¹ Au di vo, lavisa melia, Keliso Iesu dua kenenile. ² Da vadeu louake ke ne niadi aile evule, ata moeaga kea uvule, ke vai leletisi lavisi melia, evi evi ata voloeale ba vole hai vei. ³ Dati isu vai ja bai, isi Iesu Keliso solodia olisi melia. ⁴ Ata kavabe abo solodia le vaeva livelu bele. Isi to abo ivala ai, vai vaea valu.Igw oleu vai vaevale keula ke sisilave ai. Kosealelu eu meliai hau ke neni alu. ⁵ Ke late ata abo ba vailolo kitae ke uvue hanava kavalivelu bele, isito lolo ke lulelete vale kela abo ba vai hanava ge au tai loloai, ivi kitae vai. Lolou kuvave ke lovaluaga isi to au lehosivage toelalu. ⁶ Loviai meliavale, keule luta baive vai au vu ke kai au adu ke lavai, au imi ke umu vai uale keu le baivai sisilai. ⁷ Huhua so , da vadeulovale kele ko sive le ba lulele amu i nona ke nenile. ⁸ Huha, iesu Keliso u voeleai abtale kobelalu, Dievidi esele loale bolou nona ke nenile ke. ⁹ Kateale kele da vate tuvu kitae valu ivivela abo ''aniga'' ta da umuvalu. Ata kineta kavale ke late isis to dilavau nona ke umuva solilu. ¹⁰ Kosealelu vale vile neni abo vai vusai vole vavelu ige atae abota nona evisi abo evie vitelu lovialu, bolo ka koluvuia abo agige itige abo ukoliko litelu, lovialu ukoli koli keu kosive Iesu Keliso vileo ulu. ¹¹ Nona kou leleve nona la: Lai Iesu luvita vovua luaga, lai lole avolu vita ui. ¹² Lai lole lovile aluaga lailole avoluvita ui, lai vovoholuaga. Eu le lai lo vovoho gei. ¹³ Lai avoele nenie solige eule vato neniai ula ke alu, au ba amiga vai mahogovali velu bele, vato ula ke alu. ¹⁴ Ata haivele nona ko louive agigei Dilava Vileo tige au uve gei. Abolai loi uvutuvualive, nona kota vai toela loivi belalalive isi to eviale ke haive. ¹⁵ A miga vaimeliai Dilava vavu. Abo ata vole vai lele vetiale ke late, ige Dilava a vai, hauale ata ke ba matialive bele, e u amigalu Divala koto ke neni agisi au uvue otovelu matie solilu. ¹⁶ Isito amigalu to ela go gonia, isi toela belala kale abo late ava o o aveve abe late ava kelu ogeta lote toela abe vava. ¹⁷ Toela nona keu vatau ata bahata evilu ige nona ke ata agigei toela ti gelu. Toela lou vale keu ata abuti ivia beala koea Hameneasi isi Beletasi. ¹⁸ kea nona leleve ke kalevai loui kosealu vovi vale ata kea memi laga bo evievi ke kalevalu. ¹⁹ Katealelu Dilava nona kou vule kitea u lavia ke late au ba hadalive bele keu ukolikoli vato lavisa ula kealu katealelu Dilava au ata ke ivealela oleu evilu, isege oleu, eviesolilu ige oleou Dilava ivi vai au ivita louge kosea toelale vovolova, toelale ti kale. ²⁰ Ava ovole bosiu laviale ke vale melegi disi ulaea ue solilu isito ''tauli golo'' isi siliva ke moeaga moegau ulu, volea duave baua isege volea toelalu. ²¹ Katealelu ata volea abobiga agisi duatige keu duavela keu naoale kelu sisilai, ke late Dilava ule ata kelu sisilai ige aule vali baita duave ke ulale hauai tigei. ²² Katealele kalau toela dogavea loale kele ogeta te, ke lovai ti kale, isito kalau dua lova, evievi dua keta lova, volelai isiavale ke isivi keta lova ai uvu dua kele oo ai lutiu bai kele. ²³ Isito homasiavale malo kelu a belage nonae abe ke evi kale koseal keale ke belalai evisi alu loui tuvuaive, a kavai. ²⁴ Isito Dilavau hau avale ke ba aboili volelai loui vole kavelive bele, iso abolai dua ula aso, lavige uveve dua nonale. ²⁵ Agisi savatige, isi haive olela toela vai lolu. Ige Dilava uvuiabe takoveigei ige ea Dilava nona vai leleve tisi lovai. ²⁶ Ige ea tota kuia kavai dua olisi ui tai Devil sobaki lelevai, abo sobaki vele ko lovale ke bukia katuitai Ukolikoli mama lovaitai.