¹ Kateivale valila ata volea koto vole loui IESU lavia koto ke galaveu kosealu. Vali voleo Galileia ata volea ovo mamoe kavei vaui DILAVA hoeaseavasege gamania kosive Bailate ke mohohoeabea ata ke kavege vovolu. Ige IESU nonau gala ke evisi lavigei avoe la huhuige kosive keu kea kaveale aveveabe toela keule Galileia ata volea toelate ke leivialu. ³ Be daa laa lavigei laa huhuige ke aveve toela avale ataea. Isito laea vole late lale lai aveve toela kaleva solige lale lata vovove. ⁴ Ige memila Dielusalemae ovole egeve baua ivivela Salomu. Keu bokohovoi dobai ata eitini kavege abo bobolu iale la huhuige vovoale kea Dielusalema ata volea aveve toela ke leivigelu. ⁵ Be daa laa lavigei isoho lale laa avale toela kaleva soliluaga lale lata vovove. ⁶ IESU kateai louito kela donau nona vole loui haivei keu kele lavila iale malaha keu tiale keu lavisi ivage baive ue solilu. ⁷ Ige au vule loviavale ke laviai,loui avoe lahani abutita igalita uvule idi ko dole niavaga baivebe ue solilu ialelu koisi vai kavatu. keu vata kole lavisito hahumu obaie solige keu toelalu.idi keu uesolige voleu duale ba lavisi. ⁸ ige voele hauivale,vo keu laviai avoe kosive kalegau ave lahani ko igalile ui.Isege dale vatamuiavai o dale vatabisi momoluta, agisi galavele katui. igeau lahani ke ulue au baiage keu duave.Isito baie solige lai ba koisi. ¹⁰ IESU koto kateale evete veteve loulu, iale bula volele tialeu Diuia dubu vole uvue tai ata haiveva. ¹¹ Isege dubu keu uvuekeate voleu munana toela keu avoele dobale keu keveo ulu. lahani eitini keu uvue ulu inuveu keukale keta lavisa osolisito bedoea uluvni inu keukai oiva. ¹² Ige IESU keate ke ivai toiavai avoe, ei, ai hatiti keu ave aele vesulu. Isi au ada vai tatave kele vaeavasege solekata inuvele keu doadoage eu lavisi DILAVA hoeaseavalu. ¹⁴ Keate keu kateige Dubu Kosive keau tuvualu. IESU bulalegau ke alu. Ige Dubu Kosivea loui avoe vali nii ada igali isi vaki voleo igali ke uvue lai loi guliguliai kele hatitite hoeaseavei isito bula keu tuvuve. ¹⁵ Kateai louge IESU avolu loui avoe seleivale ataea lai aveve ke ivage duave, isito lai uvu keu toelalu. Iale daa louge evive laa kea bulale lai ovo vavegei lohomegei eu bavae tai ee vaveva, kelu laa ovo hoeaseaveva. ¹⁶ Isito laa ola soliale da bulale Eibolahamu vako hoeaseavai. setene keu vagala Eitini ke uvule keate ko vai toelatilu, iale laa huhuige da bulale hoeaseavale keu duave. ¹⁷ Kateai louge IESU dikaiavale ata kea matiavelu isege ata bahataea IESUlu sisila kitae aevelu. ¹⁸ Ige IESU atake lavigei avoe ataea DILAVAu adau siaule ulivelu ale kelu da donau nona vole ko loui haivei ige ataea ke evisi valivelu kele luleleai. ¹⁹ Ataea DILAVAu adau uvule uveve keu kolate idi Masitedi ii late, ata voleu idi Masitedi baieveu eseieve baua ke vaitai au vule laige keu laviloho idi keneni leviai eula ui au ada katugei uge. Uguia loi kele kaso koi uniai uevelu, keu kosealu IESU nonau lavisi kitaeai vata ko nenile tige vesulu aule loi au ata agigeitai. ²⁰ IESU tota nona vole loui lavigei avoe ataea DILAVAu adau valale uale keu beikini bauda late. ²¹ Keatea beikini bauda vai valavale keiohai eta levutivai vaeavage uvui vaea loige bukia sikoni moeaga moeaga ale kelate ata moeagaea ave DILAVAu dubue loeviva IESU lolivelu age. ²² IESU kateai louito Dielusalemae tilu, tiale kuvau tavae oea ui tivale kela aloloai ata moeaga haivei tiva. ²³ Ata haivei tisege ata vole igaliu avolu loui avoe Kosive ata moeagaea ba Otogoe talivelu bele ata sisina ulaeala tiva. ²⁴ Ige IESU ata bahata lavigei avoe Otogou ananka keu eseieve baua, ialelu meliaevelivelu kele velevai teve. Ata moeagaea olai oke uvue tai isito keule aboele toloai. ²⁵ Kosealelu o ke biageule au anaka ke bavui isege lale talivelu leleisi ou anakale kelokai loui koseai kosive lolai anaka alava. Ige aule koseai loui ole lalaea daa laa valitige solilu laa oleveoga lolu. ²⁶ Ige lale kotove ibilalu loui koseai be loea memila aluvita ui lovi isi, ee isi oivale atake lola koea isi ai oe lo haivevale ke lola koea. ²⁷ Ige ou biageule loui koseai daa laa lavigelu, daa laa valitige solilu, laa olevega laa lolu, laea atau toela lala kea daa kalevai teve. ²⁸ Keule kateai lalai louge lale anaka iae leleisi alio kavai, genuhamai monogigiai aliokavagei. Kosealelu Eibolahamu, Aisiki, Dieikobo isi Beloveta keneniale bahata DILAVAu vatava dogave keveo usege laea kaie vatae uve. ²⁹ Ige valiu velevai loale Isiti valiu dobale Wesiti isi Saoti ta Noteni keveo ataeale daiai loi Dilavau vatava doga ke uvue tebolo adale ugulelemai lovi isi IESU luvita, kotou dua lailolai. ³⁰ Kateivalelu ata olea memila koto ko evisi sisilai unila loivale keneniale vaola loi, isege olea vaoe loale keale loi leivigei unie tai lovi ievelive Otogo teibolo adale. Kelu ai mauli naliu dua aso lelevasege ataea ai lovo vai kinia lovi iva Otogou tebolole. ³¹ IESU kateai louge vesusege Balisese ata volea loalea lavia avoe oko kalei vatava voleo tiso Gamania kosive Helodau olai aa kavai. ³² Ige IESU lavigei avoe malaha keu ata seleavevale mii vole veleki kelate. Talivelu laviai koseai lou dale ave isi livu hatiti te ke hoeaseavei volea munanau toelau aboele uale ke nunuvei to ba aivu Dielusalemae tai velevasege di haukala koule vesui. ³³ Iale dale ave tai, livu tai, aivu velevai kosealelu abo memila Dielusalemae DILAVAu ata moeaga kavelu kelu DILAVAu olale dale tige ataeale Dielusalemae daa kavage dale voeleai. ³⁴ Iei Dielusalema ata laa nohovu DILAVAu koto louveve Beloveta ata lalai hanavage laa vuleta kavege vovolu. Vali moeaga daa olala la agigei dii adau uvue otovei kokolugu aiau au ese agisi au akomau valale otovei tataeabele amulei uale kelate ai. Isito laea dalu homasialu da laili ulivelu age. ³⁵ Laa katealelu vaoe lai oo keule samiai uiesolisi iale daa lalai louge evive laba tota daa ivalivelu bele. Isito lale lai aveve toelale kuiakavai loui koseai loi kosiveu DILAVAu ivile loi loo hoeaseavelu lale kateai louluaga laleba tota daa ivave. Laleba loui koseave iei atake nohoma DILAVAu ivile lai lolai lolu.