¹ '' Ghuntungi waliwiru kwafana yira mwenya livango oghu ayendiro ngura-ngura mukushana varuwani vamushikunino shendi shavinyu. ² Kunyima ghuye anakuyuvhu navaruwani shiringa yimwe muliyuva, ghuye avatumu mushikunino shavinyu. ³ Ghuye ayendi nka kuviha vyaviri yaghutatu ntani amono varuwani vamwe vana yimana palivango lyamaghulitiro. ⁴ Avareshi, '' Nanwe nka, yendenu mushikunino shavinyu, ntani ame ngani mupa oyvo vyahungamo.' makura avayendi vakaruwane. ⁵ Makura ayendi kuviha vyaviri ntayimwe ntani nka kuviri yantane, aruwana vyakukufana. ⁶ Ntani nka kuviha yaviri yamurongo nayimwe ghuye arupuka ayendi akawana vamwe vana yima tupu. Avarenke, vinke muna yimanene pano liyuva nalintje?' '' ⁷ Avaghamba kukwendi, ' Mukondashi kwato ghumwe anatukumuno atwe.' '' Avatantereshi, 'nanwe nka yendenu mushikunino shavinyu.' ⁸ Apa yatikire ngurova, mwenya shikunino shavinyu aghamba kwamutikitimo wendi, ' Yita varuwani nakuyavafuta mfuto davo, pamuhoverera kutunda kwaghu wakuhulilira dogoro wakutameka. '' ⁹ Apa varughani avavakayitire paviri yamurongo nayimwe vayire, kehe ghuno wavo awana shiringa yimwe. ¹⁰ Varuwani vapamuhovo vayire, vavo avaghayara ashi vavo kuvawana vyakupitakanapo, anongoli navo avawana shiringa yimwe kehe ghuno. ¹¹ Apa vawanine mfuto yavo, avatapa runyeghenyo kwamwenya livango.' ¹² Avaghamba, ' varuwani vakuhililira kunaruwana tupu viri yimwe, anongoli ove ghuna tushetakanita kumwe, atwe tunaruwana ghunene mughupyu liyuva nalintje.' ¹³ '' Anongoli mwene avalimburura nakughamba kughumwe wavo, ' Muholi, Ame kapi naruwana lipuko. Kapi ghunakuyuvhu name shiringa yimwe? ¹⁴ Ghupa oyvo vina kuhameno nakuyenda mundyira yoye. Ame kuna tovorora kutapa kuvaruwani vakuhulilira mukufane navo. ¹⁵ Nani ame nakuvhurashi kuruwanita vininke vyahameno kwande momu navihorere? Ndi ove nyengo mukondashi ame nimuwa?' ¹⁶ Mpongolishi vakuhulilira ngava kakara vakuhova, ano vakuhova vakuhulilira.'' Vangi vayitanga, anongoli vasheshu vatovororanga. ¹⁷ Apa akandukire Yesusi ayende kuYerusalemu,aghupu vanya murongo navaviri vakukarere, mundyira yavo aghamba, ¹⁸ '' Kengenu, atwe kuna kuyenda tukanduke kuYerusalemu, ntani mona muntu ngava mutapa kuvaruti vavanene navatjangi matjangwa. Vavo ngavamutokwera kumfa, ¹⁹ Ngava mutapa kuvahedana vavo ngava mushwaghura, kumushepura, nakumupamparera. Anongoli muliyuva lyaghutatu ngangaka vhumbuka mo.'' ²⁰ Makura vawina vavana vaSebede avaya kwaYesusi kumwe navana vendi vavakafumu. Atongamene kumeho yendi ntani avapura vininke vimwe kukwendi. ²¹ Yesusi aghamba kukwendi, '' Vinke ghuna shana?'' Aghamba kukwendi, '' Raghura ashi vano vana vande vaviri ngavakashungire, ghumwe kulihoko lyoye lyarulyo ntani ghumwe kulihoko lyoye lyarumontjo, mughuntungi ghoye.'' ²² Anongoli Yesusi avalimburura nakughamba, '' Ove kapi ghuna yiva oyvo ghunakushungida. Ove kuvhura kunwa munkinda oyo ngani nwa ndi?'' Avaghamba kukwendi, '' Kutu vhura.'' ²³ Ghuye aghamba kukwavo, '' Nkinda yande ngamuyi nwa. Anongoli kushungira kulivoko lyande lyarulyo ntani kulivoko lyande lyarumontjo kapishi vyande vyakutapa, anongoli kovo tupu vawapayikira kare vavava.'' ²⁴ Opo vaviyuvire vakashishongero murongo vino, vavo kwagarapilire ghunene vantunamughunye vaviri. ²⁵ Anongoli Yesusa avayita, nakughamba, '' Anwe mwavayiva ashi vahompa vavahedana kupangera muhoko wavo, vakafumu vavo vamulyo kupangera nankondo kukwavo. ²⁶ Anongoli kapishi vikare mundyira yino mukatji kenu. Ntjeneshi, kehe ghuno ana shano kukara wamunene mukatji kenu akare mukareli wenu, ²⁷ ntani kehe ghuno anashano kukara wakuhova mukatji kenu akare mukareli wenu, ²⁸ Yira momu Mona Muntu kapi ayera vaya mukarere, anongoli mukutapa liparu lyendi ndjambo yakehe ghuno ²⁹ Apa varupukire vatunde muYeriko, mbunga yayinene ayimukwama. ³⁰ Kunya vatwiku vaviri vavakafumu kwashungilire kushitaghura. Apa vayuvhire ashi Yesusi kuna kupita, avayiyiri, '' Hompa, mona Daviti, tufere nkenda.'' Mbunga ayivashweneke vavo, nakuvatantera ³¹ vamwene, anongoli vavo avayiyiri nka ghunene mukudameka, '' Hompa, Mona Daviti, tufere nkenda.'' ³² Makura Yesusi ayimana ndyikiti makura avakughu nakughamba, '' Vinke muna shana nimuruwanena?'' ³³ Avaghambashi, '' Hompa, mantjo ghetu amahuke.'' ³⁴ Makura Yesusi, ayi muwiri nkenda, kukwata pamantjo ghavo, mpopo avapahuka avamukwama.