¹ Ngashaghupangura,mposhi nove ngavapire kukupangura. ² Mpanguro ghuna kupangulita,ndyo ngava kupangura,shishetikito ghuna kushetikita, ndyo ngava kushetekita nove, ³ Vinke ghuna kunomenena rutata runa karo mulintjo lya ghunyoye, anongoli ghudira kudimburura nkambo oyo yina vindamo palintjo lyoye? ⁴ Weni omo ghughamba kwaghunyoye, ' Tanko nikughupe rutata runa vindamo paliontjo lyoye,' pashirugho osho nkambo mulintjo lyoye yinakara? ⁵ Ove mukunenepeki! pamuhovo ghupa nkambo oyo yina kara palintjo lyoye, ntani ghumona nawa mukughupa rutata runakaro mulintjo lya ghunyoye. ⁶ Washa tapa ovyo vyapongoko kumbwa, kapishi kuvhukuma makwarara ghoye kumeho yavinguru. Mukondashi kuva ghalyatanga, ntani vakupiruke vakupapawire. ⁷ " Romba, ngava kuvapa. shanashana, ngaghu wana. Ngongora, ngava vakuharure. ⁸ Kehe ghuno arombango, kumupa; Kehe ghuno ashanashanango, kuwana; ntani muntu ogho waku ngongora, kumugharwira. ⁹ Are ghumwe wenu, ntjene monoye arombe muntje wamboroto, ghumupe liwe? ¹⁰ Ntjeneshi arombe ntjwi, ghumupe liyoka? ¹¹ Mpongoli, ntjeneshi anwe vadona mwayiva kutapa maghushwi ghamawa kuvana venu, weni ngoli Shenu wamuliwiru atapa vininke vyaviwa kwovo vamurombango? ¹² Mpongoli, kehe vino vininke ghunashana ashi vavikurughanene, nove vivarughanene, ovino ndyo veta navaporofete. ¹³ " Ngenenenu mulivero lyalididi. Livero lyalinene lyakungwanyunuka kutwara kughudona, ntani vantu vavangi vapitirangomo. ¹⁴ Ano ngoli livero lyalididi yayo nka ndyira yayidito yayo yakutwalidira kuliparu, yayo vasheshu vayiwanango. ¹⁵ Vangarenu kuvaporofete vavipempa, ovo vana kuyo mushishwi shandywi anongoli ghushili ghagho mambungu. ¹⁶ Kuviyimwa vyavo nko ngamuvayivira. Vantu kuvhura kunyanga mandyembere kushitondo shamigha ndi, ndi walye ghukuyu kughunyanga kukandjata? ¹⁷ Mundyira yakukufana, kehe shino shitondo shashiwa kuyimako nyango yaviwa, anongoli shitondo shashidona kuyimako nyango yavidona. ¹⁸ Shitondo shashiwa nakuyimakoshi nyango dadidona, shikare shitondo shashidona nasho nakuyimakoshi nyango yayiwa. ¹⁹ Kehe shitondo shakudira kuyima nyango yayiwa kushitetamo kushivukumina mumundiro. ²⁰ Mpongoli, ngamu vayivira kumaghushwi ghavo. ²¹ Kapishi kehe ghuno wakughamba kukwandeshi, ' Hompa Hopma,' ngakangena mughuntungi waliwiru, anongoli nkwandi mbovo tupu varuwanango omo vavishanena vavava ovo vakaro muwiru. ²² Vantu vavangi ngava kaghamba kwande muliyuva olyo, '' Hompa, Hompa, kapishi mulidina lyoye katuporofeteratanga, mulidina lyoye katutjidiranga mpepo dadidona, nani kapishi mulidina lyoye katuruwanenanga vitetu vyavingi?' ²³ Makura ame ntani ngani vadukwira, ' Tundenuko kwande, anwe avamwavatukango veta!' ²⁴ " Mpongoli, kehe ghuno wakuyuva nkango dande adilimburukwe ngakara yira mukafumu wamukotoki adikiliro ndyugho yendi paliwe. ²⁵ Mvhura ayiya, ruhandyo aruya, ntani likundungu aliyungu naku kutoghona pandyugho yinya, anongoli kapi yarundumukire, mukondashi kwayidikilire paliwe. ²⁶ Anongoli kehe ghuno wakuyuva nkango dande adire kudilimburukwa ngakara yira mukafumu wamugova adikiliro ndyugho yendi pamusheke. ²⁷ Mvhura ayiya, rughandyo aruya, ntani likundungu aliyungu nakukutoghona mundyugho, ayighu ayidyonaghuka po. ²⁸ Apa amanine Yesusi kughamba nkango dino, mbunga yatetukire ghunene kuntjongitito yendi, ²⁹ Mbyovyoshi ghuye avashongire nankondo, kapishi yira vatjangi vamatjangwa vavo.