¹ Da melitavai a lavaia Dilava isi Keliso Iesu ivile, keale ba loi nita uvale isi vovoale keagisi nonale otovei abo loivale vali ke nila. ² Iale meliai nonave ko loui ata haive isoho vali toela o valiu dua, kele meliaa nonave ko loui ata haive vaveve be toela ke bavui ata haive. ³ Kosealele valikela koto leleve evilivelu bele isito abole abo isivi ula aito abo bae nona lelevee vilive bele. Sele avale ata moeaga le ba loi ata sele ave i, lulele ata haivevale keale abo gole ma bavui teniteni nona loi vole haive oi gei isivie solilu kosive nona evilivelu. ⁴ Ige leleve abole abo golema lekoveai Dilava nona ko evilive bele isito nona tolove ke ula loui oigei. ⁵ Isito au ivi dua aso isi huhui duata aso hau bahata kele isu kitaele meliatavai ata haivei ai Kosive love ke vesuiava. ⁶ Da memila hauale keu loi vesulu ige da tiveve ke ula di unie lolu. ⁷ Da Kosive lovi ai loale keu loi vesulu da loviu alu isi vesuiavalu da lolo volele viliviliale kelate alogo ivivela velevalu isi di evievi vai vatalalu. ⁸ Ige ave ukoli Saneka abo vai dalu vaevalu ke nila Kosiveu ata vavealela aule daele vai damui. ⁹ Ai aveve du ai solekai dae lo. ¹⁰ Demassi da kalei vatauisivi ai tesolonika tilu isege kulisens galatia etilu isegetaitasi u dalamatiae tilu. ¹¹ Luku igaliu dati ulu, a loluaga maka tavai lo keule dalu hau da ai. ¹² Isito datisi vai Ebesesi vatae hanavalu. ¹³ Aloi tolosi vatae veleva luaga tai ata voivivela kabasi oe di dabau ogo na vai bukata da kalevale keta agisi lo. ¹⁴ Alexander, Ale kisisalenida koba Simiti Kaiva Kuku avale ata keu dati ugologolo moeaga alu isito Kosive ule ba ibilave ai vavui. Au vadeuavale ke ibilai ai vavui. ¹⁵ Au ata amiga neniava, aule ata lailoi hau kota vailehosivai kosealelu e meliai lailoi hau vai lehosivai. ¹⁶ Da luta hauiva lela, ata beu dati lavie solilu. ¹⁷ Isito Dilava dati lavilu da vai melitilu ige Dilavau tou toela kea aile da valu ige daele Kosiveu koto kou eviesite kea vataetai. ¹⁸ Kosiveu da vale kele aule toela ke nenile. Dati usege loviveu vesuge au davai otogoe tai. ¹⁹ Kotou dua sisila kitae lalai bulisila isi akuila, Onesibolasi ese kea lalai. ²⁰ Elastasi Kolinito uvue ulu. Isege tolobi masi hatitiage da Miletusi oe kalevalu. ²¹ Ai aveve dua ke a memila loigeto ba vaoe hebulu valini u loi. Eubulusi, Budenesi, Linus isi Koliudia isi kakoluvu iaa beta. ²² Kosive Dilavau Munana Tuvu lai uvue ui Dilavau duau laili uii.