¹ Esi tapa embo pemi ta ke oja Maha ari ra. Avo embo, ahihi re otofu eto, ofaha ra. Jo jopapa ga atoa. ² No akarire embo pemi ami maha sirika re ea. Avo eto, no enjo eni ta wasiri sisa e mane atioa. ³ Namo pure evi ona re iko gareka ti aere, niko jo nau e meva, eto namo inko ka men na. ⁴ Nau kembe ari pemi be inko tai mija, eto jo osa, osa, jo jamo jamo, avo bouvu be eto ofona. ⁵ Iji amiko te, nako do Masedonia vuvi ara, nako horo ani te, kain te ofara. ⁶ Rate, Maha pemi amita ivo eto hondate ai mere e Taitus evo vuvi aja. ⁷ Eto Maha Otofure degi horo tapai mane pure atuja, avo eto kirimbe jo humbari wasiri avo Taitus te evo. Ei ingota wasiri petapata ami ra degatova re nangota. Eto jo jamu ari, wasiri tapa Maha Otofu ta avo nago ofara. ⁸ Rate, ke kikiva kajeto ningota hiena avo kito osaga ova. kikiva re nane kajena, te namo osaga hambai ra, eto namo mine humbari ofona niko osaga be mimbe hafona, te osaga re iji tufo ta ra. ⁹ Namo hanana ona, te inko hanana aera. Mine ningo ta osaga mine hafova, ami au, ningota samuna re hari ka tova. ¹⁰ Iko ta mine humbari eha ofova re, Maha Otofu tara. Ami au embo ta samona harikatora, rate samona mi au ambure i oa, eto akari mane ombatoa. ¹¹ Eto koko eto kito, horembevo, do avo eto meme mo hubava jo kae. amita be re, tofota wasiri horo avo be kora oa. Maha Otofu mi wasiri avo ajare, nagota wasiri onji kari avo harikara aja. ¹² Nau ke kikiva kajeto iko ta jokana avo, inko tapata wasiri samona ova, eni tapa bovu meme hufova amita ke kikiva re kajaira te Maha Otofu ta tiri ae ingota wasisi akari avo koi, ke kikiva re kajena. ¹³ Ninko ta wasiri kembe ami ei, nago jo jamo ari hufara, eha emigote nago Titus ta hanana be mi be atora, re ahihi Otofu tofota mi nago ofaja. ¹⁴ Nane ingota wasiri akari re Maha Titus ta ke ana eto embo betapa ai mihara avo joro ai ra, te ke Titus tw ana avo kembe aja. ¹⁵ Eto Titus ta vureri da Korin ai, ingota jo jopapa eto so segigiri avo mihaja. Wasiri akeari avo ingoka miaja avo ai, Titus ta siro horembari re ingoka mija. ¹⁶ Namo ingo hanana ona re, kembe ari nigo ta re namo ka mija. ¹⁷ Avo eto, wasiri samuna to, akari nau avo javo noi hieto na embo Otofu mi ke aja. ¹⁸ Eto namo no Maha bera, eto imo nau undi meni ra, maha Otofu ivo be mi te ame aja.