¹ Apa amonine Yesusa mbunga, ayendi pandundu. Ashungiri, vakashishongero avaya kukwendi. ² Uye ayashura kanwa kendi nakughamba ashi, ³ Valirago ovo vaghuntuparo papepo morwa ghuntungi waliwiru wavo. ⁴ Valirago mbovo vaguvango, morwa ngava kava shengawida. ⁵ Valirago mbovo vakukuruka, morwashi ngavakapinga ghudyuni. ⁶ Valirago mbovo vandjara nalinota lyaghuhungami, morwa ngava kavakutita. ⁷ Valirago mbovo vankenda, morwashi ngava kavafera nkenda. ⁸ Valirago mbovo vakaro nadimutjiima dakukushuka ngava kamona Karunga. ⁹ Valirago mbovo vatulitangopo mpora muvantu, morwa ngava kava twenya ashi vana vaKarunga. ¹⁰ Valirago mbovo vaheperango ghuhungami, morwa, ghuntungi waliwiru wavo. ¹¹ '' Valirago ntjeshi vantu avamushwaghura nakumuhepeka nakughamba navintje vyavidon muvipempa-pempa tupu mukondayande. ¹² Hafenu nakupembura, morwa mfuto yenu yinene ghunene muliwiru. Mundyira yino mongoli vahepekire vantu vaporofete vakaliroko kukare. ¹³ '' Anwe mungwa waghudyuni. Anongoli ntjene mungwa aghuhamupara, vinke nka ngavaghutovita? kwandi kughuvukumina pantje nakughulyatanga vantu. ¹⁴ Anwe ghukenu waghudyuni. Mbara yakaro pandundu kapi yavandanga. ¹⁵ Kwato vantu vakuhwameka ramba makura kuyitura munda yashikumba, anongoli kuyitura pantunda, yitwerere kehe uno anakaro mundyugho. ¹⁶ Shite shoye shitwere kumeho yavantu mundyira yovino vamonene mo viruwana vyoye vyaviwa mposhi vapanderepo Sho oghu akaro muliwiru. ¹⁷ ''Mwasha ghayara ashi ame kwaya niyaghupepo veta navaporofete. Anongoli kuya ditikitamo. ¹⁸ Vyaghushiri nakumutantera ashi dogoro liwiru nalivhu ngavidongonokepo, kwato ndanda yimwe ndi kamwe kakadidi mundyira kehe yino ngakatundo kuveta, dogoro vininke navintje ngavitikemo. ¹⁹ Keheghuno ngavatuko po veta yimwe nampili kakadidi mudimuragho dino aronge vamwe varughane vino ngava mutwenya ashi ndye adidipopo mughuntungi wamuliwiru. Anongoli kehe ghuno wakuditikitamo kudironga ngava mutwenya ndye wamunenepo mughuntungi wamuliwiru. ²⁰ Ame kuna kumutanterashi nkwandi ghuhungami wenu ngahupitakane ghuhungami navatjangi vamatjangwa navafalisayi, anwe kapi ngamu kangena mughuntungi waliwiru. ²¹ '' Anwe mwayuva kukare vaghambashi, 'Ngasha ghudipagha, Keheghuno wakudipagha ngakara mughudito wampanguro'. ²² Anongoli ame kumutanterashi keheghuno wakugarapera ghunyendi ngakara mughudito wampanguro; keheghuno wakutantera ghunyendishi, ' Ove muntu wamavko-vko tupu!' ngakara mughudito navamatimbi; ntani kehe ghuno wakughambashi, ' Ove ligova! ngakara mughudito wamundiro wanaruntje. ²³ Ntjeneshi ove kuna kudyamba tjambo ghuvhurukeshi mpwali ghunyoye wandyona naye, ²⁴ Shuva tjambo yoye nkoko kushidyambero, ghuyende. Pamuhovo kakughupirepo naghunyoye, kumeho yakutapa tjambo ghoye. ²⁵ Kuwenu nankore yoye mundyira yakuyenda kumpanguro, ndi nkore yoye kuvhura aka kutwalitire mumpanguro, ntani mpanguro kuvhura yikakutwalitire kuvanamberewa, ano vanamberewa ngavakaku vhukumine mudorongo. ²⁶ Vyashiri nakumutantera, ove kapi ngaukarupukamo munya mudorongo dogoro ove ngaghu mana kufuta maliva naghantje wakara nagho. ²⁷ '' Anwe mwayuva vaghamba ashi, ' Ngashaghu shondera.' ²⁸ Anongoli ame kuna kumutantera ashi keheghuno wakukenga mukamali nalidogho mumutjima wendi ana shondere kare. ²⁹ Ntjene lintjo lyoye lyarulyo ndyolyaku ndyonitango, likororemo nakulivhukuma litunde koye. Viwaghunene nangeshi ghumwe waruha roye ngaruka dyonaghuka kupitakana rutu roye naruntje ngavakaruvhukumine mumundiro wanaruntje. ³⁰ Ntjene livoko lyoye lyarulyo kuna kukundyonita, liteteko nakulivhukima ko. Hashaove ghukombanite ghumwe warutu roye kupitakana kadyonaghura rutu roye narundye mumundiro wanaruntje. ³¹ Vantantashi, ' Kehe ghuno wakukomba mukamali wendi, amupe mbapira yamakushweneno! ³² Anongoli ame kuna kumuntantera ashi kehe ghuno wakukomba mukamali wendi, pahana konda yarushonda,kumurenketa adyore kwara. Anongoli keheghuno wakumukwara nayekuna kushondera. ³³ '' Mwayuvha kukareshi, ' Kapishi kughana vyavipempa, anongoli tikitanumo maghano ghenumo kwaHompa.' ³⁴ Anongoli ame kuna kumutantera ashi, nakadidishi kuhana, likareshi liwiru, morwashi lyalyo shipuna shaghu Hompa waKarunga; ³⁵ Ndi livhu, morwa ghulyatero wampadi dendi; ndi Yerusalema, morwashi mbara yaHompa yayinene. ³⁶ Ngasha ghuhanita kumutwe ghoye, morwa kapi ngaghuvhura kuntjindja huki yimwe yikare yayikenu ndi yikara yayitipu. ³⁷ mpolishi vighamba vikare ' Nhii! Nhii, ndi nangeshi' Hawe, Hawe! Kehe vino vyakupitakana pavino kwatundanga kwamudona. ³⁸ '' Mwayuvha ovivaghamba, Lintjo nalintjo, ntani liyegho naliyegho'. ³⁹ Anongoli ame kuna kumutantera ashi, Kapishi kuhokwaka ogho ana ndyoni. Nange anakutovona kulitama lyarulyo, mupirwire nka lyarumontjo. ⁴⁰ Nangeshi kehe ghuno ana shona kukutwara kumpanguro ndi akushakane shikoverero shoye mupenka nalirwakani lyoye. ⁴¹ Kehe ghuno wakukutininika ghumushimbire po shinano shimwe, mushimberepo vinano viviri. ⁴² Tapenu kwakehe ghuno akumurombo, mwashashwena keheghuno ana kushano kumuromba. ⁴³ '' Mwayuva vaghmba ashi, ' Hora vakamaparambo voye ntani nyenga vankore voye'. ⁴⁴ Anongoli ame kunamutantera ashi, Horenu vankore venu ntani muraperera ovo vamuhepekango, ⁴⁵ Mpongolishi ngamuvhure kukara vana vaShenu vamuliwiru. Morwa ghuye kurenka liyuva litwerere pakeheghu akare mudona ndi muwa, ntani kurokitira mvhura pamuhungami namundyoni. ⁴⁶ Ntjene aghuhoro ovo vakuhoro, ndjambo munke ngaghu wana? navafutiti vamutero kapishi mbyo varuwananga vyakufana weno? ⁴⁷ Ntjene ove kumorora tupu vakamaparapo voye, kapishi mbyo varughananga vavangi vakuhupako? nampiri vahedana kapishi mbyova ruwananga vyakufana weno? ⁴⁸ Mpongolishi kare vahungami, yira Shenu wamuliwiru.