e'eto ingeri ara, embo pamone enena avo borembara ue. Namo donda evi ati ue uje ana. ¹¹ Kefas avo da Antiok ai vuvei, nane amita tiri pe ai hini kanbari ana, amita ta be avo kefas mi pure puriaja. ¹² Kiri bei embo eni James ta vurae mehere, Kefas oni embo eni Juda embo meni mane amika inderi indija iji amikote, avo toto aketo ahari eto tofo nimo aavo joru aja, embo ke surumane eto ando kafukari ke ara avo eto. ¹³ Judia embo meni eni ufo ami horembari sokova avo ambo, ambo ara. Banabas, tofo nimo haha avo deki aeketo horembari sokova avo ambo ambo aja. ¹⁴ Rate namo kiana wasiri ene ta tiri pe ai hene ambo, ambo aera, nane Kefas re embo ta tiri pe ai hene ingi kuraja. Nimo Juda embo be kito, do eto embo Juda embo, mane avo Juda embopo anga eto miha ere. ¹⁵ Aha ami nango ufaja, nangoha mihiora, nango samuna mane eora, embo enena Juda embopo mane eora angato. ¹⁶ Rate, nango kora, embo avo mane tambu eto miora Maha Otofu ta lo pure ue, rate humora deki re ahihi Otofu hena ai ra. Nango bara meni Otofu nango ta avo humo ra eora, eto embo akari anga eto meni Otofu ta humora deki eto lo ta pure. Lo ta pure ue, embo avo mane tambu ati ora. ¹⁷ nimo namo kosari humbati ora deki avo hau vu rue meni Otofu hena, eto nango bara samuna embo ite eto ningo horemborova meni Otofu ami wasiri sasamuna avo uje oi! Mane be ra. ¹⁸ Rate nane donda one siosa aja ave jikono erau, avora namo lo poe kari embo kona. ¹⁹ Maha ta lo here re ve, namo embo abureri ami nuhareri ami miharako, era eto deki horo ei avo, meheri nanofo, meni Otofu nnena ai humbatuora. ²⁰ Namo meni Otofu amika ifai ei ta kajia avo eto namo ivo ka mihae ra, rate meni Otofu ami nau joi ai mihija. ²¹ Vasiri eha ando ufu ei mehena, avo namo ivo te, eto humora ari Maha Otofu ta meni hena ai, avo, namo tunga humbuto tofota jo avo overeketo mamo ta jokaja.