¹ Yesusi arondo muwato, arute, ayende mumbara yendi. ² Makura, avamuyitire mukafumu wakutompama anarara palitjaro. Pakumona mapuliro ghavo, Yesusi aghamba ashi mukafumu wamundambo " Monande,kora. Ndyo doye vana dikughupiripo.'' ³ Makura, vatjangi vamatjangwa avaghamba mukatji kavo, '' Mukafumu ghuno kuna kushwaghura.'' ⁴ Yesusi ayivire maghayadaro ghavo aghamba, '' Vinke muna kughayarera vyavidona mudimutjima denu? ⁵ Vini mbyopo vyavighureru, vyakughambashi, '' Ndyo doye vana dikughupiripo', ndi kughambashi, ' shapuka ghuyende'? ⁶ Mpongoli muyivivara ashi Mona Muntu akara nankondo pano palivhu dakughupirapo ndyo,'' Aghamba kwashirema, '' Shapuka, damuna litjaro ghoye, ghukayende kumundi ghoye.'' ⁷ Makura mukafumu ashapuka akuyende kundyugho yendi. ⁸ Mbunga apa yavimonine vino, avatjilira nakupanda Karunga, ogho atapiro nkondo dinya muvantu. ⁹ Yesusi apiti panya, amono mukafumu walidina Mateusi ana shungiri mutende yavafutiti mutero. Amutantere ashi, '' Nkwame.'' ghuye ashapuka amukwama. ¹⁰ Yesusi ashungilire mundyugho alye, makura, vafutiti mutero vavangi navanandyo avaya vayalye kumwe naYesusi navakashishongero vendi. ¹¹ Apa vavi monine vaFaraseyi, avaghamba kuvakashishongero vendi, '' Morwa nke mushingi wenu ana kulyera navafutiti mutero ntani nava nandyo?'' ¹² Yesusi aviyuvire vino, aghambashi, vantu vavakanguki kapi vahepa mupangi, nkwandi vaveli. ¹³ Yendenu mukakuronge ovyo vina kutanta vino: ' Ame nahora ghufe nkenda kapishi ndjambo.' Ame kapi nayera niyayite vahungami vakushighure anongoli kwayera vanandyo.'' ¹⁴ Makura vakashishongero vaYohanesi avaya kukwendi aghambashi, '' Mokonda munke atwe navaFalisayi kudiliyiranga kehe pano, anongoli vakashishongero voye kapi vadiliyiranga?'' ¹⁵ Yesusi avatantere ashi, '' Vana vamukashipito shankwara kuvhura vaguve ghuye mukwali shimpe navo anakara ndi? Anongoli mayuva ngaghaya mukwali ngava mughupako kwavo, makura ntani ngavadilira. ¹⁶ Kwato muntu wakuliveka shilivo shashipe palikeshe lyalikuru-kuru, osho shilivo kudokoka po palikeshe, lintomo ngalikara lyalinene kupitakana pamutango. ¹⁷ Vantu kapi vaturanga vinyu yayipe mushipapa shashikuru-kuru. Ntjene avavirughana, shipapa kutaghuka,vinyu kuyiteka, ntani shipapa shavinyu kudyonaghuka. Shamulyo, kutura vinyu yayipe mushipapa shashipe, mposhi navindye vavipungure.'' ¹⁸ Yesusi ghuye shimpe kuna kughamba vininke vino kwavo, makura, munamberewa ghumwe aya atongamene aghamba ashi, '' Monande wamukadona ntantani ana kudohoroka, yaghuka mukambeke livoko lyoye, makura ghuye kwakaparuka. ¹⁹ Makura Yesusi ashapuka amukwame, kumwe navakashishongero vendi. ²⁰ Pakalire, mukamali ogho kahepanga kulipito lyahonde ghure wamwaka murongonambiri aya kunyima yaYesusi akwato kughuhura mushishi. ²¹ Makura aghamba kwamwene ashi, '' Ntjene tupu nikwata vyuma vyendi, ndi kuni kanguka.'' ²² Anongoli Yesusi opo apiruka amumono, nakughambashi. '' Monakadi, kora; mapuliro ghoye ana kukangura. '' mukamali averukire mpopanya paviri. ²³ Yesusi aya mundyugho yamukalikuto, amono vaveti vamarumbendo nambunga yina kuliro. ²⁴ Aghamba, '' Kayendenu, mukadona kapi ana dohoroka, anongoli kuna rara tupu,'' Vavo avamushepe likendyo. ²⁵ Opo avarupwitire mo, ghuye angene mundyugho amukwata kulivoko, mukadona ashapuka. ²⁶ Mbudi yakuhamena vino ayi kuhanene mumaruha mukunda naghuntje. ²⁷ Opo apititre Yesusi, vakafumu vaviri vavatwiku avamukwama. Avatwikida kuyighira nakughamba, '' Tufere nkenda, Mona Daviti!'' ²⁸ Yesusi aya mumundi, navo avamukwama. Yesusi aghamba ashi, '' Muna vipura ashi kuni viruwana vino?'' Avo avaghambashi, '' Nhii, Hompa.'' ²⁹ Makura Yesusi avakwata pamantjo ghavo nakughambashi, ''' Vikare ngoli kutwara mumapuliro ghenu,''. ³⁰ Makura mantjo ghavo aghapahuka. Makura Yesusi avarawiri nakughambashi, '' Kapishi aviyive kehe ghuno vyakuhamena vino.'' ³¹ Anongoli vakafumu vano vaviri avarupuka avahanita mbudi yino muruha shirongo shinya. ³² Opo varupukire vanya vakafumu vaviri vayende, vavakenge, mukafumu wakudira kughamba akaliro nampepo dadidona avamuyita kwaYesusi. ³³ Kururu rwakutjidamo mpepo dadidona, mukafumu atameke kughamba. Mbunga ayitetuka nakughamba, '' Ovino shimpe kapi twavimona rumwe muno muIsrayeli!'' ³⁴ Anongoli Vafaliseyi vaghamba, '' Namupangeli wampepo dadidona, ana ditjidamo mpepo dadidona.'' ³⁵ Yesusi kwayendire mbara nadimukunda nadindye. Ghuye atwikiri kuronga muSinagoge davo, kuyaghura mbudi yaruhafo yaghuntungi nakuverura kehe ghano mahamba, ntani kehe ghano maghuvera. ³⁶ Apa amonine mbunga, avafere nkenda yayinene, mukondashi vavo kwadombire ntani kwalihuguvaro. Yira ndywi dakupira mushita. ³⁷ Ghuye aghamba kuvakashishongero vendi, '' Muyangu ghungi, anongoli varuwani vasheshu. ³⁸ Mpongolishi rapererenu kwaHompa wamuyangu, mposhi atume varuwani mumuyangu wendi.