¹ Weni omo tuvhura kughamba vyakuhamena Abraham, mukurona wetu waparutu, vinke awanine muviruwana vyendi? ² Nkene Abraham kwahungamine mukonda yaviruwana vyendi, vino kuvhura avi kunenepitire pa mwene, ngoli kapishi kushipara shasha Karunga. ³ Matjangwa kwatanta ashi? ''Abraham kwapulire mwaKarunga, makura lipuro lyendi ava limuvaruliri kughuhungami.'' ⁴ Ngoli muntu wakuruwana viruwana, mfutu yendi nakuyi varurashi ashi ghushwi, nani ngoli vyakukuruwanena. ⁵ Kehe ghuno wakupira kuruwana enengoli ghuye apure mogho atapango ghuhungami kwavo vapiro lyendi kuli muvarulira ghuhungami. ⁶ David naye mbyo aghambire ashi muntu walirago ndje gho ahungameka Karunga pahana viruwana. ⁷ Ghuye kwatanta ashi, ''Valirago mbovo ghadongononena po Karunga ku viruwana vyavo vyakupira ghuhunga, ntani ndjo davo mbyo vadifikilira. ⁸ Muna lirago ndjegho ngapira kuvarulira Hompa ndjo dendi.'' ⁹ Nani ghano matungiko kwagha twenyedera tupu kwavo varuwana vyavamba tupu, ndi navo vapira kuruwana vyavamba? Atwe kughamba ashi, ''Lipuro lya Abraham kwali muvarulire ghuhungami.'' ¹⁰ Shirugho munke vamuvarulire lipuro lyendi kughuhungami? ghuye vamuruwana vyaVamba ndi ghuye shimpe kapi vamuruwana vyavamba? kapishi mpopo vamuruwanine vyavamba, nani kumeho vakamuruwane vyavamba! ¹¹ Abraham kwamuruwanine vyavamba kughuhura ashi vamba yikare shiyivito ashi lipuro lyendi lina kara naghuhunga kushipara shaKarunga, ghuye shimpe nakumuruwanashi vyavamba. Mbyo akarera ashi ndje Shetu wana vantje ovo vapuro ovo ahungameka Karunga nampili ngoli vavapire kuvaruwana vyaVamba. ¹² Ghuye ndje nka Shavo wavo varuwana vyavamba ngoli kapishi mbyovyo vavaruwana vyavamba tupu nani mbyovyo vana kara nalipuro olyo akalire nalyo Shetu Abraham ghuye shimpe nakumuruwanashi vyavamba. ¹³ Matumbwidiro kwaAbraham na ruvharo rwendi ashi ndje ngapingo ghuno ghudjuni naghuntje kapi atunda mukutikitamo veta nadintje nani ngoli kwatunda kulipuro olyo vamuvarulire lya ghuhungami. ¹⁴ Enengoli nkeneshi vakulimburuka veta mbo pentjavo vakupinga ghudjuni, lipuro ngali kara lya maghoko-ghoko ntani litumbwidiro lya Karunga nalyo kwato shiruwana. ¹⁵ Mbyovyoshi veta yaKarunga kuyita ugara, oku kwapiro kukara veta, kwato ghurunde. ¹⁶ Mukonda yalipuro, motwa wanena maghushwi ogho vatumbwidira ruvharo rwaAbraham-kapishi mbovo tupu vakutikitamo veta, hawe, na mbovo vakaro nalipuro olyo akalire nalyo Abraham. Ghuye ndje Shetu wapa mpepo natuvantje, ¹⁷ yira momu tupu vatjanga ashi, ''Ame kwaturapo ngaghukare shavo vadimuhoko nadintje.'' Abraham kwatambura matumbwidiro kushipara shaKarunga wakutura monyo muvafe ntani ghuye kupanga ashi vyapiliro kukarapo viye vikarepo. ¹⁸ Abraham kwakalire na lipuro ntani nalihuguvaro, nampili ngoli lya kalire lihuguvaro lyendi yira lya maghoko-ghoko, mbyo akarera shavo vadimuhoko dadingi yira momu vatjanga ashi, ''Ruvharo roye mongaruvhuka ngoli.'' Abraham kwakalire pepi namwaka lifere, ¹⁹ ngoli kapi akalire na ghunkundi walipuro nampili momu rwapilire kukara rutu rwendi nankondo ntani na Sara ogho ayiviro ashi ruvharo rwendi rwafa. ²⁰ Abraham kapi akalire na lipuro lya kukulimba kumatumbwidiro ghaKarunga. Hawe, lipuro lyandi kwakalire nankondo ghunene makura afumadeke Karunga. ²¹ Abraham ayire nawa-nawa ashi ovyo amutumbwidira Karunga, ngavitikimo nka mwene. ²² Vino mo ngoli, '' Vamuvarulire ghuye ashi muhungami.'' ²³ Ngoli nkango kapishi pentjendi vaditjangera ashi '' Vana muvaruliri ghuhungami.'' ²⁴ Kwadi tjangera nka nakukwetu, natwe lipuro lyetu kulituvarulira ghuhungami nkene tupura mogho avhumburo Jesus Hompa wetu kughufe. ²⁵ Karunga kwatapa Jesus vamudipaye morwa maghundjoni ghetu mbyo vamuvhumbura kughufe mpo ashi ngatu hungamene mumwendi.