¹ VaFaraseyi ntani vaSadukeyi avaya nakumusheteka kumupura mukuva negheda shitetu shakuliwiru. ² Ano ngoli alimburura naghamba kukwavo, '' Ntjeshi ngurova, anwe kughamba, mpepo yina wapa, morwa liwiru lina gehe; ³ Ano ntjene ngurangura, anwe kughamba, ' ngakukara likundungu, morwa kuliwiru kuna gehe ntani kuna shovagana.' Anwe mwayiva kufaturura limoneko lyaliwiru, anongoli anwe kapi munakufwaturura vineghedito vyamaruvede. ⁴ Vadona ntani ruvharo rwarushonda kushana-shana vitetu, anongoli kwato shitetu ngava mupa kwandi shaYona. '' Makura Yesuasi atundupo makura ayendiko.' ⁵ Makura vakashishongero avakatika mushelimunya, avavhurama kupitura mboroto. ⁶ Yesusi aghamba kukwavo, kotokenu nakurungarara kuhingo yavaFarseyi ntani Sadukeyi.'' ⁷ Vakashishongero avakupuraghere mukatji kavo muvavene nakughamba, '' Mukonda walye kwato mboroto oyo tunapitura.'' ⁸ Yesusi ayivire vino makura aghamba, '' Anwe vamapuliroghona, vinke muna kukunungaghura mukatji kenu nakughamba ashi mukondashi kwato mboroto oyomunapitura? ⁹ Shimpe kapi muna vikwata lighano ndi kuvhuruka mboroto ntano kumayovi matano, ntani vikumba vingashi mwapongayikire? ¹⁰ Ndi mboroto ntambiri kumayovi mane, ntani vikumba vingashi mwashimbire? ¹¹ Weni anwe kapi muna kuvikwata lighano ashi ame kapi nakughamba kukwenu vyakuhamena mboroto? Kotokenu ntani muvangarare kuhingo yavaFaraseyi ntani vaSudukeyi. ¹² Makura avakwata lighano ashi ghuye kapi avatantilire kurungarara kuhingo mumboroto, anongoli kuvangara kumarongo ghavaFaraseyi ntani vaSudukeyi. ¹³ Yesusi ayire kuruha mukunda papepi naKaresareya Filipu, apura vakashishongero vendi, aghamba, '' Are vana kughamba vantu ashi Mona muntu ne are?'' ¹⁴ Avaghamba, '' Vamwe kughamba Yohanesi muyoghi, Eliyah, ntani vamwe nka Yeremiya, ndi ghumwe wava porofete.'' ¹⁵ Ghuye aghamba kukwavo, '' anwe ne ame are?'' ¹⁶ Mukulimburura, Simon Peturusi aghambashi, '' Ove Kristusi, Mona Karunga wakuparuka.'' ¹⁷ Yesusi alimburua nakughamba kukwendi, '' Lirago ove, Simon mona Yonah, panyama nahonde kapi vana vimushorwere vino, anongoli Vavava muliwiru. ¹⁸ Ame nka kuna kughamba kukwenu ashi ove Peturusi, paliwe lino ame ngani dikapo nkirishe yande. livero lyavafe kapi ngava lidina po. ¹⁹ Ame ngani kupa tjapi daghuntungi waliwiru. Kehe vino ngaghu manga palivhu namuliwiru ngavavimanga.'' ²⁰ Makura Yesusi arawiri vakashishongero vendi ashi vasha vitantera kehe ghuno ashi ghuye ndye Kristusi. ²¹ Kutunda paruvede oro Yesusi atameke kutantera vakashishongero vendi ashi ghuye tupu ndye kuyende kuYerusalema, aka hepere vininke vyavingi mumahoko ghavakurona ntani varuti vavanene ntani Vatjangi vamatjangwa, mukumudipagha, ntani kumuvhumbura kuliparu muliyuva lyaghutatu. ²² Makura Peturusi amughupupo kumpengi nakukamukava kapishi ngavi horoke kukoye''. ²³ Anongoli Yesusi apiruka nakughamba kwaPeturusi, '' Kara kunyima yande, Satana! Ove mupukiti kukwande, Ove kapi waghayaranga kuhamena vininke vyaKarunga, anongoli kuhamena vininke vyavantu.'' ²⁴ Makura Yesusa aghamba kuvarongwa vendi, '' Ntjene kehe ghuno ana shano kunkwama ame, ghuye akudine mwene, ashimba shikurushe shendi, makura ankwame. ²⁵ Kehe ghuno ana shano kuparura monyo wendi ngaghu kombanita, ntani kehe ghuno wakukombanita monyo wendi morwa rwande ngakaghu wana. ²⁶ Vinke vyavateranga muntu ntjene ghuye ana wana ghudyuni naghuntje ano ngoli akombanite liparu lyendi? Vinke avhuranga muntu kutapa mukutjindyita naliparu lyendi? ²⁷ Mona Muntu ngakaya mushikoda wavashe navaengeli vendi. Makura ghuye ngafuta kehe ghuno muntu kutwara muvirughana vyendi. ²⁸ Vyashiri nakumutantera, Anwe vamwe muna yimano pano kapi ngamu mfa dogoro ngamukamone Mona Muntu kunakuya mughuntungi wendi.''