¹ Vali kole Iesu Kosive lolu age. Lailo ko nema bahatu loi igali toai ee vileo. Lo laa lavigelu Ksive Ataea. ² Iale kele, vale vile baa laa agigelive bele. Isu vai lolu bele. Lai huihui kosalive bele wona moeaga moeaga. Isito, Kosive nona keu lai lolai loge vesulu. ³ Iva dua ata vole aa seleaviva. Aule keu baa lolive bele. Keu tiale vali vage ata ko nenia Dubu kale vai tai. Isege toela atau loi velevai. Voele ese laa keu. ⁴ Kateale kele, oleu Kosive vovohoi amiga letata vai to aleke iva dua. ⁵ Au lalevalivelu huhuai. Da laili uvale vali kela. Da laa lavigelu. Falevile le baa daiai. ⁶ Lale huhualu, daa mouke kaili uale keveoga da lalavigege vesulu. Valini vavoale kele to ba aveve toela Mama uleto baa velevai. ⁷ Aveve toela biageu isu kitae vai loge vesulu. Ige ke leate, kosiveu leto baa huhui toela mama ke be levovo ai. Ige kuva leivi ai tai. ⁸ Huhui toela Mama keule, Kosive ule kavai. Au vuvunele. Kusive ule bae valibe dua vai avoe lolube. Isi au loveve ke ba loui lavilu bele. ⁹ Huhui toela Mama, loale keu Setene Vuvune, aveve kele ata bahata lehosivalu. ¹⁰ Isi sele avevete kele ata nohovu lehosiavelu ige abole vovoi.Kosea lele. abo Kosive Isivi isi kotove leleveke uu ukoli koli ke vai. ¹¹ Kateale kele Dilavau sele nona hanavageeau ke vai lelevetisi. Huhuale ea nenive. ¹² Huhui kateivale ibilaveu, abole nonale leleisi isi olea nona leleve vasoli ale keale toelale tai. ¹³ Valini bahata lalole Dilava vileo sisilai. Dilava lailo agigege lai loea evile, lailole Uukolikoli uveve Tuvute Munana vileo laile vai. ¹⁴ Ea aa toiavalu Iesu nonale. Ige valivelu nonave ke amigatelu vaso. ¹⁵ Iale kele kakolovuia, vatala duai laviso. Nonave ige kisai abo aa haivuale kele. ¹⁶ Ave kole Kosive, Iesu ige Dilava lailo Mama kitae lailolai isivi, Ukolikoli, Vuvune isi duave hanavage lai huhui duale bahata uii. ¹⁷ Vuvune vele lailo luti baita vale duadua aii nonave ta loui vatalaso.