¹ Bolo, Silivenasi isi Timoti. Laea Tesolonia dubu ataea, Dilava lailoi mama isi lailoi Kosive Iesu Keliso. ² Sisila kitae lalai, isi uveve dua dilava lailoi Mama isi lailoi ata kitae Iesu ³ Loeale vali bahata Dilava vileo lalai sisilagei kakoluvuia, kosealelu. Lai evievi keu valibaita lavisi kitaeai tiva, ige lavolelai igaligaliai isiviale keta kitaealu igelo sisila kitae lalai alu. ⁴ Iige loulaea sisila kitaealu lalai Dilava Dubu kelu lolai Evievi isi Lai avevele La melitavale Isi toelau Loige Lolabelalagelu kosealu toela ke nenile latai daiai tige. ⁵ KEU Dilava aveve nenilega La kele tiva. Duave isi toela vai nanole vaeava livelu. Ige au Otogo huhuitele ui tigei. Keluga a isu ke valu isi to kele nenialivelu lai Oto goe tai. ⁶ Ige kelate dilavaule ata vadeu avai tuvu tele vaeavale ke aule vai. Tuvutele vaeavai ige avota tuvu ke vai, ai ibilalu. ⁷ Isi oleu loili tuvui vale keule kosive Iesu au anelu Iali otogole loige aule auvuvune kele ata ke kavege, abole vovoi. ⁸ Veneu voda late Iesu vuvune ule ke kavege abole vovoi. Kea Iesu nona evie solilu, evisito homasialu. Kea Kosive Iesu nona loui ata lavige solilu, isi Iesu isive a solilu. ⁹ Ata keale Iesu ke agigei Ukoli koli isu ke vavei ige abole vene hodovue site kele navai vata kou navale kela. ¹⁰ Iesu loivale kela aule ke agigei vali ke nila. Au ata agegei hoeaseavei, kea Iesu nona evisi lov ai tivalelu. Ke kosive nona ko vai lelevetisi lovai tiale. ¹¹ Katealelu lo vali bahata mama laviava lalai. Lo laviava Vavita Gututa ige au la agigei amigalu. Kelu gau eu la toiavelu. Lo laiviage aulai loi huhui ke lekoveage laiavo luvita igali toai ui. ¹² Lo mama imiliavalu ige lailoi Kosive Iesu Keliso ivi vai letaua, lai baita. isi lo imiliavalu Dilava sisila vai lai loi Dilava Kosive Iesu Keliso Ivivele.