¹ IESU tota au Disaibolo lavigei avoe malaha voleu hau moeagate keu ese vole vage avoele hauai monive vavoloiva ivaga ata voleu loi kosive ke lavialu. ² Ige kosiveu avolu nona hanavai loui avoe aike lo ige au loige laviai avoe aa vadeualu, daa evige au daa vavoloeavalu iale a vavoloai agiale ke kisaiai vai damu. Kosealelu aba tota daele aualivelu bele. ³ Ige ese keu huhuai avoe di bosiule da kalege dale oleveo kateai, da kaie vatae hauale kele goada solilu isi mnilu ataela imiliai oivale kelu matialu. ⁴ Isi ke huhuai loui avoe di bosiule oo kosiveule da kalege dale aveve vadeu ai; Ii ataeali kakoloige abole da vai oe vaeavai. ⁵ Isi kateai ata vole toiavege lovelu ata kea memila kosive kele abitole alu oo bukinialu hau agi kavalu isito vaoe ba moni vavui isi ese ke igaligaliai belagei avoe a hau vai dati kosive kele agilu. ⁶ Ige voleu loui avoe dau olive oele uani hadeleti bukinile agilu ige malaha keu loui avoe laa seleavai hadeleti kaleito viviti loui. ⁷ Isi kalei malaha vole belai avoe isege au avoele vaidati agilu ige eu loui avoe da laisi baiki uani dadeleti agisito davanave vavue solilu ige esele keu loui avoe lai seleavai uani hadaeleti ke kalevaito eiti loui. ⁸ Kateige kosive keu ke evisi loui avoe di hau ese keu ese lulelete ata. IESU ionive kateale louito kotou baive keta loui lavigei avoe vatau ata kea abo kakoluvuiali igalitoai lulele kitae agievelu. Isito ataga esetea aveve keletele lulele solilu vole seleavevale kele budiave. ⁹ IESU tota lavigei loui avoe evive lai moni lai hau kele voleali kakoluvuia vaveve lalle kateige kosiveu eue uale keule laa agisi oe otovei. ¹⁰ Oleule aveve esweve kele neniage aule kitae ketale neniai isege oleu aveve kitae kele seleale keule eseve ketale seleigei. ¹¹ Iale laeale vatau haute kole vole seleaveluaga lale oleve kateai otogou haute dua ke agisi. ¹² Isi lale lai kakoluvuia hauiabe ke bevuai otove dua asoliluaga laeale oleve kateai lai haute dua ke agisi Otogo uvue hau dua ulalea lalai ualeke. ¹³ Ata voleu ba nao abutitale haualivelu bele aule katealuaga volelu hau duai volelu hau toela ai oo hau gologoloai to vole hau dua ai. Iale kelate laea ba DILAVAta monita lovalivelu bele. Ale katealuaga valila moni belalai oige isito DILAVA kalevai. ¹⁴ IESU kateai louge Balisese ata kea moni huhu moeaga valelu loui IESU homasiavaevelu. ¹⁵ Ige IESU abolai loui avoe laea lamiga letatavage ataea laa ivei loui kosealu kea atau duaea isito DILAVAu lai uvu ivage vesulu laa aveve kateale ke mesia voleu kisiale kelate. ¹⁶ Mouseseu talavatu kisaiage belovetaea abota kisaiage ataeu memila ke lovalu isito Dioniu loalelu ataea DILAVAu adau vuvunele uveve koto ke loui ata haivege ataea aike meliai olai vole leivigei tai kosiveu adau vuvunele ui. ¹⁷ DILAVAu au basuale ke loui vaeavage ulu. Iale vata kou tai vesusege basuvebeu ba vesulivelu bele. ¹⁸ Malaha voleu au ivu kalei keate vole meialemege keu au ivu vavale vavoloilau ke alu. Isege malaha voleu malaha ke keate meialemeale keu malahave vavalegau ke vavoloalu. ¹⁹ IESU koto kateale louito kotou ioni voleta loulu isi avoe valivoleo malaha voleu hau moeagate keu ogona davana kitaete ke voigei katugei lovi moeaga ke isi ugei. ²⁰ Isege malaha vole hauve uesite ivivela LASALOSI keu ata kubite iale abole ke meialemei vai lolivelu ata hau moeagate keu ou anakale vaeavagei. ²¹ Ige keule kele ugei ilivelu hau moeagate keu loviu sigu lavusege ke ituhai igei. Kateai aule usege toeale lolivelu kubive ke semegei tigei. ²² Ivaga LASALOSI voeleage ANELUIA loi munanave vai tiale OTOGOE Eibolahamu uale keveo tievelu. Isege hau moeagate keta voelealu ige ataeau vai abavulu. ²³ Ige malahale keu munanaveu veneu vodave ke uvue naige vateve tuvuisege kekoai nia ivige LASALOSIu oge volela EIBOLAHAMU vavale ugulumai uva. ²⁴ Ige au EIBOLAHAMU toiavai avoe di mama EIBOLAHAMU au ale valivelu dalu uvuai LASALOSI ee bisi vai di nemeu gala ebuege seliai da vene kole vateu tuvu kitae da valu vene ko vodale nai vovolova vovolovai uive. ²⁵ Kateai louge EIBOLAHAMU lavia avoe dii voo ale huhualu aa vatae ui hau dua agisi usege LASALOSIu hau dua agie solilu isito aike LASALOSIu udua ai sisilale usege au vateu tuvu kitae agisi ulu. ²⁶ Daa koto ko louge eviso seka kitaeu kuva bavulu. Ige lo oleve kateai ae tai isege ata oleve kateai loeo loi. Keu aukalu oo toloalu kuvau ue solilu sekau bavulu. ²⁷ Ige hau moeagate keu loui avoe di mama kateato daa alavialu LASALOSI hanavagau au di mamau oe tai. ²⁸ Keveo talivelu di kovuvu ada vole vai ke lavigei koseai momai labeu vateu tuvu kuva koveo loi tievivale toelalu. ²⁹ Ige EIBOLAHAMU loui avoe MOUSESE kotou ulu ige belovetaea kotota ulu. Iale ai kovuvuia kotou dua ke eviluga abole keveo tai. ³⁰ Ige malaha keu EIBOLAHAMU laviai avoe di mama abo ba koto ke evilivelu bele isito ata voleu voeleale keule aboeo tige abole abo aveve toela kalevai kuiakavai. ³¹ Ige EIBOLAHAMU loui avoe abo MOUSESEu kotota belovetae koto evie soliluaga abo ba voeleai kobelale keu kotota evilivelu bele. Kelu lailole neniai ui vole ivegeive ouai vole vavei. Veneu voda bavuiavaive ele naiva amigalu vabua.