¹ Mumayuva ogho Yohanesi muyoyi kayaghuranga mumburundu yamuYudeya nakughambashi, '' ² Kushighurenu, ghuntungi waliwiru papepi ghunakara.'' ³ Ghuno ndye aghambire muporofete Yesaya, nakughamba ashi, '' Liywi lyaghumwe ana kukugho mumburundu. Wapayikenu ndyira yaHompa, muyilyalya kanite.'' ⁴ Yohanesi kadwatanga vyuma vyahuki dangamero ntani naruvya rwashipapa mumbunda. ndya dendi kwakalire limbonde naghushi wamuwiya. ⁵ Makura Yerusalemu, Yudeya nayintje, ntani namaruha mukunda ghakundurukido mukuro waYorodani avarupuka vayende kwendi. ⁶ ghuye avayoghire mumukuro waYorodani, mukutongonona ndyo davo. ⁷ Anongoli apa amonine vaFaliseyi navaSadukeyi vavangi kunakuya kwendi ayavayoghe, ghuye aghambashi, '' Anwe vana vavambaroka, are amurondoro mushenduke ghugara waghunene ogho ngaghuka kayo? ⁸ Yimenu viyimwa vyaviwa vyalikushighuro. ⁹ Kapishi mughayare kunaghamba mukatjikenu, ' Atwe twakara nashetu Aburahamu.' Ame kunakumutantera ashi Karunga kuvura kurambwita mawe vakare vana Aburahamu. ¹⁰ Likuva vanalitura kare kundandani dashitondo. Kehe shino shitondo shadirango kuyima viyimwa vyaviwa kushiteta mo nakushivukumina mumundiro. ¹¹ ''Ame kuna kumuyogha namema ghalikushighuro. Anongoli ogho ngayo kunyima yande ghuye apitakana nkondo dande, ntani kapi nawapera kumushimbira vitcamakaku vyendi. Ngaya muyogha muMpepo yakuPongoka namundiro. ¹² Rukwateko mulighoko lyendi rwakara mukukenita rupare nakupongeka rukokotwa rwendi mushishete. Anongoli ngashora mungu namundiro wakudira kudima''. ¹³ Makura Yesusi atundu kuGaleleya ayende kumukuro waYorodani akamuyoghe Yohanesi. ¹⁴ Anongoli Yohanesi ashetikilireko mukumukuva, nakughambashi, '' Nashana ghundyoghe ove, Anongoli ove kunakuya kwande?'' ¹⁵ Yesusi alimburura nakughamba kwendishi, '' vipulitire tupu weno, vyahungama kwetu kutikitamo ghuhungami naghuntje''. Makura Yohanesi amupulitilire. ¹⁶ Muruku rwakumuyogha, Yesusi ayaghukiremo mumema, amono, liwiru linamugharukiri. Amono Mpepo yaKarunga ayimusheghumukiri yira nkuti ayitembere papendi. ¹⁷ Liywi, alitundu muwiru nakughambashi, '' Ghuno ndye monande ogho nahora. Andyendo kumutjima.