¹ Pure emore da Jerusarem ta kembe ari e embo pamone avo hondate atuja, kembe ari embo pamone avo atora, avo embo mane kajeta kembe ari embopamone ta hietona. ² Nigota baije amo namo ma kona, eto Masedonia embo pamoneta ke enga aja enana akaia avo sirika sirika areija iji maha ami. Nigota baije avo maute be uja avo ava ue. ³ Ena nane nameni hiene pambuja do eto embo pamone mi ke nago nigota era avo ke sokova ke, eor ue, eto nigo barako ketiketi evo, ke re ma hena avora. ⁴ Ufena, Masedonia embo pamone eni peufota namoka vuvuto nigo sirika sirika ae mirou ketora, amo nago mie ketora namo nau humora ari ke peimibe avo nigotara mane atona. ⁵ Avo embo, namo engato horemborona amo nimo na menita ke be avo surumane be eto atoa, sausau eto nigota vuvuto mine humbari avo harikatuja. Nigota mine humbari avo nigoka miretuja kito avo donda nigota jo be ami re hietova. Nigo donda hieri uje ae uove nagomi ke surumane be hiove ue arako era. ⁶ Amita susure amo enga arira. Embo avo donda ve avo isoko eto urija amo inderi isoko eto humbatuja, eto embo avo donda ve avo maute be eto urija amo inderi maute be eto humbatuja. ⁷ Embo pamone tapa tapa avo tavo totofota horemborora amita heka ai hiore. Donda amo hia eto oio mo ei o embo mi hiaja ue ke surumane ere. embo avo jo hananaka jokuja amo Maha Otofu tunga humbu uja. ⁸ Eto Maha Otofu ami donda nigota betara amo au pemi atuja, avo embo iji betapata, nimo donda avo mirae uja. Amo ou nigo avo pure akari avo ava ue. ⁹ Amo Maha Otofu ta ke ari embo maha ami kakajurara. Tofota vasiri akari, avo eve pemibe uja. ¹⁰ embo avo inderi ve embo inderi pure uja amita mo hioi, avo ureto inderi mo humuai,, ami hito ningota inderi ve amo au pemi au uratova. Amo au inderi avo vasiri akari, avo eve pemibe uja. ¹¹ Ningota donda betapa avo pemibe utuja, au ningo avo hieri embo meni atova. Emore Maha e'e atora pure nango ambotani ami ora avo. ¹² Pure nongo ora amo humora embo pamone Jerusarem ai mera amita pere ae ra. Eto pure pemi be avo ue Maha ta e'e avo overeketo jouja. ¹³ Avo do eto, pure emore ningota humora ari avo eto ketuija. Ningo barako Maha ta usasa hietova ningota, ningo vasiri avo eto. Ningo barako Maha ta akari hietovo., koro ove hietora humora embo pamone hondate da Jerusarem eto embo pamone betapata ami ta. ¹⁴ Enana avo nongo meva amita pari ora. Maha ta embo pamone pepe ni erarei mera ami ningota oro. ¹⁵ Maha jo ari eto mine humbari amo mija avo embo e'e avo hijo. ¹⁶ Rate Maha Otofu ta e'e atora, Titus jo ai tunga humbari avo jokaja avo, angari avo namo tunga humbauvo ningo tai. ¹⁷ Do eto nimo nau ke mo ingae oe ta, rate emo nuha tunga humbari avo erereto ningota vuviaja uje avo embo. ¹⁸ Nango nangota nameni Otofu vande ami javo pemibe avo jiki ore viuja tofo ta pure avo euja, avo Maha ta ke Otofu euja avo Titus hiere pambija.. ¹⁹ Maha ta ambotani pere manera, Maha humora venda betapata ami hiere nangoka pambuja pure evi atuie vasiri akari avo hieti ue. Emo Maha javo pemibe ra nango beija avo hondate aja ue. ²⁰ Nango uje ae ora embo pamone ami nangota ke sasamuna avo mane atora nango pure ora amai. ²¹ nango vasiri evi akari be eto kouve na atora, pajire be amita tiri ai pere mane, embo pamone betapata amita tiri ai atora. ²² Nangota nameni eni avo Titus ka be hietora. Meni avo eto keri avo maute be hito kera amo meni amita puri avo ari beije pajire be avo ningo tai mija. ²³ Titus eto, engo nau tofo eto ningota pure singa. Eto nangota nameni eroro avo vande Otofu ami Titus ka pambara ue jokara. Meni eroro ami avo embo pamone ami meni Otofu ta jikoro viatuja. ²⁴ Avo ningota tunga humbari avo evo kore, amo do eto, nango avo ningota javo avo jekiore erarebei vi uja ningota vasiri akari avo embo.