¹ Isi daa tota koto vole louge evive ese voleule loi kosi kitae olisito ba au mamau hau ke neni agisi isito eseu eseta au batai au mamau hau agilivelu belel. Keu au mamau hau memelo kelate. ² Ese keu eseuese aveta usege abole ke nalisi hauve loige keta nalisi. Ivaga mamaveu vali oo taemi makale keu loige abole ba hauve keneni agisi vavui. ³ Lailoi kuvau kelate memila IESU loie solisege lai eseu ese kelate vatau aveveu lailo agigeitige lai ataea lote oo talavatuiabe ula aeviva. ⁴ Ivaga DILAVAu vali louale vali keu loige DILAVAu au voo hanavage keu Diuia vatae keate vole ese olilu isi Diuia talavatu ke lovalu. ⁵ Diuia talavatu ke valale uale kea ibilaeabe ai agigegabo DILAVAu esete olisi. ⁶ Lailoea DILAVAu ese olila age au auvou munana tuvuke lailoamelu ige keu lai loi uvule otolovai lai lo agige lai DILAVAlu loui kosealu DILAVA keu loi mama. ⁷ Katealelu lai ba tota vatau ese olilivelu bele. Lailola DILAVAu ese olievelu kelu DILAVAule louge lailole hauve lailolai louale ke agievei. ⁸ Laa memila DILAVA leleve ke diba solilu ialelu ataea valevile adata baeai otoveale ke hoeaseavei kelai loui koseiva loi DILAVAla koea. Laa kateaito kea DILAVA olie solilu. ⁹ Isito ave vali kole laa DILAVA leleve ke ivaevelu oo dale loui koseai DILAVAu lake, ivalela. Laa DILAVA homasiavai kuiakavai vata kou sisilale tiatievelu. Au laleba kuiakavai loi? bela tila ke alu volealivelu. ¹⁰ Laa valivole oo bata vole oo lahani vole makai vai tuvutisi ke hoeaseavai loui koseige loo koage DILAVAu ba loo hoeaseavei loo agigei kalevaula keave selela keu ke alolo voeleiva veneu aa vauge. ¹¹ Laa kateale age daa laa vabuiavelu isoho da laa haivevaga laa aonega oo lulele solila age daa laa haivevaga lai evieviu ue solilu. ¹² Dii kakoluuia da olale laa daa ale kelate age duave, daa memila laa avale kelate ava isito daa aike kateale aa soliva. Daa kalevalu, ata kaleva. Laa aveve toela avale keu daa vai toelatie solilu keu aelela keu. ¹³ Daa luta sitatisi hatitita laeo loaleu kotou dua loui laa haiveale ke lale huhualu. ¹⁴ Dii vavau kateai toelage keu laele isuige laa da homasiavai daa hanava solilu isito DILAVAu au ANELU hanavage la ke hoeaseavale kelate laa daa hoeaseavalu isi IESU lae loige laa hoeaseavale kelate laa daa hoeaseavalu. ¹⁵ Vali kela laa dalu sisilai daa dulualu niu bai leiavale keu melia soliale bele laa lai niu bai leiava vai damuge davai dii nitele vaeavage dii niu duave olilu. La memila kateai dalu sisilalu isito la aike vadeualu. ¹⁶ Daa memila koto leleve loui laa haivelu iale kelu lale aike daa homasiavai dalu tuvuave. ¹⁷ Daa laa haiveito loisege ke iae ata volea loi laa haivei laa hoeaseavelu. Isito uvuiabe keu toelalu kea olai daele laa agigei, ilivelu laa daa hoeaseavale kelate ke hoeaseavei. ¹⁸ Ata kea vali bahata uvu duale isito kea kate solilu, daa laili usege kea aveve vole alu. Iale daa laa kalevesege ea tota aveve nii voleale aevelu. ¹⁹ Evive laea dii ese late, keate voleu eseveu ulivelu age vateveu tuvuale kelate daa tota lai aveve ke huhuai lalai uvualu. Dale vali bahata lalai uvuava laa IESU KELISOu ale kelate age daleba kalei, isito laa aa solige dale lalai uvuai. ²⁰ Dii ola kitaeu daa laili ui lai aveve ivai kele laa hoeaseavei, Kosealelu daa laa huhuge kitae alelu. ²¹ Daa olai koto vole loui laa haivei laa olea olai Diuia loeabe ke lovale au laa koto vole huhualu. ²² Koto keu loui avoe Eibolahamu keu ese abuti vaeavalu keateve 'Sela' keu voo vole vaeavasege abolai hauavale keate keu vole vaeavalu. ²³ Abolai hauavale keate ke vatau keatea ese agivale kelate ai ese ke vaeavalu, isito DILAVAu memila louale ke vuvunelegau Eibolahamu keateve kelega ese ke valu. ²⁴ Memila aveve kele donau nona voleu ulu, keate abuti kea DILAVAu kotou tuvu abuti louale kelate DILAVAu memila sinai kumoe o tala keveo au vadeu alivelu ale nona ke loui au ata haivelu, iale koto keu keate Heiga kelate lovi ulavale esea. ²⁵ Sinai tala keu Alabia vatale ulu keveoga Mouseseu DILAVAu loo agisi ata vavelu iale Heiga keu tala kelate isi keate keu ataea aike Dielusalemae loo valale uale kelate ui kalevai loviai isi ueviva. ²⁶ Isito eue otogoe uale Dielusalemate keu doadoai ualela keu lailolai isi lai loi aia kitaela keu. ²⁷ Isito Sela keu ese solisege bukau kotou loui avoe 'keate voleu ese kouesoliale keule sisilai genuhamai salasalai kotoai. Au ese vaeavavale bele vateveu tuvuige sekiai ui ese kou kavale kea esete moeaga isege malahate keu eseveu moeaga solilu. ²⁸ Isito laea kakoluvuia Aisiki late DILAVAu louale ese lala kea. ²⁹ Katealelu oleu vavau ese oliale keu kobelai munanau tuvule uale ke eseteali vole kaveva ige aveve keu loale ave. ³⁰ Isito vadeula bukau kotou loulu? Loui avoe kaile hau kavai uvaleva keta voveta hanavegabo tai, hau kavale vove keu ba kaile velai uale ke vou hauteta ba agilivelu bele isito Eibolahamu keate Sela keu ese lailola koea, Aisiki esea.