¹ Opo apapitire po mayuva ntayimwe Yesusi aghupu Peturusi, Yakopu, namughunyendi Yohanesi, avayita kundundu yayire avarondo vavene. ² Akushintunuka kumeho yavo. Shipara shendi ashi mpayima yira liyuva,vyuma vyendi avivembere yira shite. ³ Makura, avavamonekerere vaMosesi naEliya avaghamba naye. ⁴ Peturusi alimburura nakughamba kwaYesusi, '' Hompa, ghuwashiri ghunene tukare kuno. Ntjene ghuna shana, Ame kuni dika pano ndunda ntatu - yimwe yoye, yimwe yaMosesi, ntani yimwe yaEliya.'' ⁵ Ghuye shimpe kuna kughamba, avakenge, liremo lya kupayima lina vafiki, makura, liywi alitundu muliremo, nakughambashi, '' ghuno Monande ogho nahora, andyendo kumutjima. Muteghererenu.'' ⁶ Opo vaviyuvire vakashishongero vendi, avatongamene vanyongeke dimutwe palivhu aghuvawana ghoma waghunene. ⁷ Makura Yesusi aya ayavakwata nakughamba, shapukenu mwashatjira.'' ⁸ Opo vakankukire avamonopo Yesusi ndye tupu anahupopo. ⁹ Pakughumaka kundundu, Yesusi avarondora, nakughamba, '' Kapishi mukatantere kehe ghuno ovyo munamono dogoro Mona Muntu ngaka vhumbuke kughufe.'' ¹⁰ Vakashishongero vendi avamupura, nakughamba, '' vinke vaghamberanga vatjangi matjangwa ashi Eliya ntjengahovo kuya?'' ¹¹ Yesusi avalimbura nakughamba, '' Eliya vyaghushili ngaya ayawapeke vininke navintje. ¹² Anongoli kuna kumutantera ashi, Eliya ayakare, anongoli vavo kapi vamudimburulire. Vavo varuwanine kehe vino vashana kukwendi. Mundyira yakukufana, Mona Muntu naye mo ngahepa mumaghoko ghavo.'' ¹³ Makura vakashishongero vendi avavikwata lighano ashi ghuye kwatambire Yohanesa muyoghi. ¹⁴ Opo vayatikire kumbunga, mukafumu aya kwendi, atongamene, aghamba,'' ¹⁵ Hompa fere nkenda monande wamumati,shinyonywa kwashamuhepeka. Ghuye kehe pano kuwera mumundiro ndi mumema. ¹⁶ Namuyita kuvakashishongero voye, anongoli kapi vana kumuverura.''' ¹⁷ Yesusi alimburura nakughamba, '' ruvaro runakaroko rwakupira mapuliro, shirugho shakutika kuni nganikara kumwe nanwe? Shirugho shakutika kuni ngani vimukengerera vino? Muyitenu kuno kwande.'' ¹⁸ Yesusi makura atughumukiri mpepodona, ayitundumo mwendi, mumati averukire muviri yinya. ¹⁹ Makura vakashishongero avaya kwaYesusi mukaholya - holye aghamba, '' Morwa nke tuna dilikuyitjidamo?'' ²⁰ Yesusi avatantere ashi, '' Mukonda yamapuliro ghenu ghamadidi. Ghushili naku mutantera, ntjene wakara namalipuro nampili ghadidipe yira pantanga daghuhoro, kuvhura ghamba kundundu yino,tundapo pano dogoro panya;ngayi yenda, kwato ngavimuvhuro.'' ²¹ mpepodona dakufana weno kutundamo nkwandi ndapero nalidiliro. ²² Vavo opo shimpe muGalileya vana kara, Yesusi aghamba kuvakashishongero vendi, '' Mona Muntu ngava mutapa mumahoko ghavantu, ²³ vavo ngava mudipagha, liyuva lyaghutatu ngakavhumbuka.'' Vakashishongero avaguvu shiri ghunene. ²⁴ Apa vayire kuCaperinaumu, vakafumu ovo vafutitiro mutero wantembili avaya kwaPeturursi avaghamba, '' Mushongi wenu naye kwafutanga mapeni maviri mutero ndi?'' ²⁵ Ghuye aghamba ashi, Nhii.'' Peturusi apa aya mundyugho, Yesusi ahovo kughamba naye, Vinke ghunakughayara Simoni? Are vafutitanga mutero vaHompa vapalivhu? Vana vavo ndi vantu vapeke?'' ²⁶ '' Kuvantu vapeke,'' alimburura Peturusi. '' Vana vavo kapishi navoko,'' aghamba Yesusi. ²⁷ Anongoli kapi tuditopita vuruwa vyavafuti mutero, yenda kulifuta, kavhukuminemo lirogho, ntjwi oyo yikahovo kulyako katampure. Apa ghuka yashameka kanwa kayo, kughu kawana shiringa. Kayighupe ghukayitapa kuvafutiti mutero yande ntani nove.