¹ nangeshi mpoghali makorangedo ghamwa kristus nangeshi mpoghali mashengawido vatapanga ghashihoro nangeshi mpoyilimo nkenda yayinene navaghunyande ² makura tikitenumo ruhafo rwande mukukara ndunge dimwe tupu nakukara na shihoro shiomwe tupu nakukara kumwe pampepo na nakukara nashitambo shimwe tupu ³ walye mwaruwanga vininke panaghumwenu mukushana lifumano lyama hgoko ghoko pahana shikukudidipita ghunene kuvaghunyenu kupitakana naghunyoye ⁴ rekenu namuvatjeya mukenge kapishi kukondjera panaghumwendi ngoli ana kona kukondjera kuva mweya ⁵ wakara namaghano panaghumoye ogho akalire jesusa kristusi ⁶ are ogho aya monekiro mushishwi shakarunga kapi navi paklilire shinka kuli kushetakano na karunga nakuvi ninke vyakukwaterera ⁷ nani ghuye kwaku didipitire pamaumwendi afane yira mupika ntani ⁸ ghuye kwamushampurukire wiye kwafanine yira muntu tupu wiye kwakudidipitire naumwendi ntani aya kara wakulimburuka dogoro nanke kumfa nakumfa dapashivindamo kano ⁹ mukonda yavino karunga mbyo amuyelilire unene lidina lyakupitakana madina ghanavantje ¹⁰ ghuye kwaviruwanine vino morwa mulidina lya jesus keheghuno atwe ngoro dendi nava kalire muliwiru navo vakalire palivu navo vakaliro kuntji yalivu vana kona kumutongamena ¹¹ ghuye kwaruwanine nashitambo kehe ghuno atonganona ashi jesus kristus ndje karunga mukuyererepeke karunga she ¹² Makura vaghunyande vakughora momu mwalimburuka kapishi walye mulimoneko lyande ano weno napindi moomo napiranga kumoneka rughanenu panaghumwenu vyaliparu lyenu naghoma naku kankama ¹³ mbwovyoshi karunga ogho ana kuruwano mumwenu namuvantje mukare nashihoro nakondo dakutikiliramo ¹⁴ Rughanenu vininke navintje pahana mashivano nadimutangu ¹⁵ kumwe nakuya kara vantu vakupira undjoni nakukara vanuke vaku ghungama vakarunga paghana kumupa ghu ndjoni mukatji kavo damu undjuni ¹⁶ kwaterenu nkango yaliparu mposhi liyuva limwe kristus ngakukangana ashi ruyendo ashi ruyendo rwande oro kani yendanga kapishi rwama ghoko ghoko ntani viruwana vyande ovyo kaniruwanangaklapishi vyama ghoko ghoko ¹⁷ Napindi ngoli vakombelire nikare nandjambo yaliparu lyenu naghukareli wenu ame nahafa naku shamberera kumwe namuvatjeya ¹⁸ mughukaro ghumwe tupu nanwe mka waro mukare kuhafa naku shamberera kumwe name ¹⁹ mara nakara nalighunguvaro mwahompa wetu jesus mukutuma timoteusa ku kwenu pawangu mukurenkerashi name ngavya korangede pashirugho nganiyayiva vininke vyakughamena kukwenu ²⁰ pa weno kapi nakara naumwe kehe ghuno wakufana yira ndje ogho anakara nalighunguvaro lyenu ²¹ vavo navantje kushana lighunguvaro panaumwavo kapishi vinke vyakristus ²² mara mwayiva likudidimiko lyendi mukonda yamona navashe mpo twakupopelire name mu kumuyimbira ²³ nakara nalihunguvaro muku mutuma pa wangu wangu pakumona vivinke omo vina kuyenda name ²⁴ mara ame napama mwakarunga ashi ame panaghumwande nganiya pa wangu wangu ²⁵ mara nakughayara ashi vinakara hepero mukutuma epapuraditusa ku kwenu ghuye mughunyande na varughani ntani navakavita ntani nambudi yenu navipika mumbatero yande ²⁶ ghuye kwakalire namaghayadaro ghamanene ghuye kwatumbukilirea mukuya kara nanwe namuvatjeya mukonda shi mwayuvire ghuye kwavelire ²⁷ ngoli mughuhunga ghuye kwaralire dogoro hambara kufa narunga akalire nakenda pa pendi patjako ngoli napapande waro mukurenkera ashi name kapishi nikare muruguvo na runguvo rwarunene ²⁸ ngoli kuna kutumina navintje vyavinene muku renkera shi nanke ngamu mumonenka waro ngamu shamberere ntani ame ngani kara naruguvo rwarusheshu ²⁹ tamburenu epapuraditusa mwakarunga naruhafo napantje horenu vantu yira moomo mwakuhora ³⁰ vyavyo kwakalire viruwana vyakristusa ogho ayire opapepi na mfa ghuye kwandjonawire liparu lyendi mukumpopera me na kuyuda kovyo vyapilire kurughana mu kumuvatera ghuye