¹ Eha nane Pol penunu ena, meni Otofu ta jamo jamo eto orerari. Ningo ka mihie tiri mine kiara ue ora ivo eto jamo, rate ningo hena ai no ivo ari uja, namo ningota toto pambohone. ² Eha ningota eto ingikorona re ningo ka metena ai no eto ke be ari avo mane ationa, rate ivo bei eto atiora, embo eniufo mi oremborara namo avo hamo visi ai ererora. ³ Nango hamo amo visi ai ereora te, nango hamo visi ta isoro ae ra. Boro donda jikama ati ora amo hamo visita mane rate, ivo be eto teto sinena ati uja. Eto pe jujne jikou vatu uja. ⁵ Maha Otofu ta siro keri avo fetaro ora te, Maha Otofun ta ivo ami au meni Otofu aki ati uja. ⁶ Eto nango inono ra, ningota pivie ari avo keti ora ke ake urovu. ⁷ Nimo donda amita ove avo kouve mehea, embo avo oremburuja nimo meni Otofu, angato, tojo nuha ehako orembai. amo meni Otofu eto nango barako. ⁸ Nane ivo ai sarika ati ona, meni Otofu ami. ⁹ Eto nau kikiva ami mane au jora ati ova. ¹⁰ Avora tofota kikiva bovu eto enge kuruja, rate amita ando eha mihija amo ivo ambu, ke amita amo be ambu. ¹¹ Embo angari avo orembeto koi, nango da itere, ke kikiva ai mihija, nango eha mehere mihae re. ¹² Ango mane be enana ta hane ai mihie nango engari ra ati ora, enana ani ufo ite, eto siro orembari mihae. ¹³ Nango donda nangota heka ai mihae avo sarika mane atiora, rate Maha Otofu ta heka, nangota ai jokaja hena amo nimo ka inono. ¹⁴ Nango nimo avo embo mane ati ora, mine nimo re meni Otofu ta ke Otofu. Maha hiere utaha. ¹⁵ Nango embo enita pure ari hane seniketo avo sarika ae, rate nango uje ora, no humora ari ai pure emo pejireti uja. ¹⁶ Nango ke be era kei Otofu are poekari, nimo mehea amo senike to pambati uja. Embo eni ta hane ai, ari avo sarika mane ati ora. ¹⁷ Rate tojo avoo sarika uja, avo meni Otofu ta jo ai sarika ai. ¹⁸ Embo ami nuha namo, namo ija avo avora rate Maha Otofu ami avora ija.