¹ Ave, kakoluia, lolai Mama kitae Imiliavave, ige Dilava u nonau melita tai ige ataeau hoeaseavai. ² Mama kitae imiliavage, loea toela vale ataele ogeta tai, ke nania koto evie soliale ataea evi evi abeu ue soliale. ³ Isito Kosive keu duave, keule avai lelevetisi, a vai duatisi, isi aule anibisi, atau toelau loige, toelau avalivelu. ⁴ Loi huhui kitae dilava vileo alu. Kosea lelu aule dilava lovi ko ai butuhai vai tige lo alavi ale ke nenilete. ⁵ Kalege kosiveu ai uvu ni mabisi dilavau isivi kele isi Iesu aleta tvale kele. ⁶ Lo ave lalavi gelu kakoluvuia, lailoi kosive Iesu Keliso ivile, au ogeta lote kaile homasiavale kakoluvu kele, kea loaveve dua vai haivaveale ke lova solilu. A late lo louale ke a savalu. Isito. Aulo louale ke ale nenive. ⁷ Isito au, a igali ke vai lo huhuevelu. Loea aluvita igalile uesolilu ata ke late nonale uveve kele. ⁸ Loea ata volea lovi ie solilu, isi ibilave vave solilu. isito, loea vavi vali kele lole isu kitaele lole tigei, lo isiuie solilu ata agigei isutieve livelu. ⁹ Lo ke ale keu kosealu loi vuvunebeu ue solilu, be lo keale keu lahaivege la lo ale ke lata ke ave. ¹⁰ Lo laili uvle, lola lavigeva, ata vadeu isi vie solilu lovia luaga kosea au ba lovi ilive bele au vagalata u. ¹¹ Lo evige ata volea lai minale u ulava lovia solilu, lai minale isito keale koseai lo hauila ko ava. ¹² Katea lelu ata kateale Iesu Keliso ivile lole lou koseai, meliai ai lovite ai ai lovi ke li. ¹³ Isito kakolu vuia moma kalevave vadeu neniale kele teve. ¹⁴ Isito ata vadeu loi nona ko evie solige, lo kisaiale kole ke nonave vave. Isi avoluvita oo kalevave ige au valivelu matiai. ¹⁵ Isito momaeavalive, isi loui kosea keu lailo lai tuvuavale atala keu be avoti kakoloa. ¹⁶ Ave uveve dua Kosive Keu au uveve dua lamei uveve late keke uve Dilavau vali baita laili ui la hoea seavei. ¹⁷ Kou di uvu nonala lalai kou, dau Bolo. Di adalega da kisaialu lalai di adata. ¹⁸ Lailoi sisila ata Kosive Iesu Keliso ke duaveu laili ui vali baita Amen.