¹ Namo ningo ta osaka ka ehako pambati ona. ² Nane ano osaga ati oa amo, eni mane ama nane ehene osaga da eto, nane ehene osaga mo oe? ³ Donda be tapa evi kakujarana, eto namo vuvureti ona ai hanana ae ehera, ivo ufue ningo betapata amita hanana ari ra. ⁴ Eto kikiva ningo ta amo engekari eni be, hine kambari, eto si ka. Amo re ningo osaga ava ae, rate ningo tunga ufona avo kova ue. ⁵ Ningo avo ehe ve namo osaga ona angato no ga ningo betapata osaga ove. ⁶ Embo tapa amita meme, embo meni pemi ami jokora amo re inono ra. ⁷ Angato nongo ningo re orembeto toto, avo embo avo hanana ai, mine angato ae amo osaga pemi be humbati uja avo eto. ⁸ Ningo ta ke enare, ningo ta tunga humbari avo ofaha, embo ta tiri ai evo. ⁹ Ningo ta kikiva kakujarava amita be re, ningo eto keti, eto ake ove ae re. ¹⁰ Namo orembeto tohurona embo nine orembeto toura avo, nimo avo embo Maha Otofu tri ai. ¹¹ Angoto ora amo sova samuna ta engekari eni te, enite avo peikati ue, mine amita pure do-do uja amo nango kora. ¹² Nimo Troas ai vuvuhana ami pure ta pe aferekaraja Maha Otofu ta tiri ai. ¹³ Namo mine eni humbae Titus ai mihae avo eto. Angato eto avo Masedonia ai pambuhana. ¹⁴ Rate Maha Otofu jakeka are, nango kuruja meni Otofu ta jo ai, eto mune akari amita, siro keri eno betapata ai. ¹⁵ Eto nango avo Maha Otofu ami ta mune angato mune buruja, embo meni kosari ufora eto eni ufo ambure ai mehera ami ta jo ai. ¹⁶ Avo eto, embo eni ambureri ta mune avo kouja, eni ami kosari ta mune kouja. avo donda evi humbari areko re ? ¹⁷ Nango Maha Otofu ta ke Otofu avo embo eni ami ora angato ke Otofu jikama ue donda akari humbae, rate Otofu ite eto meni Otofu ai.