¹ IESU kateai louito au ni letatavai ivasege moni moeagate kea loi obelenile moni baive otoveva, abo bokesi idile kokoai vai emeale ke vale moni otoveva. ² Isege IESU ivasege gobu voleu hauvea ue site keu au moni eniu kine abuti vai tai ketevelu obeleni bokesi ke vale. ³ Ige IESU ke ivai ata ke lavigei avoe gobu keu au moni vaeavale keu ataea moni kitae otoveale ke leivialu isi eu kitae vaeavalu. ⁴ Ata kea abo moni moeaga sisilabo ke ai otovulu isegeto gobu keu avoele ualeavelau ke vaeavalu oveo avolu beu ue solilu vesulu moniu vaoavela keu luvu nile vai vaeavalu beta uale bele sisila nite ai vaeavai. ⁵ Kateigeto mohohove volea laviai avoe ale vuleu dua ko ivelu abo ela Diuia Dubu kitae kouale ko isi hau duata kaeavale ko ivelu. ⁶ Ige IESU lavigei avoe la ave ko ivelu kou valite niu loige vule voleu ba vule vole tatale ulivelu bele ataeale ke kavai vusai katui. ⁷ Ige ea ke evisi belai avoe Tisa aule keu oleve kateai isi ai loiveve ionive ke loui lo haive. ⁸ Ige eu laivgei avoe huhui dua ave abo laa seleaveva ata moeagaeale loi di ivile laa seleavei, koseai dau Keliso dalau. Keu valite niu loige momai kelu tievivale kea lalabo ke seleaveva. ⁹ Ataea vole kavei tuvaliai loige ke evisi vabualive, aveve toela katealea abole luta loi igeto ba vaoe valiu vaoveule loi. ¹⁰ Ige IESU lavigei avoe vatava voleu atateale kobekavai vatava vole atateali vole kavei. ¹¹ Isege vata bahata kele hamule katui oai, ige vagala kitaeule loi, ige hatiti toelaeale ba loige ata moeagaeale vovoi. Aveve katealeale loi isege Otogole aveve voleabe loige ataeale ke ivai vabuiavai. ¹² Isito aveve katealea loie solisege abole memila la kavei la agisi toelatisi isi abole la agisi tai Diuia dubu kitae ke vae laele kotai la agigei dibulai isi laea di ata olialelu abole la agigei tai, gamani kitae kela kotai la visukaevei ige vateu tuvu agive. ¹³ Abo kateisege di kotou dua loui lavigeve. ¹⁴ Isi momai vudiabele lavisi koto louveve ke huhualive. ¹⁵ Kosealu dale ba koto la haivege la nonage lai nona abo ba kavalive bele. ¹⁶ Ige lai kakoluvu lai mamuvu, lai aia isi la aboili ese igali oliale keale lalai haiage atau toelaeale la lohomegei tai la kavei. ¹⁷ La daa lovai loalelu loui ataeale lalai loui tuvuai la agigei toela tigei. Di ivila valelu. ¹⁸ Isito lai kineu numu beu vatale dobai sakavalivelu bele. ¹⁹ Lale aveve kele goada luaga ivivela ukolikoli mauli vave keu ai goada ibilala keu. Ameni mana leleve daelela ma ataga ukolikoli mauli kaoai vaso amigalu. ²⁰ Lale vali vole nile ivage amia Dielusalema ko vovovai vai voleta dage ivai kosea okou toela valila kou loi vuguvugualu. ²¹ Ke ivai iluvisi teve ige Diudeale uale kea iluvisi talau visoe tai hogoluvisi uve. Ige ole keveo oivale kea loi ou uvue talivelu bele. ²² Vali nii keu DILAVAu baduale valila keu abolai lolu. Memila abolai loui bukale kisai bisi vaeavale kelato keu abolai lolu isi bukau louale ke vai lelevetilu. ²³ Isito uvu kitae vali kela eseu unita uvale ke nohovu isi abo ese amu vavevale ke nohovu. Vagalau tuvuige abo ese kavei vulinai ievelu. ²⁴ Tuvaliavale ataeale loi benisi ta ievei kavege moeagaea vovolu, isege ata voel agigei vatava voleo hanave tai dibulai. Ataeale hauai uevei isege Dielusalema o ke mulimuli ataea kele dai letolevai uvaga taemiabe keu loi vesulu. Ige Diu ataea tota kuikavai loi Dielusalemale ui. ²⁵ Ige aveve vole toloveale loi valiu nile, batau nile, isi didiele. Isege vata kole aveve voleale loige davalaule vuloai loi kosahovoi ataele loige ataeale ke ivai vabuiavai tetehamai. ²⁶ Aveve katealeale vatae loi isege Otogole uale keneniale hadaviliviliai soai lavui, ige ataeau ke ivai vabuiavai ige niabe keta oloti lotiai. ²⁷ Aveve kateivalela ataeale ivasege atau eseule au atagata au siauta Otogole goeu adale ugulumai eta laluvai, vai ataele loevei kelu lai neniai IESUla kou loiva. ²⁸ Aveve katealea loieto leleisi eue niave lailoi DILAVAla kou loi vuguvugualu lailo agigelivelu. ²⁹ IESU koto kateale loui lavigeito koto vole loui avoe idia aveve ke huhuave. ³⁰ Ivalivelu idiu vanaea vovoai lavuito humuluvai gidoai daiai loige kosea vagalau loliveu vuguvugualu. ³¹ Iale kelate Otogole isi vatale aveve katealea loige ivai kosea DILAVA vatava dogau loiveve keu vuguvuguale kelu amigalu nenia. ³² Iale da nona leleve ko louge evive lai ave ui tivale koea ba vovoi vesulivelu bele abole usege hau keule loi. Keu kosealu Otogole vatale uale kenenia daiage vesulu, igeto IESUla kou loiva. ³³ Ige vata koule Otogoti vesui isito di koto kou ba vesulivelu bele. ³⁴ Iale lamiga neniaveve , labea iveve toela ke huhuavegelive eu toela aveve toela keneniu toelala keu kaleva. IESU la kou loiva. ³⁵ Vali keu kukoi late aule dobai vatau ata ko neni bavuge abole vovoi, beu ulivelu bele. ³⁶ Ialelu niai ui vali bahata guliguliai ulivelu toela vadeu loige lelevai IESU nile leleive. ³⁷ IESUle vavita lolivelu Diuia Dubu kitae kele aloloigei isito gutule talivelu Oliveta talae naigei. ³⁸ Ige ata keneniale vavita lolivelu guliguliai nonave evigei Dubu kitae ke uvue.