¹ Vangarenu mwasharuwana viruwana vyaghuhungami mukatji kava vantu ashi vamumonenepo,mposhi Karunga shenu wamuwiru ndi kapi ngakakamufutira po. ² Anongoli nangeshi ghuna shana kutapa shininke, washa, yiyira momo varuwananga vakuvikupaki muSinagoge namundyira ashi vawane likuto kuvantu. Ame ghushili nakumutantera ashi, vaweno kare vawana mfuto yavo. ³ Nangeshi ove kunakutapa, livoko lyoye lyarumontjo kapishi liyive ovyo linakuruwana livoko lyoye lya rulyo, ⁴ kutapa koye kukare mukaholya-holye. Anongoli Vasho vamuliwiru, ovo vamonango mukaholya-holye, ngavyuta ruvoko. ⁵ ''Nangeshi kuna kuraperera, kapishi mukare yira vavikupaki, ovo vahoro kuraperera muSiyinagoge, namumahangandyira muyimandyindyi ashi vavamone vantu. Ghushiri nakumutantera ashi vantu vaweno vawana kare mfuto yavo. ⁶ Anongoli ove nageshi kunakuraperera, yenda ghukakuharere mundyugho, vasho ovo vahoramo. Vasho, vakuvhura kumona vyamukaholya-holye, makura ghuye ngavikupa. ⁷ ''Nangeshi kuna kuraperera walye mwavyukurukanga nkango yira vapagani, vavo kughayara ashi kuvayuvira morwa ghungi wankango davo. ⁸ Anongoli,Mwashavahonenanga, Shenu ayiva ovyo munahepa, kumeho yakavimuromba. ⁹ Rapererenu yira weno ashi, ''Shetu wamuliwiru. Lidina lyoye lifumane. ¹⁰ Ghuntungi ghoye ghutuyere. Kupanga koye kutikemo palivhu yira muliwiru. ¹¹ Tupeko ndya detu dakehe liyuva. ¹² Tughupirepo maghundyoni ghetu, yira momo twahupirangapo natwe vanyoni vetu. ¹³ Washatukengerera tunengukire kundyo nani ghutuyovore kwamudona.' ¹⁴ Nange mudongwenenepo vantu maghundyoni ghavo, Shenu wamuliwiru naye ngamudongwenena po maghundyoni ghenu. ¹⁵ Ano ntjeneshi kapi mudongwenena po vantu maghundyoni ghavo, Shenu wamuliwiru naye kapi ngamudongwenena po maghundyoni ghenu. ¹⁶ "Nangeshi mulidiliro munakara, walye mwakaranga yira vantu vakuvikutura, muguve, vavo kukutjindja vipara vyavo mposhi vantu vavamone ashi mulidiliro vanakara. Ghushiri nakumutantera vavo vawana kare mfuto yavo. ¹⁷ Ngoli anwe, nangeshi kuna kudilira, wava mutwe nashipara shoye namaghadi v 18 mposhi kapishi ghumoneke kuvantu ashi ove mulidiliro ghunakara, anongoli kuVasho vamulihorameno; ano Vasho ovo vakengango mukaholya-holye ngava kufuta. ¹⁹ Mwasha kurundayikira maghungagho pano pantunda yalivhu, ghakuvhura kudyonaghuka kuvimbumburu nakunkarawe nakuvakawidi vakuvhura kutjora ndyugho valivake. ²⁰ Nani ngoli kupongayikirenu ghungagho wamuliwiru, ogho ngavadira kudyonaghura vimbumburu nankarawe, ntani kwaku dira kuvhura kungena vakawidi valivake. ²¹ Oko lyakare limona lyoye namutjima ghoye nagho nkoko. ²² Lintjo lyoye ramba yarutu. Nangeshi, lintjo lyoye liwa rutu narundye rwayura shite ²³ anongoli nangeshi lintjo lyoye lidona, rutu roye naruntje naro rwayura mundema. Ano ngoli nangeshi, ghukenu wamumoye mudema, weni wafana mundema warutu roye. ²⁴ Kudereko kukarera vahona vavili, kuvhura anyenge po ghumwe ahore po ghumwe, ndi po ashi kuvhura akorere kwaghumwe makura anutepo ghumwe. Nakuvhura kukarera Karunga naghungavo. ²⁵ Mpongoli nakumutantera ashi, walye mwakupakeranga shinka muliparu lyenu ashi vinke mulya ndi vinke munwa; ndipo ashi vinke nidwata. Nani liparu kapish lipuru lyapitakana ndya, ndipo ashi rutu rwapitaka vidwata? ²⁶ Kengenu vidira vyamuwiru. Vyavo kapi vyakunanga ndi ashi viyangure viture mushishete, anongoli Shenu wamuliwiru kuvirera. kapishi anwe mulyo kuvipitakana? ²⁷ Are ghumwe pakatji kenu wakuvhura kuwederereko liparu lyendi? ²⁸ Vinke mukarere shinka navidwata? Ghayarenu mucuko wamuwiya, omu wakuranga. Kapi waruwananga, ndi ashi viruwane vyuma. ²⁹ Ngoli ame kuna kumutantera ashi, nampili Salomoni mughuntungi wendi kapi mwakalire ghufughuli yira ngoghu. ³⁰ Ano Karunga oghu adwatekango mushoni, oghu ghuna karopo namuntji yona ngava ghuvhukumina mulidiko, weni ngoli omu adira kuvhura kumudwateka, anwe vamapuliro ghama didi? ³¹ mwasha kara nashinka nakughamba ashi, 'Vinke tulya?' ndipo ashi 'Vinke tunwa?' ndiposhi 'Vyuma munke tudwata?' ³² Vahedana mbo vavikupakerango shinka. Shenu wamuliwiru ayiva ashi mwavihepa. ³³ Mpongolishi shanenu ghuntungi waKarunga shamutango navintje ngavi mupa. ³⁴ Mwashara nashinka kwevi vyayona, morwashi lyayona nalyo navyalyo. Kehe liyuva kwakara namaghudona ghalyo.