¹ Eha nango mi nimo koa uje ora re nangota enjo hoi Maha Otohu Joari, Hurukari Otohu da Masedonia ai. ² Eto iji kaje, to keri ami vuto tei akari amita joai samuna ami vuto humbei, meme perube hija. ³ Enana ningo heka dei mehera ai hura. Jo hanana ka tapa mi. Eto Maha Otofu ta embo meni samuna ami tehu mehera avo ke pambuja, enana avo umbaru overeketo pure embo tai horatuja meheri akari ajo eto. ⁵ kuri pure atora mehei, Maha Otofu ta jo totofota avo hieri nango do atora avo pemi eto orembaera, maha Otofu ta uje ai. ⁶ Pure evi atora mehei, Maha Otoha ta joari mi pure evi Titus, Maha Otohu ta pure embo ami ehei pambuto akari be ami tutumo eheija. ⁷ Eto atona runae, No ai akari do itoko metuja kito eto nangota tunga bari no hena ai, Maha Otohu ta joari ta wasiri ai metoa. ⁸ Eto namo evi ena amore nimo, engekurue aera, rate no akari no tunga bari embo enita. ⁹ Nimo koa Bada Iesu ta joari ami, nango avo embo vuto donda ambu sira aja, nau kosari avo eto. Tofo nimo avo ajavajate rate, jikei veto donda ambu sira aja, nango avo eto. ¹⁰ Avo eto ke ei nau siro orembari avo hutona, no akari avo kuai mehu kito, no pure ta tikafu avo ejo. ¹¹ Avo eto pure mihae eheija, rate, no jo aferekari eto no pure arita tukafu, avo eto pure aru mihae atuja, nimo de kakani ehea ai. ¹² Embo ehekari embo avo nimoka miroru kito, no hande avo humbatona, embo ta hita jikito mihija aita heka ai. ¹³ Hande evi betapata heka tapai pambaja ue kito. No meme ai, rate heka tapai pambaja ue kito. ¹⁴ Eha iji emikote no akari avo embo meni ujeje ai metuja, avo eto totofota akari avo no ujejetara. Avo eto heka tapai umbatova. ¹⁵ Kahari mihija angota nongo, pemi humbuto mihija avo mane isoko eto humbatuja.