¹ ' Ghuntungi waliwiru ngaghukara yira vakadona murongo ovo vakaliro naramba davo vayendiro vakondawire vakawenga. ² Vatano vamagova novatano vava kotoki. ³ Vakadona ghamagova avaghampwere maholi ghamuramba davo, morwashi kapi vapitwilire maholi. ⁴ Anongoli vakadona vavakotoki vavo vashimbi vyuma vyamaholi kumwe naramba davo. ⁵ Makura vakawenga avakuranga, navantje avaporokere muturo avarara. ⁶ Anongoli pakatji kamatiku apa yuviki livyi, ' Kengenu, vakawenga'. Rupukenu muyende mugwanekera naye.' ⁷ Makura vakadona navantje avarambuka nakutweda ramba davo. ⁸ Avaghamba kwavavavakotoki, ' Tupenuko maholi ghamuramba mukondashi ramba detu kuna kuyenda dikadime.' ⁹ '' Anongoli vakotoki avalimburura nakughambashi, ' Hawe nakuvhurashi kugwaneka natwe nanwe, vyaviwa yendenu kovo vaghulitango mukaghure ghamwe naghumwenu.' ¹⁰ Mundjara yavo yakuyenda vakaghure, vakawenga avaya,ovo vakuwapayikiliro avayendi kumwe naye mushipito shankwara, livero avalighara. ¹¹ Kunyima vakadona vamwe navo nka avakaya avaghambashi, ' Hompa, Hompa, tugharure. ¹² Anongoli ghuye alimburura nakughambashi, ' Vyashiri nakughamba kukwenu, Ame kapi namuyiva anwe.' ¹³ Kengenu ashi, anwe kapi mwayiva liyuva ndi viri. ¹⁴ '' Yira mukafumu ashanino kuyenda mushirongo shimwe. Ghuye akughu vakareli vendi atapa limona lyendi kukwavo. ¹⁵ Ghumwe wavo amupire mafere matano, ghumwe maviri, ntani ghumwe lifere limwe. Kehe ghuno kwawanine kutwara munkondo dendi, makura mukafumu ghunya ayendire mundyira yendi. ¹⁶ Ghunya awanino mafere matano ayendi akavitura muvirughana akawanenako mafere matano ghamwe nka. ¹⁷ Mundyira yakukufana, ghumwe ogho awanino mafere maviri awanenapo nka maviri. ¹⁸ Anongoli mukareli ogho awanino lifere limwe ayendi, katima likwina mulivhu, akavihororeka vimaliva vyamwenya limons. ¹⁹ Kunyima yashirugho shashire mwenyalimona wavakareli akaya nakuyakengurura maliva kumwe navo. ²⁰ Mukareli oghu awanino mafere matano aya nakuyita mafere matano ghamwe nka. Aghamba, kwamwene, ove kwampire mafere matano ghamaliva. Kenga, Ame nakawanako mafere matano ghamaliva nka.' ²¹ '' Mwenyalimona aghamba kukwendi, ' ghuna ruwana nawa, ghumukareli walipuro! Ove kwakalire nalipuro muvininke vyavisheshu. Ame nganikutura mulipangero lyavininke vyavingi. Ngena muruhafo lyamwenyalimona.' ²² '' Mukareli ogho awanino mafere maviri ghamaliva aya nakughamba, ' Mwenyalimona, ove kwampire mafere maviri ghavimaliva. Kenga, Ame kaniwanenepo nka mafere maviri ghamaliva.' ²³ '' Mwenyalimona aghamba kukwendi, '' Ghuna ruwana nawa,mukareli walipuro! Ove kwakalire nalipuro muvininke vyavishehsu. Ame nganitura mulipangero lya vininke vyavingi. Ngena muruhafo rwamwenyalimona ghoye.' ²⁴ '' Makura mukareli ogho awanino lifere limwe lyamaliva aya, Mwenyalimona, Ame nayiva ashi ove mukafumu wamudito. Ove kuyangura oku wapira kukuna ntani kutjora oku wapira kumwagha. ²⁵ Ame kwatjilire, aniyendi anikahoreka maliva ghoye mulivhu. kenga, Ove ghuno ovyo vyakuhameno vino.' ²⁶ '' Anongoli mwenyalimona alimburura nakughamba kukwendi, Ove mudona ntani mukareli waghudwa, ove wayiva ashi ame kuyangura oku nadira kukuna ntani kutjora oko napira kumwagha. ²⁷ Vinke ngoli wapilire kutapa maliva ghande kumbunga,pakuya kwande ame kuna kuya wana nka malivaghantjontjo. ²⁸ Ghupenu maliva atunde kukwendi ntani mughape kumukareli ogho ana karo namaliva mafere matano. ²⁹ Morwa kehe ghuno anakaro novyo vyavingi ngani vimupa, ntani ghuye ngavimu vyukilira. Anongoli kwakehe ghuno adiro kukara nakehe vino, nampiri kehe viarughana ngava vimughupa. ³⁰ Vhukumenu mukareli wakudira mulyo mumundema, kunya nko ngakalira nakukukwetja mayevo.' ³¹ '' Opo ngakaya mona muntu mughuyerere wendi navaengeli navantje kumwe naye, makura ghuye ngaka shungira pashipuna shaghuHompa shaghuyerere wendi. ³² Kumeho yendi ngaku ponga dimuhoko nadintje, ntani ghuye ngahangura vantu ghumwe kuvaghunyendi, yira momo ahanguranga mushita ndywi kuvimpendye. ³³ Ghuye ngatura ndywi kulihoko lyendi lyarulyo, ano ngoli vimpendye kurumontjo rwendi. ³⁴ Makura Hompa ngaghamba kovo vakulihoko lyendi lyarulyo, ' Yenu, anwe vashwera vaVava, pingenu ghuntungi vamuwapayikira kutunda kulitameko lyaghudyuni. ³⁵ Ame kwankwatire ndjara anwe amumpa ndya; Ame nkwatire linota anwe amumpa vinwa; Ame nakalire mugenda anwe amunkaveda; ³⁶ Ame nakalire muherehere anwe amundwateke; Ame navelire anwe amumpakere mbili; Ame nakalire mudorongo anwe amuyakukwande.' ³⁷ '' Makura vahungami ngava limburura nakughamba, Hompa, liyuva munke twakumonine ove ndjara atukupe ghulye? ndi linota makura atukupa ghunwe? ³⁸ Liyuva munke twakumonine ghumugenda makura atukukuaveda? Ndi muherehere makura atukudwateke? ³⁹ Liyuva munke twa kumonine ove kuna kuvera ndi mudorongo atuya kukoye? ⁴⁰ Hompa ngavalimburura nakughamba kukwavo, ' Vyashiri nakumutantera, ovyo mwaruwanenine ghumwe wamudidi pavano vaghuni vande, ame mwaviruwaninine.' ⁴¹ Makura ghuye ngaghamba kovo vakulihoko lyendi lyarumontjo, '' Tundenupo pano pande, anwe vafingilira, mundiro wanaruntje ngovamuwapayikira ogho vawapayikira mudyonaghuli navaengeli vendi, ⁴² Mukondashi yankwatire ndjara, anwe kapi mwa,mpire ndya, Ame nafire linota, anwe kapi mwampire ninwe; ⁴³ Ame nakalire nimugenda, anongoli anwe kapi mwankavidire; nakalire muherehere, anwe kapi mwandwatikire; navelira ntani nakalire mudorongo, anwe kapi mwampakilire mbiri.'' ⁴⁴ '' Makura vavo ngavalimburura nakughamba, liyuva munke twakumonine ove ndjara, ndi linota, ndi mugenda, ndi muherehere, ndi kuna kuvera, ndi mudorongo, tudire kukuvatera?' ⁴⁵ Makura ghuye ngava limburura nakughamba, ' Vyashiri nakumutantera, ovyo mwapira kuruwanena kwaghumwe wavano vavadidi,ame mwadira kuviruwanena.' ⁴⁶ Vavo ngava yenda mumatengekero ghanaruntje, anongoli vahungami muliparu lyanaruntje.''