¹ Esi tapa embo pemi ta ke oja Maha ari ra. Avo embo Ahihi re Otofu eto, ofaha ra. Jo jopapa ga atoa. ² Nigota baije amo namo ma kona, eto Masedonia embo pamone ke enga aja enana akaia avo sirika sirika areija iji maha ami. nigota baije avo maute be uja avo ava ue. ³ Eha nane nameni hiena pambuja do eto embo pamone mi ke nago nigota era avo k sokova ke, eora ue, eto nigo barako keti keti evo, ke ma hena avora. ⁴ Ufena, Masedonia embo pamone eni peufota namoka vuvto nigo sirika sirika ae mirovo ketora, amo nango me ketora namo nau humora ari ke peimbe avo nigotara mane atona. ⁵ Avo embo, namo engota horemborona amo nimo na menita kebe avo surumane be eto atoa, sausau eto nigota vuvuto mine humbari avo harikatuja. ⁶ Nigota mine humbari avo nikoka miretuja kito avo donda nigota jo be ami re hietova. Nigo donda hieri uje ae uove nagomi ke surmane be hiove ue arako era. ⁷ Amita susuve amo enga arira. Embo avo donda ve avo isoka eto urija amo inderi isoko eto humbatuja, eto embo avo donda ve avo maute be eto urija amo inderi maute be eto humbatuja. ⁸ Embo pamone tapa tapa avo tovo totofota horemborora amita heka ai hiore. Donda amo hia eto oio mo ei jo embo mi hioja ue ke surumane ere. Embo avo jo hananaka jokuja amo Maha Otofu tunga humbu uja. ⁹ Eto Maha Otofu ami donda nigota betapa amo au pemi atuja, avo embo iji betapata, avo ava ue. ¹⁰ Amo Maha Otofu ta ke ari embo Maha ami kakajurara. Tofota donda avo mirae ambu embo donda ambupu amita jokaja. Tofota wasiri akaribe avo ma angoto mi uja. 10 Embo avo inderive embo inderi pure uja amita mo hioi, avo ureto inderimo humbuoi, ami hito nigota inderi ve embo inderi pure uja amita mo hioi, avo ureto inderimo humbuoi, ami hito nigota inderi ve amo au pemi au uratova. Amo au inderi avo wasiri akari, avo eve pemibe uja. ¹¹ Nigota donda betapa avo pemibe atuja, au nigo avo hieri embomeni atova. Emore Maha e'e atora pure nago ambotani ami ora avo. ¹² Pure nago ora amo humora embopamone Jerusarem ai mera amita pere ae ra. Eto pure pemi be avo ue Maha ta e'e avo overe keto jokuja. ¹³ Avo do eto, pure emore nigota humora ari avo eto ketuija. Nigo wasiri avo eto kembe eto kembe ari eto Kerisota kembe are avo eto. Nigo barako Maha ta akari hietovo, koro ove hietora humora embopamone hondate da Jerusarem eto embopamone betapata ami ta. ¹⁴ Enana avo nigo meva amita psri ora. Maha ta embopamone pepe ni erarei mera ami nigota ora. ¹⁵ Maha jo ari eto mine humbari amo mija avo embo e'e avo hija. ¹⁶ namo ingi hanana ona re, kembe ari nigota re namoka mija.