¹ Pol, Meni Otofu ta pure embo eto Maha Otofu ta uje ami, eto Timothy nango ta nameni, eto Maha Otofu ta humora embomeni da Korin ai mehera, eto ke be ari embopo betapata enda hane vuvuto pambuto tutumo eija enda Achaia ai. ² Nango ta Maha Otofu eto Meni Otofu amita jo ari eto peka avo nango ta hena ai vuvihaja. ³ Akari Maha Otofu henare eto bada Iesu Keriso ta Maha Otofu jo ai eto jamo jamo betapata amita Maha Otofu. ⁴ Nangota meme kame bovu kavo betapata ai jamo jamo hieri Maha Otofu. Avo etoMaha Otofu mi hiei umbena, angata nongo avo osaga pasaga ka mihija meme kane ai, hondate eto jamo jamo avo hionu umbatuja. ⁵ Eto bada mi nango avo eto avo eto meme kame hafoaja, angato nongo nangota hondate ari avo hietora bada ta javo ai. ⁶ Eto nango avo meme kame ai horiora, avo nangota kosari avo eto ofora, eto meme kame ai hondate ari ofona avo nangota hondate ari ofona, ami hari kuruja amo meme kane ai jamo jamo eto mine timbuto ae, meme tapa afora avo nango bara hafora. ⁷ Eto nangota siro ohembari tutumo nimo avo eto jihuruja, siro pure atora re nimo avo meme kame eto hondate ari ta jo ai ra. ⁸ Eto nimo koa ujae ora re nau nameni, da Esia ai wasiri samuna avo iji karaja avo mane aru ke toa. Nangota meheri ai siro pure nangota heka ai avo tore vavoaja. ⁹ A Avo eto kito nango mi, amburari avo nangotai hiera. Avo embo nango avo mane kembe atora, rate Maha Otofu embo ambupusikari jikei kokosekara. ¹⁰ Ambureri samuna emi ta jo ai nango jikei kokosekara, eto nango hanfe te atuja. ¹¹ Eto nimo nangoka huruketo eha no pare ai, nangota javo ai Maha Otofu kembe ari embo meni ami nimo e'e atora nango avo embo no handeta ari jo ami eha avo embo. ¹² Eto nangota java java ari eto ivo ari avo evi ra, pure akari avo siro pure nangota avo hairi akari ehera amita jo ai, Otohu eto Maha Otofu joru te tapa eto hana hana te tapa, eto enda te siro keri ami ae ra, rate Maha Otofu ta jo ari mi eto pemi be avo no henai. ¹³ Nango ninae ke eni avo kajaera, rate Maha eheketo kea eto humbe siro ai horeja. Avo rate eha emi avo siro pure ona avo mihae humbau siro ai horatuja. ¹⁴ Eto nimo no mea besi ai nango orembari angoto nongo, nango avo nimo embo hanana atona Bada Iesu ta iji ai. Eto avo nimo avo nangota angato nongo. ¹⁵ Ivo ei jikito, kihita avo no hena vuretona, no akari heako umbatoa avo embo. ¹⁶ Nimo hena ai vuto da Masedonia toto, eto hiou da Judea pambatona ninemi au. ¹⁷ Avo eto namo angato vuretona avo siro pure ana avo ejeta eto humbae ra, ehene? Eto nau siro pure avo enda embo ta sirikari ai ano avora, mane, mane avo iji eha ami. ¹⁸ Maha Otofu avo Otohu bera, avo eto nangota ke no hena avo, avora, eto mane avo manera. ¹⁹ Bada Iesu, Maha Otofu ta meni avo ahepoekorora, no ukroi, nango ami, namo te Silvenias te Timoti te avo mane avora. Eto mane, rate ma nanofo angato mhija avo avora. Bada ta ai. ²⁰ Maha Otofu ta avora ari avo avora amita hena ai. Eto heako amita hena ai avo avora avo nango ami Maha Otofu ta humuha ari jo re vuvuija Maha ta. ²¹ Nane Otohu mi ivo ari hito hiei iji kara ihi karita nimo ka tapai. ²² Ari embo ami Otohu eto oja tikija nangota ai. Eto ahihi Otohu ta oja eto ivo ari jo nangotai hija. ²³ Iji eha emi, Maha Otofu ta penunu ena nau ahihi avo harikaja ue. Namo da Korin ai vurae mena ami kote. ²⁴ Evi no kembeari avo tihijiketi ue aera rate nango avo pure tapa ora, no hanana ari nangota kembe ari.