¹ Avekole daa laa lavigelu. Aule falini vaove kele uveve toelaule loii. ² Ataeale aboi amigatelu sisila kitae aevegei moni sisila, amiga letatavai, au amiga ula huhuai, kotou toela loui, aia mama nona bae evilivebele huhuitoela ani ige tuvuveta uesolisi. ³ Aveve duabeta uee solilige, volele sisila nonabe. Lou live bele vole kaveve ataea abomiga agisi melitilivelu bele vole dikaiavei, du ave kelu bae sisilalu bele. ⁴ Folelai haiaii, toelave uvuleuii, toelave loui, valevile sisila aii too Dilava huhu savavelu. ⁵ Iale dave baua niniai to abole Vuvuneve kalevatui .Ialekele ata kateiteke lovevale. ⁶ kateivale ataeala kakolovu ouu uvevevai lehosiavai,seleavei ige malomalo keate aveve toelale tialeketa ata agigei isule otovelu. ⁷ Abole loi Dilava nona evigei isitoba aveveve keba alivelubele. ⁸ Keleate Danesiu Damubalesi tii Mousese vovoholu. keleate eaa nona leleve vovoholu ivogiabe vovoge. ⁹ Aveveabeta egetaba talivelubele. ige malomalole abole kitaeai, malaha keta toela aveveabele kitaeaii. ¹⁰ Dala haivealeke lovai dii aveve, huhuii,evievi,valevile alekeu duaveula. Sisilai doadoai uu lakealu. ¹¹ Uveve toela vatetuvu vai ige vadeu daele velevale leate vatava vole Anitioka,Ikoniumu isi Lisitala ee.Da isu kitaele tilu igeto Kosive uu daa vai atake leivigei tilu. ¹² Katealekele oleau Kosive isivile uale keale taevei. ¹³ Aveve toela avale kea tai eve tolovele tai kakolovu seleavevale keale aboi amiga keta lehosiavei. ¹⁴ Laeaule laa vadeu abo haivege laa evialeke lai evievi vatala dua ave. Isi oleu laa haiveale keta huhuageve. ¹⁵ Laea esebuluta kisai nona loualeke laile Kosive vileo vaevei. ¹⁶ Dilava nona bahata loi lekoveale keu bai leleve ula isi haivei lelevetisi lekoveai vai uale kele vaeavai. uu dua eaa nona dua aveve dua lailo haivelu. ¹⁷ Ige valivelu Dilava lovi kaveve ataea meliai leleisi aveve dua aii.