¹ Paulusi na Timoteusi, vakareli vaYesusa Kristusa, kwenu namuvantje vantu vakupongoka mwaYesusa Kristusa munakaro ku Filipu, nava mpititi nava Dyakoni. ² Nkenda yikare kwenu ntani mpora yakutunda kwaKarunga shetu ntani Hompa Yesusa Kristusa. ³ Ame kupandura Karunga kehe shirugho namu vurukanga anwe, ⁴ kehe pano, mwakehe makanderero ghande namuvantje, kurenkita makanderero ghande naruhafo, ⁵ mukonda yalikupakerero kumwe nanwe mumbudi yaruhafo kutunda liyuvha lya muhovo dogoro weno. ⁶ Nakara na likuturomo kwavino vininke, ogho avi varekire viruwana vyaviwa mwewnu ngatwikira ngavi mane dogoro muliyuva lya Yesusa Kristusi. ⁷ Viwa kwande kukuyuva ngoli kuhamena kwenu namuvantje mukonda ashi namutura mumutjima wande. Anwe kwawanine nkenda kumwe name, opo nakarango mumango ndi pakutapa undipo napa kukukareka mbudi yayiwa. ⁸ Karunga ndje mbangi yande, kweyino nakughamba ashi namuvhuruka unene namuvantje narutjima rwamu Yesusa Kristusa. ⁹ Olino ndyo likanderero lyande shihoro shenu shiyende kughuto nalidowo naukonentu nauntje ¹⁰ mposhi ngamuwape kuworora vyaughunga ngamu kuhuke nakudira ghushima kuvantu dogoro muliyuva lya kristus ¹¹ nakumupa viyima vyaviwa ovyo vyapitirango mwajesus kristus ashi karunga ayererepe naku kufuma po. ¹² weno nahoro vaunyande muyiveshi ovyo vyasholikirero kwande vyavyo mpito yayiwa kuhamena mbudi yayiwa ¹³ mauketanga ghande mwakristus kwamonekilire vakungi mbara nakuvantu navantje ¹⁴ shingi shavaghuni vande vakara namukumo mwakarunga mukonda yamauketanga ghande vakara nakondo dakudira kutjira kughamba kango ¹⁵ vamweya pamundinda kungambipara kristus nalifupa nadimuntangu ano vamweya nalighano lyaliwa ¹⁶ ovo varundipo wambudi yayiwa mara vakara kavayivita kristus nskondo davavene ¹⁷ mara kapishi mumuwa vawo kughayarashi kunakuwederera kumaudito ghande ghamu mauketanga ¹⁸ vinkenka mbyo vyakaromu mwakehe ndjira vikareshi munkedi yayiwa ndi yayidona kristus vamuyuvita ame kushamberera monganishamberera ¹⁹ nayivashi evino ngaviwapa kupitira mumakanderero ghene nalivatero lya mpepo yajesus kristus ²⁰ natatereranga nakughunguvarashi narumweshi kukitange ntjoni mara likukwatakano weno na naruntje kristus ngafumana murutu rwande mulipaeu ndi namumfa ²¹ kwande niparuke kristus na mfa ngaditungika ²² mara nange niparuke namwenyo kushashekashi ame ngani twikira naviruwana vyande vyaviwa nevinatoworora kapi nayiva ²³ ame vinakwata unene pakatji nahoro kufa unene nakukara nakristus vinakarashi ndi hasha ²⁴ yakukara namwenyo navyo kughushana morwa murweni ²⁵ kuvipira evi nayivashi nganikarapo nakutwikira nanavuvantje ngamuyenda kughuto naliparu ngamulihafera ²⁶ mposhi mwande ntani ngamufumadekerapo jesus kristus opo nganiya kwenu nka ²⁷ yenuko ukaro weni ukare ghuna kughu nambudi yayiwa yakristus mposhi nange naya kwenu niyamukenge ndi kapi namoneka kuvura niyuve yakughamena kwenu ashi mundyimana ndjikiti nampempo yimwe nalighano lyakughayara kumwe kuhamena mbudi yayiwa ²⁸ washamupwanga ndi mutjire vakankore venu oshino ntjoshi neghedito kwavo shakundjonaura kwenu shaliyoghoko anengoli vyakwa karunga ²⁹ vyavyo kwavitapa nyaranyara kwenu mukenda yakristus kapishi pakupura tupu mwendi mara napakunyandera murwendi ³⁰ kukara navita yira ndjeyi mwamona mwande nakurwa napampora monka ngamuyiyuva mwande